Dialogu i Sandrit me Metën dhe Berishën pas takimit në Rogner

Takimi i djeshëm i Rogner-it ishte një meritë e Sandrit. Në fakt kafen e kishte fiksuar Fevzo me Bashën dhe Berishën, që të zbuste imazhin e keq që kish lënë në opinion batuta e Berishës për Gjebrenë në pritjen me rastin e 13 janarit, Vitit të Ri serb, datë në të cilën Berisha po krijon një traditë që ta festojë me medien qeveritare në Shqipëri.

Sapo Sandri mësoi se Fevzo kish lënë kafe me Berishën dhe Lulin, i bën telefon Metës dhe i thotë kur të bëj unë SMS, nisu dhe eja tek Rogner-i. Kështu dhe u bë. Sapo Berisha dhe Basha u ulën me Fevzon dhe po bënin humor për Fevzon si president konsensual, Sandri i nis SMS Metës dhe ai u shfaq aty. Kaq duhej. Pastaj SMS e Sandrit për medien, TV Klanin por dhe medies opozitare.

Pasi ndenjën gjatë në kafe në sy të gjithë gazetarëve, u çuan dhe ikën. Të gjithë ishin të qeshur.

Sandri mori në fillim Metën në telefon.

-E bukur doli ë figurë? Ja q… robt, e kemi çmendë Ed Ramën. Iku Gjykata për lesh. Kam frikë se do na e sjelli vendimin të zbardhur që nesër në darkë.

-Hahahaha, i madh je flori, ta kam borxh. Po bukur ëëë, bukur ëëë. Ëë, si tu duk ty, ëëë, bukur tu duk ëë. Po dhe Doktori ishte në formë, po si tha, u tërbuan kur fola për verën ëëë e bukur shumë ajo ëëë.

-Është i madh shumë, sa i thashë unë duhet me pi dhe një kafe me Metën sot, menjëherë tha ja po nisem, po marr dhe Lulin më tha. Ai Luli bëri pak naze më duket, po jo në sy tim se nuk ia mban, Fevzos seç i kish thënë kam ca punë pritje populli. Po e mora unë i thashë ti b…q… mos ma dridh, po eja shpejt, dhe erdhi.

-Ashtu ëëë, i madh je, jo mo jo, është djalë i mirë ai, ëëë, po si tha, kam pritje me popullin ëëë hahata, i madh je ëëë.

-E bëmë bukur këtë, mos e rruj se tani e bëjnë vendimin si të duam ne ato të Gjykatës. Doktori në fakt ishte pak pa qejf, por sa i thashë që Meta ka nevojë dhe për një kafe, u çua dhe erdhi, e ka bë si burrat në fakt…

-I madh shumë ëëë, po si tha, si tha ëëë, ishte verë e mirë ëë. Mona në fakt kishte zgjedhë një Gaja Barabresco, nga ato të mirat, po i vinte zor se mendonte që Doktori nuk pi ëëë, po kur e pa që e pëlqeu, hapi dy copë, po e bukur ëëë, si tha, si tha, më pëlqeu shume vera ëëë, po çdo të thotë kjo ëëë, si thua ti ëë, si e komenton ti…?

-Është i madh o burrë, të del zot, jo si Ed Rama që të lë në baltë. Janë çmendë gjithë këta ambasadorët, më tha Fevziu. Ai danezi po plas nga marazi, ajo anglezja është çmendë, dhe ky Arvizuja, që ngjan si Fevzo ndonjë herë, prapë është mërzit. S’e kupto fare këtë punë më duket, çuditet si i rregullojmë këto gjëra..

-Ashtu ëëë, i madh je. Mirë flori, do flasim, rrofsh, shumë faleminderit. Do takohemi… ëëë.

Pas kësaj Sandri uli telefonin dhe mori Berishën.

-Ke të fala nga Meta, i tha. S’më lëshonte telefonin duke të falenderu ty për takimin…

-Sandër, dëgjo, shiko, tani Meta o zotëri do ta mbyllë atë gjyq, por ta them unë ty se dhe një sindromë frikacaku e ka. Tani nuk ka nevojë të takohemi për ditë për një gjyq. Gjyqe kemi pasë të gjithë, ka pasë dhe Luli, dhe unë, dhe Mediu, po s’kemi bë kështu. Tani o zotëri dhe pak i përmbajtur duhet të jetë dhe bëre gabim që ma solle aty.

-Jo Doktor, nuk e solla unë, erdhi vetë, erdhi rastësisht, po s’kish lezet mos t’i thoshim eja ulu.

-Dakord, mirë, e kuptoj, po sidoqoftë është tepru. Tani mëngjes, drekë e darkë për atë po flasim, po dhe ndenja bashkë është teprim. Nejse, dakord…

-Jo Doktor, ai erdhi rastësisht, unë e di që është gabim, s’ia vlen të konsumohemi aq shumë, por sidoqoftë u bë që u bë tani, ta bëjmë tamam.

-Mirë, dakord, shiko, mirë, desha të them, nejse, iku kjo tani, dakord, mirë, po gabim ishte. Dhe mos më sill më njerëz pa i ftuar. Dolëm për kafe dhe kaq. Dakord, mirë, mirupafshim.

Sandri ngeli pak keq. E kish ndjerë që Doktori nuk e donte Metën aty. Mori prapë Metën.

-Fola me Doktorin, i tha. Ishte kënaqur nga kafja. Më falenderoi që u bëra sebep. Më tha i thuj Metës të ruajë qetësinë se asgjë nuk ndodh. Një 2 milionësh është ndarë. Njëri nuk donte të merrte, le të rrijë. Të tjerët janë OK.

-Mirë gjigant, mirë, ishte kënaqë ëëë? Burrë serioz Sandër ëëë, si e shpjegon ti ëëë, si nuk patëm kurrë ne socialistët një të tillë ëëë? I jam shumë mirënjohës Sandër, e meriton o flori ëëë?

-Patjetër, i tha Sandri. Ja do t’i them dhe të tregoj unë.

Sandri zbut Fevzon pas talljeve të Doktorit

22:48 Antena

Falimentojnë kioskat e Kunatit. Telashe me qiramarrësit

21:52 Antena

Flamuri zbërthen fjalimin e doktorit për dixhitalizimin e bujqësisë

21:45 Antena

Luanët

22:58 Antena

Kunati i Lulit bën bilancin e fitimit nga zyra e Ramës

22:57 Antena

Bisedë me Ina Ramën

21:53 Antena

Biseda e pazbardhur e Doktorit me ambasadorin amerikan

21:01 Antena

Glori në rrezik punën për foton e Sarkozisë

20:12 Antena

Berisha ngjall dyshime të mëdha në Francë për Shqipërinë e Madhe

00:35 Antena

Kunati i Lulit në panik nga Prokuroria

22:19 Antena