Shëndetësia “SALI”: 1 veteriner për 50 lopë, 1 mjek për 10 mijë njerëz

Nga Kledian Lula, [email protected]

Në listën e premtimeve të (stër)përsëritura të profesor doktorit të mashtrimeve SALI, përveç “parajsës ekonomike si në BE”, gjendet e përdoret nëpër mitingje edhe gjoja “modernizimi i mjekësisë”. Se sa moderne është mjekësia shqiptare, këtë po e provojnë përditë shqiptarët. Aq e “sigurt dhe moderne” është shëndetësia shqiptare, sa edhe dora vetë ministri i Shëndetësisë i pushtetit “SALI-ILIR”, tenderxhiu Petrit Vasili, kur u aksidentua vuri “duart në kokë” kur e shtruan 10 sekonda në spitalin publik, prej nga me “b..izhame nëpër këmbë” u ngrit e ia mbathi urgjent në spitalin privat. Aq “modern, i sigurt dhe efikas” është shërbimi shëndetësor në Shqipëri, sa edhe dora vetë kryeministri SALI PARAJSA, kur i lindi nipi, çoi në pavionin e maternitetit 3 furgona me pajime, madje deri tek luga e kondicioneri privat, montuar me urgjencë, me urdhër të Halim Kosovës, drejtor-intelektualit “Basha”.

Shëndetësia e “sëmurë” nga ç’organizimi dhe “racizmi”

Shëndetësia shqiptare ngjason me një ambulancë të shpërndarë me filiale nëpër qytetet e vendit e në disa zona pranë qyteteve. Ky shërbim publik është i shkallëzuar në tre nivele: Në spitalet dhe ambulancat qendrore në qarqe; në spitalet në rrethe; në shërbimet ambulatore në qytete. Sipas kësaj skeme ata që banojë në qendrat e prefekturave i kanë të gjithë llojet e shërbimit. Ata që jetojnë në qendrat e rretheve, kanë vetëm gjysmat e shërbimeve mjekësor. Ata që jetojnë në qytete kanë vetëm shërbim ambulator ditor. Ndërsa ata që banojnë në fshatra kanë nga 1 mjek në shkallë komune e nga një infermier për injeksione dhe asgjë tjetër. Ky shkallëzim “racial” i bërë dhe i quajtur “reformim e modernizim” prej pushtetit “SALI”, nuk është gjë tjetër, veçse një shkatërrim e ç’organizim i shërbimit shëndetësor ndaj popullatës. Pushteti “SALI”, i cili në vitin 2005 e 2009 premtoi për “shëndetësi moderne” e të kompletuar me pajisje, qendra shëndetësore dhe mjekë specialistë deri në “majë të malit”, realisht mbulon me shërbim shëndetësor fizik vetëm 42% të territorit të vendit dhe 55% të popullsisë. Pjesa tjetër, pra 58% e territorit dhe 45% e popullsisë nuk kanë shërbim shëndetësor atje ku jetojnë, por shkojnë atje ku ua ka caktuar pushtetit “SALI”. Konkretisht, në 12 qytete të vendit qeveria dhe platforma “VASILI” mbylli spitalet, duke lënë banorët pa shërbim spitalor, aq i domosdoshëm në një qendër banimi. Këtë shërbim, banorët e mashtruar e të denigruar prej këtij pushteti deri tek shëndeti, detyrohen ta kryejnë në qendrat e rretheve, ose të prefekturave. Në zbatim të platformës “VASILI” për asfiksimin dhe zhdukjen e shërbimit mjekësor në afro gjysmën e territorit të vendit, pushteti “SALI” firmosi dhe vulosi vendimin absurd, që në 22 rrethe hoqi mjekët e specialiteteve, duke i përqendruar në poliklinikat e 12 prefekturave. Njerëzit që i zë halli, në mungesë të shërbimit mjekësor në qendrën ku banojnë e punojnë, detyrohen të shkëputen nga punët e ditës dhe të “marshojnë” me dhjetëra kilometra lodhje e shpenzime, për të kryer shërbimin që kanë nevojë. Shkak është ky ç’organizim, që pushteti SALI” e quan “organizim e reformim shëndetësie”. Një fakt: Në shkallë vendi, ky “organizim” i shërbimit shëndetësor “alla-Sali”, ka lënë afro 500 fshatra pa mjekë, pa mami, pa infermierë e pa ndihmësmjekë, aq sa nga largësia dhe urgjencat, punën e këtyre e bëjnë veterinerët.

