Falimentojnë kioskat e Kunatit. Telashe me qiramarrësit

Ka dy ditë që tek Rruga e Kunatit, ku nisi të lulëzojë biznesi i kioskave, ka rrëmujë. Natën makina me vinça vijnë e heqin kioskat, për të cilat Kunati siguroi dhe një vendim të Këshillit Bashkiak t’i mbante gjithmonë. Por sherri plasi javën që shkoi kur u mbush një muaj nga kontrata e parë e qerasë së Kunatit. Biznesmenët, që kishin paguar nga 3 mijë euro në muaj, dolën si rruar- qethur dhe nuk fituan dot as 500 euro. Kunati shiti me këtë rast kioskat e Megatekut, ku është pronar, dhe nxori ca lek për vete.

Kunati u zhduk nga qarkullimi pasi disa biznesmenë të inatosur e kërkonin t’i merrnin lekët mbrapsht.

Kunati, i trembur, u mbyll në shtëpi dhe po bisedonte me nënën e vet.

-Si ia bëtë më ‘97 kur u kërkonin njerëzit lekët e VEFA-s, i tha Kunati me takt.

-Eh, si ja bëmë të keqen nëna. Ja, mori yt atë makinën, mbushëm bagazhin me lek dhe ia futëm nga Kakavija, s’kishim nga të dilnim. Ata të Salarisë, i njihja unë që të dilnin para e të merrnin lekët, dhe dolëm pa na hy gjemb në këmbë.

-Po me njerëzit si ia bënit, kur u kërkonin lekët?

-Ehu, thoshim e di Daja, se kështu i thosha unë Vehbiut. Ç’të bënim, ç’punë kishim ne? Unë arkëtare isha, pa firmë nuk bëja gjë. Po pse pyet të keqen nëna?

-Jo, jo, kot, i tha Kunati i hutuar. Është shumë e bezdisshme kjo pjesa kur të kërkojnë lekët kupton apo jo? Fytyra të këqija, bëjnë si shpirt i keq për 3 mijë euro.

-Mos u mërzit, i ka puna këto, i tha e ëma. Ruaj qetësinë se të tjerat rregullohen. Po Luli sikur tha që ajo do ishte angari nga tregtarët?

-Ç’do të thotë angari, i tha Kunati.

-Eh, si i thoni ju të rinjtë sot, punë vullnetare, se njëherë koha kur punoje pa para quhej punë angari.

-Epo tani u kujtuan që duan lekët e tyre, tha Kunati, se gjoja s’i kanë fituar dot as çerekun e lekëve të qerasë. Hoqëm dhe kioskat se kemi frikë se na i djegin.

-Mirë bëtë të keqen. Se ja erdhi data 21 janar dhe nga inati i Lulit djegin kioskat e tua. Dhe atëherë më ‘97 i hoqëm gjithë gjërat që mund të na merrnin. I bëmë lek dhe ja me ato u nisëm ju dhe Lulin nëpër shkolla.

-Nejse, mirë, dakord, i tha Kunati, po s’di ç’t’u bëj këtyre tregtarëve, më çmendën. Për çdo gjë më kërkojnë mua lekët. U them që do flas me Lulin, po qeshin, s’e marrin seriozisht. Hajt se e dimë ne që ti je i pari, më thonë. E kam shumë problem këtë punë. Më thonë na lë kioskat tre muaj pa lek që të nxjerrim lekët e qerasë. Po mirë ma kujtove tu them që kemi frikë se ua djegin më 21 Janar.

-Ashtu thuaj të keqen. Nuk bëhet gjë, thuaj, se ua djegin. Biles tregoju dhe një plan si do tua djegin. Fundja ndonjërës vërini zjarrin dhe vetë.

-Jo, jo, ato i hoqëm ne, po duam ta bëjmë treg të shtunave, dhe nuk biem dot prapë kioskat se na i zaptojnë këta borxhlinjtë.

-Ç’të të them unë e shkreta. Me kioska s’kemi pasë punë atëherë. I kishim lek të thata, i fusje në makinë dhe ikje. Me kioska bela është.

-E gjeta, tha Kunati. Do tu them e di kompetenti atë punë. Nuk jam unë kompetenti. Sa të gjendet kompetenti shpëtoj ca ditë.

-Nuk e di të keqen nëna. Kompetenti ishte i Sudes. Ne tek VEFA i thoshim Marshalli, se gjeneral i thoshin Xhaferit.

-Hajt mo po u them kompetenti se kompetenti nuk u gjet kurrë, këto të tjerat u gjetën, tha Kunati i lehtësuar.

Flamuri zbërthen fjalimin e doktorit për dixhitalizimin e bujqësisë

21:45 Antena

Luanët

22:58 Antena

Kunati i Lulit bën bilancin e fitimit nga zyra e Ramës

22:57 Antena

Bisedë me Ina Ramën

21:53 Antena

Biseda e pazbardhur e Doktorit me ambasadorin amerikan

21:01 Antena

Glori në rrezik punën për foton e Sarkozisë

20:12 Antena

Berisha ngjall dyshime të mëdha në Francë për Shqipërinë e Madhe

00:35 Antena

Kunati i Lulit në panik nga Prokuroria

22:19 Antena

Si dështuan xhirimet për ngjitjen e Doktorit në Dajt

23:37 Antena

Tit Vasili në alarm për ushqimet e ambasadës amerikane

21:19 Antena