Financimi i shkollave private, MASH shpall mekanizmin

Nga Altin Musai

Pas lajmit të papritur të ministrit të Arsimit, z. Myqerem Tafaj që shkollat private do të marrin fonde nga buxheti i shtetit, pra nga taksat e qytetarëve shqiptarë, dje Ministria e Arsimit dhe e Shkencës zbardhi mekanizmin me anë të të cilit të gjitha këto shkolla do të përfitojnë fondet e taksapaguesve, sikurse përfitojnë edhe shkollat publike, për të cilat paguhen taksat.

Në projektligjin e ri të arsimit parauniversitar, të publikuar dje nga MASH bëhet e ditur se kriteret do të përcaktohen nga Këshilli i Ministrave, duke lënë kështu një mjet më shumë abuzimi për ndarjen e këtyre fondeve. Gjithsesi, në projektligj është përcaktuar se “mbështetja financiare diferencohet sipas renditjes së shkollës për arritjet e nxënësve në provimet e arsimit bazë ose të maturës shtetërore.”

?ë këtë projektligj janë përcaktuar edhe mënyrat e harxhimit të këtij fondi shtetëror, ku thuhet se jo më pak se 50 për qind e fondit mbështetës financiar për shkollat private do të përdoren për “bursa ose/dhe subvencione shtesë të teksteve për nxënësit në nevojë dhe ata me prirje të veçanta, si dhe për shpërblime për nxënësit me prirje të veçanta ose për mbështetjen e tyre për pjesëmarrje në veprimtari të posaçme për ta, si olimpiada, konkurse etj”.

Ajo çka përbën habi në projektligjin e ri është se shpërblimet për nxënësit me prirje të veçanta, pra për talentet, nuk parashikohet për shkollat publike, ku në fund të fundit mësojnë shumica e nxënësve, dhe mbi të gjitha të gjithë ata nxënës, familjet e të cilëve nuk përballojnë dot tarifat e shkollave private, qofshin këto shkolla nëntëvjeçare apo të mesme.

Mënyra e dytë e shpenzimit të fondit buxhetor për shkollat e mesme dhe nëntëvjeçare private do të jetë më pak se pesëdhjetë për qind e totalit të fondit dhe do të shkojë për “mjete të laboratorëve mësimorë, pasurim të bibliotekës, trajnime të mësuesve”, sipas projektligjit të ri të arsimit të lartë, duke u dhënë kështu një frymëmarrje … pronarëve të shkollave, të cilët nuk do të kenë pse të harxhojnë nga tarifat e studimit të nxënësve për këto të mira, duke i kthyer në realitet në fitime shtesë për bizneset e tyre.

Këtë “risi” ministri i Arsimit dhe i Shkencës e kishte prezantuar dy ditë më parë, gjatë debatit mbi draft-ligjin e ri të arsimit parauniversitar, ku sipas tij parashikohej një “mbështetje financiare për nxënësit, mësuesit dhe infrastrukturën mësimore për shkollat jofitimprurëse që janë klasifikuar ndër shkollat më të mira të vendit”, por që ashtu si dhe me universitetet mund të shërbejë thjesht si një kamuflazh i mirë, ku “drejtuesit” e rinj të shkollave do të jenë në fakt aksionerët e vjetër.

Ministri e prezantoi projektligjin duke thënë se ai pasqyron standardet e parashikuara në Kushtetutë dhe në konventat ndërkombëtare për sa i takon të drejtës për arsim, barazisë për arsimim për të gjithë pa asnjë lloj diskriminimi, për shkak të origjinës sociale, përkatësisë fetare, kombësisë, gjinisë, ngjyrës, gjendjes shëndetësore ose ndonjë shkak tjetër.

Gjermania vlerëson Kroacinë pas arrestimit të ish- kryeministrit: Jeni shumë pranë BE-së

20:59 Politika

PD, gati një propozim paralel për komision hetimor

20:55 Politika

SHBA pengoi arratisjen e Sanaderit

19:01 Politika

Holbruk në “gjendje kritike” për jetën

17:29 Politika

Sondazhi më i fundit, ja si ndahen votat për partitë në Kosovë

14:59 Politika

Studentët e Mjekësisë: Nuk do të ndalemi në protestën tonë

22:01 Politika

Tafaj: Do u japim para shkollave të mesme private

21:57 Politika

Berisha, shpronësime në emër të shtetit për klientët e Argitës

21:44 Politika

Rama: Manovra me çmimet e energjisë bie erë shumë të keqe

21:39 Politika

Arrestohet në Austri ish- kryeministri kroat, Ivo Sanader

16:52 Politika