Te fundit
Sondazhi me turistët, cilat janë pjatat dhe pijet e tyre të preferuara në Shqipëri
17 Gusht 2025, 12:30Turizëm
TEMA
Kuzhina shqiptare po fiton gjithnjë e më shumë vlerësim nga turistët e huaj, duke u kthyer në një përvojë kyçe për ta të udhëtimit në Shqipëri. Të paktën kështu tregon një anketë e zhvilluar gjatë muajit qershor me 250 turistë në qytetet Tiranë, Durrës, Shkodër, Gjirokastër, Vlorë dhe Berat.
Në krye të preferencave gastronomike qëndron tava e dheut, e përzgjedhur si më e shijshmja nga 22% e turistëve. Pas saj vjen peshku në furrë (17%), ndërsa një surprizë e këndshme është rritja e popullaritetit të qifqive nga Gjirokastra. Këto zgjedhje po ndikojnë edhe në rikthimin e recetave tradicionale në menutë e restoranteve lokale.
Pijet vendase po fitojnë po ashtu vëmendje. Vera shqiptare rezulton më e konsumuar (63%), e ndjekur nga rakia (52%), që për turistët përfaqëson një pjesë të rëndësishme të trashëgimisë kulturore.
Edhe birrat vendase janë më të preferuara se ato të huaja (47% kundrejt 35%), duke reflektuar një prirje të qartë drejt autenticitetit.
Çmime të favorshme, përvojë pozitive
Çmimet në restorantet shqiptare janë vlerësuar si shumë konkurruese: 38% e turistëve i cilësuan “shumë të lira”, ndërsa 45% “të përballueshme”. Vetëm 3% menduan se ishin të shtrenjta.
Kuzhina shqiptare ka marrë vlerësime të larta: mbi 52% e turistëve i dhanë notën maksimale prej 5 yjesh dhe 26% dhanë 4.5 yje. Më pak se 6% dhanë një vlerësim prej 3 yjesh ose më pak.
Qytetet më të vlerësuara për përvojën kulinare janë Gjirokastra (91%), Berati (88%), Vlora (85%) dhe Shkodra/Thethi (82%), destinacione që spikasin për ofertat autentike dhe praninë e agroturizmeve.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo, te shohim cfare do thone mbas 2-3 vitesh.
Qytetet qe pelqehen nga te huajt,ku nuk kan shkelur akoma mender te them investitoret stradegjike te qeverise.
Po Fieri, Ku ka qytet më të mirë se Fieri për turizëm.... . Kur na vijnë mysafirë në Fier ne i kënaqim duke i çuar në Berat, Vlorë dhe Divjakë ku shqepen me peshk te Ali Kali.
Mbete te luga dhe pjata. Sikur ketu eshte parajsa. Merru me analize tjeter. Braktisja e vendit, ikja e rinise, shkaterrimi i bujqesise, pensione qesharake....Apo ju jetoni ne luks me nje pene dhe boje korrupsioni. Se çfar pjate duan turistet, kjo eshte e gjitha.