Te fundit
Problemet e turizmit në kulmin e sezonit
2 Gusht 2025, 21:20Turizëm
TEMA
Jemi në kulmin e sezonit turistik dhe në pikë të verës, por qytetet bregdetare mund të arrihen vetëm përmes makinave private ose taksive, shërbimi urban nuk funksionon.
Kryetari i Shoqatës së Hoteleri-Turizmit, Zak Topuzi, ka ngritur shqetësimin për situatën e rënduar të infrastrukturës dhe mungesës së transportit publik në qytetin e Vlorës, duke theksuar se këto janë faktorë që po ndikojnë negativisht në përvojën e vizitorëve dhe në zhvillimin afatgjatë të turizmit.
“Vlora ka potencial të jashtëzakonshëm turistik, por mungesa e një vizioni të qartë urban në funksion të turizmit po e dëmton rëndë përvojën e pushuesve,” – u shpreh Topuzi.
Qyteti bregdetar, i njohur për vijën e bukur bregdetare dhe investimet në zonën e Lungomares, ka njohur rritje të konsiderueshme të vizitorëve në vitet e fundit. Megjithatë, problemet me lëvizshmërinë urbane, mungesa e parkimeve, ngushtimi i rrugëve dhe varësia nga mjetet private janë kthyer në pengesë serioze për zhvillimin e qëndrueshëm të sektorit turistik.
“Turistët, veçanërisht ata të huaj, nuk e konceptojnë dot që për të shkuar në plazh duhet të përdorin automjetin disa herë në ditë. Kjo përvojë nuk është në përputhje me një standard europian të pushimeve,” – shtoi Topuzi.
Sipas tij, kjo ka bërë që një pjesë e turistëve të orientohen drejt destinacioneve të tjera më funksionale dhe më të aksesueshme në rajon, duke ulur konkurrueshmërinë e Vlorës në Mesdhe.
Zgjidhja: Një sistem modern, i gjelbër dhe i integruar transporti
Topuzi thekson se është urgjente rishikimi i vizionit urbanistik të Vlorës në raport me turizmin, duke propozuar krijimin e një sistemi transporti publik efikas dhe të gjelbër, i cili mund të shndërrojë mënyrën se si qyteti menaxhon flukset turistike.
Një nga idetë më ambicioze që ai sugjeron është krijimi i një linje tramvaji përgjatë bregdetit nga Vlora deri në Orikum, me ndalesa strategjike pranë zonave të plazhit dhe atraksioneve kryesore. Kjo do të reduktonte trafikun, ndotjen dhe kaosin urban, duke i dhënë qytetit një identitet të ri si destinacion i qëndrueshëm dhe inteligjent.
“Bashkia e Vlorës ka një mundësi historike për të qenë pararojë në zhvillimin e një qyteti mikpritës, të aksesueshëm dhe europian në frymë,” – përfundon Topuzi.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Topuzi me siguri idene e tramvajit e ka ose nga ChatGPT (bazuar ne nje pyetje idiote sepse nqs pyetja do ishte me e mire ChatGPT do pergjigje j me sakte dhe mire), ose nga Lulezim Basha Se ku do ta vendosi gjurmen e tramvajit pergjate vijes bregdetare (pervecse nga kampi i punetoreve gjer ne Zvernec) Ky ekspert nje Zot e di. Thjesht nje budalla nga ata te shumtet e Albanistanit
Topuzi, je zgjuar me vonese, por megjithate, je ne vendin e duhur, ku vilajeti arnaut dhe beu i surrelit, veshjen e kane allafrenga kurse koken e kane te mbushur me tepeger( mut)turk.