Te fundit

Celularët, tarifa të reja nga 1 Marsi

26 Shkurt 2011, 09:54Politika TEMA

Nga data 1 mars do të nisë një ulje e re e tarifave me shumicë të telefonisë celulare, që do të vazhdojë për katër vjet, duke synuar të çojë tarifat drejt kostos efektive.

Sipas burimeve zyrtare nga Autoriteti i Komunikimeve Elektronike dhe Postare (AKEP), ulja e tarifave me shumicë do t’ju krijojë operatorëve hapësirën për të konkurruar me tarifa më të ulëta për thirrjet midis rrjeteve të ndryshme. Për operatorët më të mëdhenj, AMC dhe Vodafone, tarifa, nga 10.5 lekë/minuta, do të kalojë, nga data 1 mars, në 8.85 lekë/minuta. Për kompaninë Eagle Mobile, nga 12.92 lekë/minuta, që është aktualisht, do të bëhet 10.89 lekë/minuta, ndërsa për kompaninë Plus, nga 19.9 lekë/ minuta, do të bëhet 15.93 lekë/ minuta. Gjithashtu ulje do të ketë edhe për SMS-të. Për AMC dhe Vodafone, tarifa e terminimit barazohet me tarifën mesatare në vendet e BE-së në vitin 2009, të publikuar në Raportin e 15-të KE, prej 6.7 cent, duke përdorur kursin mesatar të këmbimit prej 132.06 lekë/euro për vitin 2009.

AKEP ka vendosur, gjithashtu, t’u kërkojë operatorëve celularë të ulin tarifat me shumicë edhe për mesazhet e shkruara, të cilat sot janë shumë më të larta se kostot.

(d.b/GazetaShqiptare)

1 komente në “Celularët, tarifa të reja nga 1 Marsi”

  1. raimondi says:
    27 Shkurt, 2011 05:56 te 5:56 am

    Po ca eshte kjo Tarifa me shumice ?—
    Po mire o vella aty eshte 100 leke minuti , ketu fol sa te duash –Une paguaj 40 dollare ne muaj dhe flas sa minuta te dua, edhe text mesazhet jane falas
    , ndersa po te paguaj 50 dollare flas sa te dua me Tiranen nqs ata kane telefona shtepie , por jo me celularet aty
    Si ka mundesi tarifa kaq te larta ne Shqiperi ,pse nuk ankohet edhe opozita ne menyre qe tarifat te jene njelloj sic i ka Italia, apo Greiqa –
    -Pse te mos meret nje inisative parlamentare nga opozita dhe te shikohet se si mund te regullohet ky problem–
    -Sepse Shqiperia ka 1/3 e popullsise ne emigracion, dhe keto tarifa e rendojne shume shtetasin shqiptar….

Comments are closed.

Lini një Përgjigje

Më të lexuarat

Blog Tema

Powered by Tomorrow.io