Te fundit
U shpall kampione, presidenti i federatës së skive: Lara, vetëm 16 vjeç po i fal shumë Shqipërisë
21 Janar 2023, 16:55Sport
TEMA
Presidenti i Federatës Shqiptare të skive Elvis Toçi tha se fitorja e Lara Colturi, e cila u shpall kampione e botës për të reja në ski, do të thotë shumë.
Në një intervistë për Euronews Albania, ai tha se një fëmijë që është vetëm 16-vjeç po i jep shumë krenari vendit tonë.
Sipas tij fitorja e Larës ishte e pritshme pasi kishte punuar shumë, ndërsa shtoi se për këtë garë ka nisur punën që në korrik.
“Do të thotë shumë, do të thotë emocione, kurorëzim i një pune shumë të madhe të trjanerëve ,të Larës vet. Është një fëmijë 16 vjeç që i ka dhënë këtë krenari kaq të madhe Shqipërisë. Është një punë që ka nisur në Korrik. Ishte një medalje e pritshme falë punës së saj me rezultate të shkëlqyera. Është një sport që do dhe fat. Sot është dita që ne të gëzojmë. Çdo vend ku skia praktikohet, njeh Shqipërinë si konkurrente shumë të fortë në vitet në vazhdim”- tha ai.
Ai tregoi dhe për garat e tjera që e presin 16-vjeçaren kampione.
“Lara tani fillon garën tjetër. Është e pritshme që pas atij suksesi ka peshën e kampionit të botës. Sot është një konkurrencë më e fortë se dje. Ka një konkurrencë të jashtëzakonshme.
Lara është pjesëmarrëse e kupës së botës . këtu ku jemi është kampionati botëror rinor. Ajo që mori Lara dje është medalje deri në 21 vjeç. Më pas do të zhvendosemi atje ku do të zhvillohet kampionati botëror ku do të garojnë 100 më të mirat e botës. Qëllimi jonë është të jemi në top 30 më të mirë të botës dhe kjo do të thotë shumë”- shton ai.
Lara Colturi u shpall kampione bote për të reja në displinën e super gjigandit duke arritur një sukses të jashtëzakonshëm. Skiatorja kuqezi zhvilloi një garë të shkëlqyer të premten në St. Anton të Austrisë.Colturi preku shpejtësinë 120 kilometra në orë. Ajo ka marrë pjesë edhe në cirkutin e Kupës së Botës, aktiviteti më i rëndësishëm i sportit të skive, ku është përfshirë edhe mes 30 më të mirave.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk quhet Lara , por Laura .
Po ky Toci qenka toc lol Ky thote " Lara e ka filluar stervitjen qe ne Korrik " Po ne Korrik ku bente ski kjo mor aman, ne Himalaje , apo te Mali me Gropa ku rinte Likja hahahaha Bravo Lara ! Urime urime na nderove Shqiperine ! We love you !
A di ndonjeri te na shpjegoje,pse u be shqiptare kjo,ku nderkohe nuk ka asnje lidhje me Shqiperine.Eshte super talent,dhe si e la Italia,e çuditshme.Sidoqofte,i lumte per titullin champion bote
Ne si komb kemi vuajtur shume shpesh nga te tjeret qe kane perdorur shqiptaret per ti pervetesuar ne ekipet e tyre kombetare, packa se shume prej tyre jane formuar si sportiste jasht Shqiperise. Sidoqofte, jo cdo individ mundet te behet p.sh. Zidane i cili i perket kombit te tij Algjerian dhe jo atij francez, per te cilin zgjodhi te luaj. Ky fenomen eshte me i perhapur ne futboll, por edhe ne sporte te tjera. Kete rradhe nje italiane, kerkon qe te perfaqesoje Shqiperine ne sportin e forte te skive. Pa dyshim qe eshte nje nder qe na bejne keta miq italiane, qe perfaqesojne vendin tone, pa na interesuar aresyet e tyre personale. Shqiptaret, historikisht kane respektuar mikun dhe i kane hapur deren dhe zemren, prandaj fjala "bese" eshte e njohur nga te gjithe si nje simbol i mikpritjes shqiptare. Po a eshte e drejte qe nje sportist apo sportiste preferon te perfaqesoje nje komb tjeter ne vend te kombit te tij apo te saj? Personalisht besoj se nuk eshte e drejte, por tashme kjo gje eshte bere nje trend, ku perfituesit jane pa dyshim shtetet me te pasura, qe terheqin talente ne kombetaret e tyre. Te pakten, nese nje gje e tille tashme eshte e pranuar boterish, perse vazhdojne ti quajne "ekipi kombetar" i nje vendi te caktuar? A ka kuptim qe nje tufe afrikanesh te ngrene kupen e botes te veshur me fanellat e Frances?
Lara eshte shqiptare nga nena e saj,kurse babai eshte tirolez!
Po, mamaja quhet Daniela Ceccarelli. Lushnjare puro