VIDEO/ Pabarazia e re, pse djemtë po e braktisin dijen për garën e fitimit?

Sipas statistikave, ka një numër gjithnjë e më të vogël djemsh që regjistrohen në universitete, dhe akoma më të pakët janë ata që i përfundojnë dhe diplomohen. Nga ana tjetër, vajzat dhe gratë po diplomohen në numra gjithnjë e më të lartë, çka reflekton edhe  një trend global që tregon se vajzat po përparojnë ndjeshëm në arsim, ndërsa djemtë po mbeten pas.

Në episodin më të fundit të Apostrof Podcast, sociologia Marsi Simo e lidh këtë fenomen me mënyrën si shoqëria e koncepton suksesin për burrat dhe gratë.

"Burrave, djemve po iu kërkohet që në moshë të hershme të fitojnë më shpejt ta ardhura. Është fenomeni i të pasuruarit dhe të arriturit pushtet e prestigj sa më shpejt. Dhe po arrin të kuptohet, që këtë nuk ta jep shkolla, as ajo diploma 4-5 vite, por ta jep një punë nga e cila do vuash, do sakrifikosh vitet e para dhe më pas do kesh  prestigjin tënd. Dhe këtë, djemtë dhe burrat e shohin tek emigracioni, prandaj një pjesë e tyre duan të ikin," thotë Simo.

Sipas saj, djemtë po rriten me ndjenjën se vlera e tyre matet me fitimin, jo me dijen. Ata ndihen të shtyrë drejt punëve që ofrojnë para të menjëhershme, drejt emigracionit apo sipërmarrjeve të shpejta, ndërsa arsimi perceptohet si një proces i gjatë, pa garanci.

Në anën tjetër, vajzat rriten me pritshmërinë e qëndrueshmërisë dhe sigurisë përmes arsimit.

“Grave, vajzave u mësohet që ty të duhet një diplomë, ty të duhet një punë në zyrë. Të duhet një punë më komode, që të jesh e gjendshme dhe në shtëpi edhe në punë,” shton ajo.

Kjo ndarje e pritshmërive duket se po krijon një pabarazi të re, jo në mundësi, por në mënyrën si formohen ambiciet. Vajzat dhe gratë po përparojnë përmes arsimit, ndërsa sdjemtë dhe burrat mbeten pas.

Në një shoqëri ku prestigji matet me fitim, jo me përmbushje, dijet po humbasin terren përballë parasë. Dhe siç shprehet  Marsi Simo, ndoshta nuk është se djemtë nuk duan të mësojnë, por se po rriten me idenë që të mësosh nuk mjafton më.

Ndiq episodin e plotë të Apostrof Podcast:

Si perfeksionizmi na rrëmben qetësinë dhe gëzimin e përditshëm? | Marsi Simo | Apostrof #38

Ceremonia e bluzave të bardha, ministrja Sala: 459 studentë të rinj nisin ëndrrën e tyre

14:55 Sociale

Kumbaro uron nisjen e vitit të ri akademik nga Shkodra: Koha të rishikojmë ligjin e arsimit të lartë

14:44 Sociale

Rama ndan pamje nga punimet për ndërtimin e urës së Viroit: Do të përmirësojë qarkullimin në hyrje-daljet e Gjirokastrës

14:14 Sociale 1 koment

VIDEO/ Nobel në mjekësi për 3 shkencëtarët, hapet rruga për trajtimin e sëmundjeve autoimune dhe kancerit

12:33 Sociale

Shqipëria 'hyn në lojë' për fondet e mbrojtjes së BE-së

10:31 Sociale 2 komente

Nis sot viti i ri akademik, Rama ndan pamje nga Qyteti Studenti

08:08 Sociale 1 koment

VIDEO/ Pse përsëritet cikli i dhunës? Sociologia Simo: “Të komunikosh kërkon më shumë guxim se të godasësh”

19:09 Sociale

VIDEO/ Ankthi i perfeksionizmit: Sociologia Marsi Simo për lodhjen, prindërimin dhe shoqërinë që nuk di të ndalet

17:00 Sociale 1 koment

I zhdukur prej katër muajsh, nëna denoncon humbjen e djalit të mitur në Elbasan

14:15 Sociale

Shqiptari rikthehet nga Italia për të ndërtuar fermën në Orenjë, Balla: Shembull për komunitetin lokal

13:16 Sociale 8 komente