Shëndetësia e “sëmurë” nga primitivizmi

Kush është detyruar të shkojë në spitalet e pushtetit “SALI”, padyshim që është gjendur përballë një shërbimi mjekësor primitiv, tamam si në ato qendrat vullnetare të ngritura në periferitë e vendeve të Afrikës. Duke mos bërë komente, po përmendim disa “tregues” primitiv që të ofron shërbimi në spitalet dhe poliklinikat e ambulancat shqiptare. Nëse do të bësh një analizë, duhet të sigurosh shiringat dhe provëzat. Nëse do të mjekohesh, duhet të blesh vetë pajisjet e medikamentet. Nëse do të shtrohesh në spitale, duhet të shkosh me të gjithë pajisjet personale, që nga batanijet e deri tek pantoflat e lugët, mbasi ato ose mungojnë, ose janë jashtë standardeve higjienike minimale.

Nëse do të mjekohesh kur je shtruar në spital apo shërbim ambulator 24 orësh, duhet të blesh çdo medikament e pajisje nga xhepi. Spitalet shqiptare nuk kanë as ashensor, as aspirim, as ngrohje, as freskim. Nuk kanë as ujë në dhoma për të larë duar e sy, madje as dushe, aq sa të sëmurët lahen në tualete, ose shkojnë e lahen në familjet e tyre. Ushqimi i të sëmurëve është jashtë standardeve të cilësisë së gatimit dhe normës së kalorive. Në spitale mungojnë aparaturat që kryejnë shërbime specifike për jetën e pacientëve, madje në shumë raste edhe aparatet rontgen e skaner, rezultojnë “me defekt”. Gjithandej sundon një rrumpallë e vërtetë e cila finalizohet me prepotencën dhe mungesën e shërbimit prej personelit të të gjithë niveleve, përveç rasteve kur e “prenoton” me pagesa private. Aq kritike është gjendja në institucionet shëndetësore shqiptare, sa mund të futesh si vizitor dhe del si pacient, sa mund të futesh me një sëmundje dhe del më dy e tre sëmundje të tjera. Qytetarët dhe pacientët, të gjendur përballë këtij realiteti primitiv në spitale e në krejt shërbimet mjekësore, thonë se ky nivel shërbimi jo vetëm nuk shëron, por rëndon shëndetin e tyre. Ndërsa kryeministri SALI del e reciton bejte premti-mashtrimesh për “shërbim modern”.

Fakti: 1 veteriner për 50 lopë, 1 mjek për 10 mijë banorë

Se sa vlerë ka jeta e njerëzve për këtë pushtet kusar e të kriminalizuar deri tek tenderat për letrat higjienike, këtë e dëshmon shërbimi shëndetësor që vepron në Shqipëri. Se sa prioritet i jep pushteti “SALI” jetës dhe shëndetit të njerëzve, po përmendim një ballafaqim të 3 fakteve zyrtare, ku dy kanë lidhje me shëndetin e kafshëve dhe një ka lidhje me shëndetin e njerëzve.

1. Në zonat fshatare në Shqipëri, sipas evidentimeve të bëra nga Drejtoritë Rajonale të Bujqësisë dhe Ushqimit në prefektura, rezulton se ka 1 veteriner për 50 lopë.

2. Në Shqipëri, në çdo prefekturë, sipas borderove rezulton se ka 1 veteriner për 200 qen rruge.

3. Në Shqipëri, në zonat fshatare nëpër komuna, sipas evidentimeve të bëra nga Drejtorit e Shëndetit Publik në prefektura, rezulton se ka 1 mjek për 10 mijë banorë.

Mjafton ky raport skandaloz që tregon kujdesin e shtetit ndaj kafshëve dhe “kujdesin e madh” ndaj shëndetit të njerëzve, për të dëshmuar demagogjinë dhe denigrimin e pushtetit “SALI” në shërbimin shëndetësor shqiptar. Të gjithë fjalimet për “reforma” e “modernizim” të mbajtura me artopalantë rrugëve e tribunave prej kryeministrit SALI, janë vetëm broçkulla, janë mashtrime që vazhdojnë. Gjithçka e tregojnë këto tre fakte: Në Shqipëri, për çdo 50 lopë kujdeset një veteriner, për çdo 200 qenë rruge kujdeset një veteriner, ndërsa për çdo 10 mijë banorë kujdeset vetëm 1 mjek.

