Flamuri, biznes dhe bezdi me festën për Nishanliun

Ideja për një festë të madhe për Nishanliun me rastin e emërimit president, kishte disa ditë që i shkonte nëpër mend Flamurit. Ishte rast i mirë për të përcjellë Nishanliun, por dhe për të bërë ndonjë lek. Planin e kishte të qartë në kokë. Do bënte sikur do t’i ndante shpenzimet mes disa biznesmenëve dhe do t’u merrte lek të gjithëve.

Ashtu u bë. Mori të parin Zamirin.

-Isha pak me Ridvanin dhe folëm dhe për atë punën e lotarisë. Mos ça kokë se do bëhet ajo punë. I thashë dhe Ridvanit mo ta shoh më këtë lajmin nëpër gazeta, mbylleni shpejt se nuk mbahet Irfani. Mirë, më tha.

-Rrofsh o byrazer, rrofsh, i tha Zamiri.

-Kemi dhe atë ftesën për Ridvanin, të ta kaloj pak faturën pasi të mbarojë.

-Po patjetër o byrazer, ç’është ai llaf, tha Zamiri.

Pas Zamirit mori Irfanin.

-Ore, si do t’ia bëjmë për këtë festën e Nishanit, i tha, se do ta paguajë ky Zamiri.

-Në asnjë mënyrë, i tha Irfani. E kam shokun e ngushtë të vëllait, kanë ngrënë në një gavetë kur ishin oficerë. Do t’i paguaj vetë. Pastaj atë që ka bërë ai për mua, që më ka shpëtuar gjithë kromin në Bulqizë, nuk ia harroj kurrë. Si do ta paguajë Zamiri një herë. Ai është një shkërdhatë që e dredh me të gjithë. E di unë është lojë e Bodes, do t’i japë pikë atij. Do ta paguaj unë dhe pikë.

-OK, dakord, do ta sjell ty faturën, tha Flamuri. E mbylli dhe mori Taqin.

-Desha me folë pak për këtë festën e Nishanit, i tha. Ai të ka bërë ndere dhe si ministër i Brendshëm. A të ta sjell ty faturën?

-Ça thua mo burrë, ku bëhet festa, i tha Taqi.

-Tek Sofra e Ariut, i tha Flamuri.

-Je në vete, si do ma sjellësh faturën, ai është lokali im, unë kam hapë kredi aty deri 5 milionë dita se aty bëj gjithë takimet. Vetëm hidh një firmë dhe ik.

-U bënë tre, tha Flamuri me vete. T’i fus nj telefon dhe këtij Gimes Redbullit.

-Ore, do paguash gjë për këtë festën e Nishanit ti apo jo, i tha.

-Po ç’të paguaj unë o byrazer, ja po u bie ca RedBull falas dhe kafe AMA, po deshët.

-Ato shko fshi b…, i tha Flamuri. Hajt se s’ke faj ti, do shihemi.

Gimja u tremb shumë dhe filloi t’i binte telefonit pa pushim, po Flamuri nuk ia hapte.

Hapi bllokun dhe zgjodhi dhe nja dhjetë biznesmenë të tjerë që duhet të paguanin. Më në fund u sigurua që shuma që do mblidhte ishte e majme dhe ra rehat.

Mbrëmja filloi dhe gjithçka ishte gati. Flamuri foli me menaxherin se pagesa ishte e Taqit. Ndërkohë bëri nja dhjetë fatura tua shpërndante të tjerëve.

Por ndërsa Flamuri merrej me faturat, pa se Mesila nuk i ndahej, po kërcente para tij vazhdimisht.

-Po mu hiq qafe, i tha Flamuri, se s’di të kërcej si nga qyteti.

Mesila nuk i ndahej.

Olldashi që e kuptoi hallin, i afrohet dhe i thotë tek veshi.

–Ik largohu se ajo e di që e vendos ti pasardhësin e Nishanit, ndaj kërcen para teje.

Flamurit edhe i erdhi qejf, edhe ishte në siklet. Vendosi mos të ikte. Si për dreq, në krah të tij shfaqet Vangjel Tavo që këndonte këngë patriotike të veriut.

-Po ky dreq çfarë do, tha Flamuri, apo Ministrinë e Shëndetësisë.

U shty pak më tutje.

Përballë iu shfaq Lejla Përnaska e skuqur flakë, që i kërkonte të kërcenin bashkë Napolonin. Flamuri nuk dinte si ta hiqte qafe.

-Nuk është mirë të kërceni e tundni bythët para Nishanit se duket sikur ia bëni për inat ngaqë ai nuk lëviz dot nga vendi, tha Flamuri.

Lajla u shtang pak dhe e la vallen. Pak nga pak e lanë të gjithë. Vetëm Vangjel Tavo i pirë tapë këndonte mbi tavolinë “O sa mirë me qenë shqiptar”.

Intervistë e Presidentit Nishanliu për TV Blu Skay Blu

19:24 Antena

Flamuri tërheq policinë nga Lazarati

21:52 Antena

Gimi i Puros hyn në LNFS

19:55 Antena

Flamuri udhëheq operacionin kundër grave të hashashit në Lazarat

18:45 Antena

Flamuri me Jozin, gati për të marrë pushtetin

20:47 Antena

Zamiri përfshihet në festën e paspresidentit

19:14 Antena

SMS e ditës së Presidentit

22:52 Antena

Incidentet e Flamurit me Doktorin në Tunelin e Elbasanit

20:47 Antena

SMS e shkëmbyera pas dorëheqjes së Zaganjorit

21:53 Antena

Kunati rihap kioskat tek rruga e Toptanëve

21:05 Antena