Te fundit
Ferguson çon skuadrën të luajë golf
31 Mars 2012, 13:10Sport
TEMA
Sër Aleks Ferguson ka gjetur një mënyrë shumë origjinale për të stërvitur dhe qetësuar njëkohësisht skuadrën e tij para një sfidë shumë të rëndësishme që Mançester Junajtid ka të hënën përballë Bllekbërn. Trajneri ka udhëtuar me ekipin drejt Skocisë të premten ndërsa këto dy ditë ata do të përgatiten në qendrën e St. Endrjus ku do të kalojnë fundjavën duke luajtur golf.
Lojtarët nuk e dinin se ku do të shkonin, u ishte thënë vetëm që të merrnin çantat e udhëtimeve me vete dhe e kanë mësuar vendndodhjen e tyre vetëm kur kanë arritur në klubin e golfit me fame botërore.
Ferguson e ka bërë një gjë të tillë pasi mendon se lufta psikologjike e javëve të fundit me Mançester Sitin mund të ndikojë te disa prej lojtarëve të rinj dhe kjo është arsyeja pse ai dëshiron që grupi të stërvitet por edhe të argëtohet, duke e hequr pak mendjen nga angazhimet e përditshme.
“Të rinjtë nuk janë mësuar me këto gjëra si Uellbek, Jang, De Gea, Xhons dhe Smalling. Lojtarë si Fabio dhe Rafael Da Silva kanë 2-3 vite këtu dhe janë mësuar me trysninë. Në këtë mënyrë ata përfitojnë eksperiencë që do t’i ndihmojë në të ardhmen”, u shpreh Ferguson.
Mançester Junajtid ka një avantazh minimal prej 3 pikësh në kreun e klasifikimit të kampionatit anglez në luftën për titullin kampion, i cili do të ishte i 20-ti në historinë e klubit. Por këtë vit, ai do të kishte një shije më të ëmbël pasi do të fitohej përballë rivalëve të Mançester Sitit. /lajmeshqip
1 komente në “Ferguson çon skuadrën të luajë golf”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
FERGUSON GJENIU I FUTBOLLIT SI MERO GJENU I GAZETARIS ..