Te fundit
Statistikat e pabesueshme të Haaland: më mirë se Ronaldo e Messi!
19 Shtator 2022, 18:30Sport
TEMA
Nuk ndalet momenti i artë i Erling Haaland, autor i 11 golave në 7 ndeshje të Premier League, që bëhen 14 gola në 9 ndeshje duke përfshirë dy ndeshjet e Champions League kundër Sevillas dhe Borussia Dortmund. Sulmuesi norvegjez me paraqitjet e tij të jashtëzakonshme ka më shumë gola se 13 skuadra në ligën angleze, përfshirë Manchester United dhe Chelsea (8 gola në total).
Numrat flasin vetë dhe në moshën 22-vjeçare korrikun e kaluar, Haaland vazhdon të vendosë dhe të thyejë rekorde. Norvegjezi po kalon edhe Cristiano Ronaldon dhe Messin në vitet e para të karrierës, duke thyer së fundmi edhe rekordin e tyre.
Edhe pse tre lojtarët në fjalë kanë pozicione të ndryshme në fushë, ka një statistikë që lejon një krahasim të drejtë: ajo e përqindjes së suksesit në goditjet në portë. Cristiano Ronaldo në sezonin e tij më të mirë, mes La Liga (48 gola) dhe Champions (10 gola), arriti në total 58 gola me 295 goditje, ose një përqindje prej 19% (1 gol çdo 5 goditje).
në sezonin e tij më të mirë, Messi shënoi 53 gola (43 në ligë dhe 10 në Champions League) duke realizuar 237 goditje, pra një shkallë suksesi 22% (1 gol çdo 4.5 goditje).
Statistikat e Haaland e tejkalojnë shumë portugezin dhe argjentinasin: atij i nevojiteshin vetëm 37 goditje për të shënuar 14 golat e tij, me një përqindje në 38% (1 gol për çdo 2.6 goditje në portë).
Jo vetëm kaq, norvegjezi fiton edhe në statistikat e golave të shënuar në 6000 minutat e para të karrierës së tij: Ronaldo ka arritur në 17, Messi në 40, Haaland i ka kaluar, 73 gola.
Më të lexuarat
24 oret e fundit
Javen e fundit
Blog Tema
Lini një Përgjigje