Te fundit
Të vrasim rojtarin/Që zuri kusarin!
18 Janar 2011, 21:16Antena
TEMA
Nga Arben Duka
Ç’ia thoshte bilbili
Zog me zë të butë
“Zyrat e pushtetit
Mbushur plot hajdutë!”
Ç’ia thoshte bilbili
Sa të lot fiqiri:
“Më i bardhë nga Meta
Doli edhe qymyri!”
Po këndon bilbili
Përmbi Trebeshinë
“Shqipëri të rropën,
Shqipëri të grinë”
Nuk pushon bilbili
pyjeve me fleta:
“Të rropi Saliu
Edhe Ilir Meta”
Edhe Ilir Meta
Djali i Rexhepit
Ka qepur një thes
Në vendin e xhepit
Ç’po ja thotë bilbili
Sa tund gjithë sokakun:
“Kjo tufë vampirësh
Na kanë pirë gjakun”
Se ç’ja thotë bilbili
S’pushon asnjë ditë:
“Ngrihu more popull
Edhe nxirru sytë”
Nuk pushon bilbili
Tutje në Muzinë:
“Shqipëria jonë
Ka rënë në greminë”
Se ç’ja thotë bilbili
Sa të lot nga mentë:
“S’mbahet dot në këmbë
Se e hëngrën qentë”
Po vajton bilbili
Sa të merr të qarët”
“Shqipërinë e shkretë
E hëngrën zagarët”
Ç’po këndon bilbili
S’thotë asnjë gënjeshtër
“Se ç’ja ngulën thikën
Në brinjë e në eshtër”
Ç’po këndon bilbili
Zog me zë të rrallë
“Shqipërinë e shkretë
E rropën të gjallë”
Nuk pushon bilbili
Zog me zë të ndritur
“Po kush i mendonte
Kaq të babëzitur?”
Dhe vazhdon bilbili
Në majën e fletës:
“Erdhën këta derra
Nga terri i mesjetës”
Erdhën këta derra
Nga terri i mesjetës
Vula e kusarit
Në surrat të Metës!
Ç’po këndon bilbili
Sa u lodh i ziu
“Këto janë truke
Thotë xhaxha Saliu”
Po vajton bilbili
Porsi zemra ime:
“Këto s’janë truke
Këto janë krime”
Krimi ka bërë rrjetë
Porsi merimanga
Ndaj dhe do burgosur
Në zinxhir e pranga!
Ç’po këndon bilbili
Ashtu si di vetë
“Ngrihuni të shpëtoni
Shqipërinë e shkretë”
Ç’po këndon bilbili
O gurë më gurë
“O shpëton tani
O s’shpëton kurrë!”
Ç’po këndon bilbili
Zog me zë të dredhur
“Ky koalicion
U bë për të vjedhur”
Prapë vazhdon bilbili
Dhe s’ja fut katundit:
“U bë për të vjedhur
Dhe centin e fundit”
Hajdutit s’i dridhet
As sy e as vetull
“Merr për pesë minuta
Sa unë në një shekull”
Po këndon bilbili
Sa tund gjithë Përmetin
“Hapi sytë o popull
Shiko kiametin”
Prapë këndon bilbili
Përmbi Trebeshinë:
“Hapi sytë o popull
Shiko batërdinë”
Po këndon bilbili
Nuk pushon një ditë
“Po ngrihu në këmbë
O moj opozitë”
Ligjëron bilbili
Dhe pse i sëmurë:
“Po s’u ngrite sot
Mos u ngri më kurrë”
Po s’u ngrite sot
Mos u ngri më kurrë
Se e pe kusarin
Me zë e figurë!
Po këndon bilbili
Në breg e në lumë
“Me zë e figurë
Çfarë duhet më shumë!”
Si nuk lot o popull
Nga mendja e kokës
“Na bënë kusarët
Turpin e gjithë botës”
Po këndon bilbili
Sa tund gjithë Skraparin
“Ta vrasim rojtarin
Që zuri kusarin”
Prapë vazhdon bilbili
Zogu sa një gogël
“Fajin s’e ka Meta
Por një çimkë e vogël”
Po një çimkë e vogël
Që u zbuloi lojën
Dhe hajdutërisë
Keq i nxorri bojën!
Ç’na bërë moj çimkë
Thonë të gjithë ata
“Na rrëzove Metën
Gjithë atë bina”
Na rrëzove Metën
Atë goxha burrë
Që në jetë të jetëve
Nuk do ngrihet kurrë!
