"Incidentet ndëretnike mund të rrezikojnë Maqedoninë"

Komisari i lartë për pakicat kombëtare i OSBE-së, Knut Volebek ka tërhequr vërejtjen lidhur me incidentet e fundit ndëretnike në Maqedoni.

“Maqedonia, si demokraci e re  po përballet me një seri sfidash. Vendi shumë përparoi pas konfliktit të vitit 2001, por seria e incidenteve dhe ngjarjeve në Strugë  përkujtojnë se incidentet ndëretnike dhe religjioze nuk i takojnë vetëm të kaluarës dhe nëse ato nuk ndalohen mund ta rrezikojnë shoqërinë”, theksoi  Volebek në fjalimin para Komitetit për marrëdhënie mes komuniteteve në Parlamentin e Maqedonisë.

Ai i përshëndeti përfundimet nga seanca e javës së kaluar të Komitetit në lidhje me këto incidente se me kohë dhe në mënyrë konstruktive ka reaguar në nivel të detyrës të tij.

Sipas tij, nuk janë të nevojshme situata si djegia e flamujve dhe përdhosjen e objekteve fetare që të ketë debat për dukuritë e tilla.

Ambasadori Vollebek gjithashtu bëri thirrje për reforma në arsim dhe vendosjen  e arsimit të integruar si dhe mënyrën më të mirë për parandalimin e tensioneve në shoqëritë multietnike.

“Duhet të merren masa në politikë, në përmirësimin e ligjeve, mediave dhe integrimin social. Arsimi është relativisht i lartë në parandalimin nga eskalimi i incidenteve. Munda të shoh tendencë të rritur në lidhje me separimin në linjës etnike, veçanërisht në shoqëritë postkonfliktuoze. E gjithë kjo potencialisht mund të paraqet kërcënim për kohezionin social” vlerësoi Volebek duke nënvizuar nevojën për inkuadrim në këto procese të të gjithë komuniteteve etnike në vend.

Zejadin Sela nga PDSH vlerësoi se Komiteti  për marrëdhënie me  bashkësitë  nuk e kryen rolin e tij, por është instrument në duart e  pushtetit për zbatimin e politikave  të tyre.

Sipas tij,  në vend janë përkeqësuar marrëdhëniet ndëretnike, ndërsa pushteti pak punon në këtë çështje, gjegjësisht punon në përkeqësimin e tyre.

Edhe sipas Talat Xhaferit nga BDI, komuniteti  shqiptar nuk ka nevojë të integrohet në  shoqëri  për shkak  të kontributit që e ka dhënë ende prej vitit 1903 në ndritmini e saj. Ai si problem  kryesor e përmendi  pikëpamjen e ndryshme konceptuale të Kushtetutës te komuniteti shqiptar dhe maqedonas.

Për Silvana Bonevën e VMRO-DPMNE, Maqedonia nga vitit 2001 arriti shumë dhe i është kushtuar ndërtimit të shoqërisë së vërtetë  multietnike, e cila bazohet edhe në traditën e forcimit të bashkëjetesës. Sipas saj, Komiteti kryen detyrën e tij në lidhje me  integrimin e tij,  por përgjegjësi  mes bashkësive  kanë të gjithë, politikën, institucionet, si dhe mediat me mënyrën e raportimit. Theksoi edhe nevojën e projekteve për të rinjtë.

Oliver Spasov përmendi se te LSDM nuk ka dyshim rreth stabilitetit të shtetit  të cilin duhet ta ndërtojmë si shteti i të gjithë qytetarëve. Sipas tij,  është me rëndësi që më rreptë të dënohen të gjithë incidentet të cilat nxisnin jotolerancë ndërnacionale dhe ndërfetare dhe të gjithë,  e para se gjithash pushteti ta marra përgjegjësinë.

Volebek sot u takua edhe me presidentin Gjorge Ivanov si dhe me përfaqësuesit e partive politike. (INA)

AI kërkon drejtësi rreth vrasjes së aktivistëve të Vetëvendosjes

13:43 Rajoni

Kamishi publikon letrën për Albin Kurtin: E mori nga vajza e Sokoloviçit

18:18 Rajoni 1 koment

30 serbë në listën e zezë amerikane

13:04 Rajoni

"Gazprom" anashkalon Shqipërinë dhe Maqedoninë

11:58 Rajoni

Regjistrimi i popullsisë, 96% e kosovarëve janë myslimanë

11:49 Rajoni

Xhanfranko Fini intimitet me kryeparlamentaren serbe

18:10 Rajoni

“Pushtimi” kinez

14:06 Rajoni

Berisha: Problemet në veri, të krijuara nga Beogradi

13:06 Rajoni

Albin Kurti injoron “Kamishin”

11:41 Rajoni

Tentojnë të arratisen nga burgu dy pjesëtarë të Klanit të Zemunit

14:51 Rajoni