Te fundit
Berlini mbështet tërësinë territoriale të Kosovës
11 Gusht 2011, 12:30Rajoni
TEMA
Harta e Evropës Juglindore është vizatuar. Çështjet e statusit dhe të territoreve në rajonin e Ballkanit janë zgjidhur përfundimisht, tha në Prishtinë, ministri i jashtëm i Gjermanisë, Guido Vestervelle.
Ai shprehu domosdoshmërinë që zgjidhjet për mospajtimet ekzistuese ndërmjet Prishtinës e Beogradit – përfshirë problemet që ndërlidhen me veriun, të gjenden në dialogun në mes të palëve, ndërsa ritheksoi mbështetjen e Berlinit zyrtar për integritetin territorial të Kosovës.
“Kjo nënkupton që kjo mbetet jashtë diskutimit për ne. Ne mendojmë se dialogu është i nevojshëm. Ne mendojmë se bashkëpunimi, në vend të konfrontimit, duhet të jetë fundamental për çdo proces në rajon, por kjo nënkupton që çdokush i respekton kufijtë”, u shpreh shefi i diplomacisë gjermane pas takimit që zhvilloi me kryeministrin e Kosovës, Hashim Thaçi.
Megjithatë, ai nuk deshi të japë detaje për parakushtet eventuale të cilat do t’i viheshin Serbisë për marrjen e statusit të vendit kandidat për anëtarësim në Bashkimin Evropian.
Para takimit me kryeministrin e Kosovës, ministri i jashtëm gjerman është takuar edhe me presidenten e Republikës, Atifete Jahjaga, kurse gjatë ditës pritet të takohet edhe me përfaqësuesit e lartë ndërkombëtarë, që veprojnë në Kosovë.
2 komente në “Berlini mbështet tërësinë territoriale të Kosovës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O I nderuar Minister. Je Minister i jashtem i shtetit qè èshtè lokomotive ekonomike e Europès. Kujdes nè deklarata se futesh nè armiqesi shteterore me shtetin e Sali Berishes. A e njeh Ti Sali Berishen apo Jo? Sali Berisha nuk èshtè dakord me deklarimin Tuaj.
dhe une ja mbeshtet,por me falni skame te drejten e vetos ne okb,nuk shes as gaz as teknologji metamoderne,se dhe ata qe na e mbeshtesin,per interesat e tyre mbeshtesin dhe armiqte e kosoves,jane nga vende te ftohta dhe ne dimer pa gaz aty plevitosesh,mbasi kemi fatin te bejne nje lidhje gazi nderatlantike,sesi vene keta,do marim ne te ftohte.