6 komente në “Të vrasim rojtarin/Që zuri kusarin!”
Comments are closed.
Lini një Përgjigje
Më të lexuarat
24 oret e fundit
Javen e fundit
Blog Tema
No coment.Keto poezi me kujtojne vershat e Rilindasve tane .Populli duhet ti lexoje dhe te reflektoje (flase per ata qe lexojne shqip ,mendojne shqip dhe veprojne shqip).Nga kjo poezi secili te marri pjesen qe i takon ,dhe si nje popull i bashkuar tju nxjerrim syte ketyre kusarve.Arben Duka je Naimi i diteve tona.
“Me pushke e pene per memedhene”, ti i cmuar Arben po na kthen buzeqeshjen qe Saliu ia ngriu popullit ne buze. Nu e marre vesh pse kjo opozite apatike nuk ndjehet e nderuar t’ju ftoj juve ne radhen e pare te fitimtareve te neserm. Cfare me tjeter i jep force dhe shprese ketij populli sesa vargjet e atdhetarit Arben Duka, cili me teper se Myslym Pasha ngre krenarin tone kombetare te sfumuar nga politika antishqiptare keto 20 vite, cili me teper se Mero Baze po i sherben fjales se lire(te pakten per kete moment) dhe ndergjegjesimit te mendjes se popullit. Keta dhe plot njerez te zakonshem te shoqerise civile, te majte apo te djathte, por me atdhedashuri dhe sinqeritet e ndershmeri duhet te ndjehet e nderuar opozita apatike t’i ftoje te bashkohen me te dhe jo per pushtet por per shtet, meqe e pranoi edhe Rama ne deklaraten e tij si moto per demonstraten e 21 janarit.
Poema e Arben Dukes , ketij shpirti atdhetar te ngjall emocion, keqardhje per gjendjen ku eshte katandisur Shqiperia e gjore per shkak te kusarise “me ze dhe figure” ,por njekohesisht te ndez shpirtin e revoltes ne menyre te pakthyeshme kunder ketyre satrapeve qe kane zaptuar vendin tone te dashur. Ajo eshte nje paralele e poezise se te madhit Fan Noli , “Anes lumenjve” , ku poezia eshte sa aktuale me nje pershkrim real te ndodhive te kohes duke e dokumentuar ate ne poezi , por njekohesisht dhe apel per gjithe ata qe kane gjak shqiptari ne deje per t’i dhene sot fund ketij terri qe na ka mbuluar te gjitheve.
Megjithese nuk jetoj ne Shqiperi fizikisht , shpirterisht ndjej shtypjen qe i behet popullit tim , por njekohesisht kam dhe revolten pa falje per keta lloj monstrash qe po perdhunojne atdheun tone te dashur.
Kjo poezi normalisht e ka vendin ne tekstet shkollore dhe duhet te shtjellohet paster per te gjithe nxenesit dhe te detyrohet per t’u mesuar permendesh. Mesuesit patriote le ta komunikojne me nxenesit e tyre ate , pasi ajo do t’i beje ata me te lire dhe do te frymezoje zemrat e reja me vlerat per liri.
Poeti Arben Duka meriton te gjithe respektin per krijimin e tij , jo vetem me vlera , por te bere ne momentet e duhura. Shpirti i tij prodhofte perhere krijime te bukura si keto krijimet e tij qe po lexojme ne gazeten Tema.
faleminderit z. Arben Duka.Vleresim me te sakte nuk ka.
O Arben Duka!
Rrofsh e shkrofsh!
Rrofsh e thumbofsh!
Rrofsh e mesofsh!
Kurre mos pushofsh!
Vetem ti ke mbetur,
Te gjithe jane tretur,
Iken edhe vane
Kush e di ku jane?
Valle ku jane futur?
Nga se jane tutur?
Nuk u del me fjala?
A trembur nga Sala?
Nuk tremben nga Sala por nga plumbat e Lulit te Sales qe doli me kriminel se E.Hoxha . S’ishte cudi qe mbas fytyres se “Bukur vetem nga perpara” si nje maske karrnavali te tij te zbuloje nje killer qe do ta kishte pasur zili edhe Shekspiri per veprat e tij . Bekim nga Zoti qe ka njerez qe nuk i genjen me dot Berish BISHA me Lulin e Berishes te neveritshem e bastard.