Sandri i gëzuar për përplasjen e Doktorit me Çilin dhe Fanen

Sandri dje ishte në humor. Me pak kujdes ai kishte nxjerrë jashtë loje Cilin dhe Fanen me gazetat e tyre. Kishte ca kohë, sidomos gjatë fushatës, që ishte i shqetësuar se mos Fania dhe Çili do ta konkurronin. E mbështetën të dy Bashën, bllokuan mediat dhe u afruan shumë me Doktorin. Por jo personalisht. Atë për të cilin ata harxhonin shumë për ta ngritur Sandri e rregullonte me një kurth të vogël.

Rasti i djeshëm ishte fantastik. Gazeta e Çilit dhe Fanes botuan lajmin se Doktori do t’ia jepte presidentin opozitës. Doktori u tërbua. Ai në fakt kishte dashtë të thoshte që Avokatin e Popullit dhe Kryetarin e Kontrollit të Shtetit t’ia japë opozitës. Por Sandri e kishte bërë të vetën. Doli nga takimi me Doktorin dhe i bëri telefon Zamirit.

-Isha tek Doktori, tha, ishte dakord t’ia japë presidentin atij të gjatit. I thashë mos u bë k…, nuk u lihet presidenti atyre, por ai mu duk i vendosur.

-Ashtu, tha Zamiri, po mirë o do bëjë ç’e do presidentin aman, më mirë se ulet tensioni.

Sapo mbylli telefonin me Sandrin, Zamiri mori Kaçin.

-Fola pak me Doktorin, tha, i thashë pse nuk ia jepni presidentin opozitës dhe shpëtoni, e shkëmbeni me bashkinë. Më çuditi se ishte dakord. Ja jap, s’kam asnjë problem, tha, bile mirë që më kujtove ta them dhe në mbledhje grupi.

-Jo ore, tha Kaçi, po nga opozita si, ta zgjedhë Rama apo ta zgjedhë Berisha nga opozita?

-Po Rama o ç’Berishë, kuptim ka…

-Jo se po ta zgjedhë Berisha më zgjedh mua, po ja la Ramës në dorë, harroje.

-Jo mo s’më shkoi mendja për ty, po ta thashë kot si muhabet. Meqë më pyeti ç’ka ndonjë gjë, si mendon ti ta zgjidhim këtë punë, dhe unë i thashë jepu presidentin.

-Jo ti mirë i paske thënë, po puna është ta zgjedhë një të majtë Doktori, jo Rama…

Sa mbylli telefonin me Zamirin, Kaçi mori urgjent Panoramën.

-E more vesh, tha. Doktori do t’i japë presidentin opozitës. Bëje pak si punë pazari se bëhet me e besueshme, por thuaj nëse nuk bie Rama dakord me pazarin, Berisha është i vendosur t’ia jap dikujt nga opozita dhe pa pëlqim të Ramës.

Pas kësaj mori Çilin. Ja shpjegoi dhe atij. Dhe dje gjithçka plasi në gazeta.

Sandri ishte kënaqur nga funksionimi i skemës. Lexonte gazetat dje në mëngjes dhe qeshte.

-Hajde pika, do bëjnë gazeta për Doktorin këta pa folë tre herë dita me të. Ua tregoj unë tani.

Mori Doktorin në telefon.

-Ore, i ke pa këto gazetat tona çfarë skandali apo jo?

-Kë, 55-ën, i tha Doktori?

-Jo mo jo, këto tonat, Mapo, Panorama…

-Jo, pse çfarë kanë?

-U çudita, kanë shkru sikur ti i ke fal presidentin Ramës. Në fakt në folëm bashkë, nuk bëhej fjalë fare.

-Po natyrisht që s’bëhet fjalë. Ashtu ë e kanë shkruar… E shikon ti. Shiko Sandër, kush e kontrollon këtë MAPO di gjë ti?

-S’e di Doktor, ai Çili në fakt është angazhuar hapur me ne, po kam dyshime se ka gisht ai Rama aty.

-Ashtu është, dhe unë ashtu mendoj. Po këtë Panoramën kush e kontrollon?

-S’di të them, ti e di që Fania me ty është, po gazetën e ka pak jashtë kontrollit.

-Jo Sandër, shiko, duhet pa kjo punë se kjo duhet të jetë lojë e rrezikshme. Shiko, ata në fakt kanë tregu se ku e kanë pazarin, ata duan presidentin. E kapa. Nuk ua jap. Jo, nuk ua jap. Nuk mund tua jap. Jo, s’mund të më kërkojnë presidentin ata mua…

-Po prit se ndoshta s’e kanë kërkuar ata…

-Jo shif, Fania dhe Çili kanë lidhje me ata. Jo, e di unë, e kam ditë me kohë po i vrojtoja. Jo, jo, ata e kanë bë.

-Nejse, unë do tu flas pak rëndë, tha Sandri, dhe në emër tënd, por e vërteta është se ata s’mund të shkruajnë po nuk e panë në lajme tek ne. Kur nuk e panë tek ne si u shkoi mendja ta kuptojnë ç’mendoni ju. S’i marr vesh këta njerëz. Ti as i ke pa, as i ke takuar, ata bëjnë sikur flasin me ty dhjetë herë dita. Dhe ngjisin pastaj këto thashetheme.

-Ke të drejtë Sandër, me thënë të drejtën s’kam besim fare te ata. Do ta shikojmë këtë punë.

Flamuri në alarm për votat e futura në kuti

21:18 Antena

Tani i Kreditit dhe Fania në telashe me një emision mashtrues

21:41 Antena

Mungesa e Fanes nxit ëndrrën e Tanit të Kreditit për Guvernator

20:24 Antena 1 koment

Tani i Kreditit me Baboon, komplot kundër Fanes

20:03 Antena

Fania mahnitet me lajmet nga Brukseli

22:02 Antena

Fania propozon kreun e OSBE për degustator birre

09:50 Antena

Fania merr mbështetje nga OSBE për kredi për elbin

19:38 Antena

Fania diskuton planin e biznesit për Fani University

18:45 Antena

Fania kërkon ndihmë nga Zeni të blejë elb për birra

19:58 Antena

Fania, dyshime për Tanin e Kreditit

20:20 Antena