Ky raport i “kujdesit shëndetësor” ndaj popullatës është për zonat fshatare. Në të gjithë vendin, çdo komunë ka mesatarisht 10 mijë banorë. Në dispozicion të banorëve të tyre, pushteti “SALI” pas “modernizimit në shëndetësi”, ka caktuar vetëm 1 mjek për t’u shërbyer. Fakti që komunat në Shqipëri kanë shtrirje deri në 20 kilometër gjatësi dhe 10 kilometër gjerësi territoriale, kuptohet qartë, se sa mund t’u shërbejë 1 mjek 10 mijë banorëve, të cilët ndodhen në fshatra e lagje nga 1 deri në 2 e 3 orë larg njeri-tjetrit. Të detyruar prej pamundësisë së mjekut për tu bërë “10 mijë copa” në 10-15 fshatra që ka komuna, banorët nisen drejt qendrave të qyteteve për ndihmë dhe shërbim mjekësor. Për më tepër, që mjekët e fshatit kanë me vete vetëm stetoskopin dhe pak pajisje profesionale personale, mbasi në fshatra e komuna nuk ka jo më spitale, por as ambulanca, aq sa edhe vizitat e injeksionet kryhen mbi krevatet e familjarëve.

Shëndetësia “SALI” pa ilaçe

Shëndetësia “SALI” po zhvat pacientët shqiptarë nëpërmjet tregut të zi të ilaçeve, që organizohet nëpërmjet personelit mjekësor dhe farmacive të tyre klienteliste. Edhe pse ministri i “Shpk” ilaçeve Petrit Vasili, del e thotë ekraneve se nuk mungon asnjë medikamnet në spitale, pacientët detyrohen t’i blejnë ato me lekë, mbasi nëpër pavionet e shërbime ambulatore të shëndetësisë “SALI”, mjekët e infermierët, thonë se mungojnë. Pa bërë komente, po publikojmë një listë ilaçesh, që në spitalet “SALI” nuk gjendet, por që gjendet në farmacitë e “shefit” të tenderave të ilaçeve, ministrit Petrit Vasili:

Këto ilaçe, pacientët i blejnë me lekë

1. Medikamente reanimacioni

2. Insuline Glulisine

3. Metoclopramid

4. Hydrochloride

5. Ranitidine

6. Hydrochloride

7. Papaverin

8. Pantoprasole

9. Hyaluronidase

10.  Amiodaron

11.  Propafenon

12.  Atenolol

13.  Dipyridamole

14.  Clopidogrel

15.  Enoxaparinum sodium

16.  Enalapril

17.  Furosemide

18.  Torasemide

19.  Calcium chloride

20.  Calcium gluconate

21.  Magnesium sulfate

22.  Citostatike për Onkologjinë

23.  Capecitabin

24.  Gemcitabin

25.  Fluorouracil

26.  Mitocantron

27.  Docetaxel

28.  Docetaxel

29.  Doksorubicine

30.  Cisplatin

31.  Epirubicine

32.  Paclitaxel

33.  Carboplatin

34.  Gentamycin Ciprofloxacine

35.  Cefazoline sodium

36.  Amikacine sulpphate

37.  Trimethropim

38.  Sufamethoxazole

39.  Levofloxacine

40.  Fluconazol

41.  Cefepime

42.  Medikamente anestezi

Artan Lazaj: KQZ-ja, një minë në zgjedhje

20:00 Politika

SKANDAL/ Ja si raportojnë tek Flamur Noka anëtarët e KQZ-së (VIDEO)

19:22 Politika

PS fitoi qendrat urbane në vitin 2009, PD në zonat rurale

16:19 Politika

KQZ u mohon të drejtën e privatësisë së votës 10 mijë të verbërve

16:01 Politika

Vangjel Tavo padit kryetarin e bashkisë së Gjirokastrës

13:42 Politika

Kolegji Zgjedhor rrëzon PS-në për vulat

12:45 Politika

Politika nderon dëshmorët

11:42 Politika

Problemi i Bashës nuk është Flora Hanelli

10:37 Politika

Dhunohen tre simpatizantë të PS-së në Peqin

10:26 Politika

Familja Basha dhe ish-VEFA

10:15 Politika