Gimi i Puros, entuziast për projektin e ri të Malajt

Gimi i Puros dje ishte entuziast. Prezantimi i planit B të Malajt për të ardhmen e PS, ia kishte ngritur moralin. Kishte disa pakënaqësi me Malajn pse hoqi dorë nga LMN-ja, por sidoqoftë një plan i ri e kishte bërë entuziast.

Edhe arsyet e Malajt ishin bindëse për shkrirjen e LMN. E para ishte se grupi u shpërbë. Kaçi iku tek Doktori, Andisi është rrugës, Blushi ka bërë hapa mbrapa, Bello po shkon pas Blushit dhe Malaj ka mbetur në qendër. Në këto kushte nuk ka më LMN. E dyta që ka shumë rëndësi, është se LMN e kreu misionin e saj për t’i bërë presion PS pas zgjedhjeve të vitit 2009. Tani duhet një energji e re. Gimi u bind. I vinte pak keq për emërtimin LMN, që nuk do përdorej më, por s’kishte çfarë bënte. LMN njihej gjerësisht si Lëvizja Malaj- Nesho dhe Gimi për këtë ishte shumë krenar. Ndaj duhet të punonte fort, që dhe lëvizja e re, të fitonte po aq emër sa e para.

Rruga nga shtëpia në Bllok deri në Rogner-i ju duke 1 minutë. Për herë të parë nuk e ktheu fare kokën nga dyqani i purove, dhe shmangu kontaktin me fëmijët që shesin cigare në rrugë.

Kaçi e priste në kafe.

-I madh është, i tha sa u afrua. Sot fillon. Ka për ta parë ai plehra ç’kam për t’i bërë këtë radhë. Me LMN e izolova ndërkombëtarisht, po me këtë do ta izoloj dhe kombëtarisht. Qytet më qytet dhe fshat më fshat më fshat kam për t’i shku me Malaj. Kam për ta shkatërru.

-Po kot mo burrë harxhoni energji me të, i tha Kaci. Eja ikim në bllok nga Doktori të bëjmë një shumicë, i marrim presidentin dhe ndryshimet në Kod dhe e lëmë rrugëve.

-Ah, i madh je, po s’bëhemi dot. Na kanë ikë. Ja, ju të dy jeni, maksimumi bëheni tre. Se nuk jam vetë deputet unë se ja tregoja qejfin. Ai e ndjeu rrezikun, ndaj nuk më bëri. Por do ta shkatërroj. E dëgjove Bejkerin apo jo? Unë e nxora. Fola me një mikun tim në që rri në Teksas, ka një piceri të mirë ai aty dhe shkon ha gjithmonë darkë, një bodigard i Bushit, që e njeh Bejkerin. I thashë ma jep pak në telefon, ma dha ai miku im. I thashë picën e ke të paguar nga unë, merr dhe ç’të duash, Coca- Cola po deshe, dhe i thuaj Bejkerit t’i fusë një dajak këtij plehrës sonë këtu se nuk do të njohë vendimin e Kolegjit Zgjedhor. E ke të mbaruar, tha, je ‘good gay’, kam shumë respekt për ty. Mori picën dhe Coca- Cola-n ai dhe shkoi i tha. Doli Bejkeri, e bëri mut. Rama ishte mërzitur shumë dhe i kishte thënë dikujt në Uashington se e di kush m’i bën këto, por s’kam ç’i bëj. Jam penduar që s’e kam bërë bashkëpunëtor timin.

-Bën kot, të mashtron, i tha Kaçi.

-E di mo burrë, e di, mos ki merak se nuk më gënjen dot mua ai. Ai u çmend kur deshifroi që LMN do të thoshte Lëvizja Malaj- Nesho.

-Po pse mo, ne çfarë ishim në LMN, kunguj, vetëm ju të dy ishit?

-Haha, i madh je, i madh. Po jo mo burrë, ju ishit truri i lëvizjes, por njerëzit nuk di pse e identifikonin me mua dhe Malajn. Në fakt e thoshte një nga këta të Ramës me inat e thoshte, që i vetmi njeri që beson se Malaj do bëhet kryetar partie është Nesho, se vetë Malaj nuk beson. Ndaj na ngeli Malaj- Nesho se unë isha optimisti.

-Mirë o, mirë, por kjo s’do të thotë që ne të tjerët ishim sa për të vënë shishen e qumështit aty. Se ky Malaj e ka gjetë. Sa herë do të zgjidhet në PS, bën sikur bën sherr, merr ca me vete, i shet ata dhe pastaj pajtohet me kryetarin. Ndaj si shkon njeri nga pas tani. Po i shkove ti, i bën nder.

-Unë do t’i shkoj. Unë do ta shkatërroj atë plehër. Më mori dje një diplomat i lartë ballkanas. Më kishte parë tek TV i Baboos që flisja për Ballkanin. Si është e mundur Gimo, më tha, që me gjithë atë kulturë dhe përvojë që ke, je akoma pa punë. Të dëgjoja dje tha dhe megjithëse nuk di shqip, e kuptoja fare mirë nga duart dhe buzët çfarë thoshe. Je i madh, më tha. Epo ç’t’i bësh, i thashë. Vend plehrash, nuk të vlerëson njeri. Pastaj i thashë që dhe Doktorit i kishte pëlqyer ajo imja. Më tha po të kishim ne në Maqedoni një politikan sa gjyma jote, do ta kishim bërë president.

-Ou, dhe ata këto kritere paskan për president, tha Kaçi. Demek ne të tjerët s’paskemi shans?

-Jo mo, ai nuk i di zhvillimet këtu. Ai e tha parimisht. Këtu është tjetër gjë. Mua ma ka ofruar Doktori disa herë, më ka çuar fjalë, por s’i kam dhënë fjalën. Ma tha dhe dje një djalë që rri aty para piceri Erës, pasi kishte dëgjuar një ditë në rrugë që Doktori i kishte propozuar Gim Neshos për president, por ai s’ia ka dhënë fjalën.

-Mos e kanë lexu tek Antena mo burrë, i tha Kaçi.

-Jo, jo, se dukej serioz ai, nuk dukej nga ata që lexon gazeta. E kishte seriozisht ai. Hahaha, i madh je, si the, e ka lexuar tek Antena. Haha, po jo mo kush e lexon Antenën. Ia kishte thënë Doktori se e kuptova unë nga biseda. Po vdes ai të ma ofrojë atë post, por unë do mendohem. Duhet me bë një herë Malajn kryetar PS, pastaj unë President, Doktorin tek PD-ja, shkon në harmoni puna.

Gimja lavdëron zotësinë e Lulit për të fituar me procedurë

18:33 Antena

Baboo këshillon një kredi për Aleancën Kuq e Zi

20:43 Antena 104 komente

Darka e gabuar për Baboon në Golem

20:11 Antena 1 koment

Doktori nervozohet nga partia çame

21:54 Antena

Taqi arrin suksesin e parë me Doktorin

18:15 Antena

Sandri shkarkon Drejtoreshën e Turizmit për reklamat

19:10 Antena

Gimja bëhet gati për president

20:14 Antena

Sandri i gëzuar për përplasjen e Doktorit me Çilin dhe Fanen

20:07 Antena

Flamuri në alarm për votat e futura në kuti

21:18 Antena

Tani i Kreditit dhe Fania në telashe me një emision mashtrues

21:41 Antena