Flamuri tërheq policinë nga Lazarati

Pas paralajmërimeve për të ndërhyrë në fshatin Lazarat, policia njoftoi dje se do të tërhiqej pasi në fshat nuk kishte hashash. Konfirmimin zyrtar e bëri Flamuri, i cili udhëtoi vetë në brendësi të fshatit. U nis me makinën e tij dhe ndali në qendër të fshatit tek rrapi. Njerëzit u mblodhën rrotull tij dhe filluan t’i flasin të shqetësuar për situatën.

-Po ç’bëni a i vrarë, i tha fshatari i parë që iu afrua. Me ne do haji ju, s’keni punë tjatër. Po ne bimë mbjellim a i vrarë, bimët s’kanë faj. Ku keni dëgjuar ju që bimët kanë faj?

-Janë bimë të ndaluara, tha Flamuri. Kush merret me to, dënohet.

-E jo i vrarë se për atë punë fishekët janë të naluar dhe nuk i naloj njeri ata në Gërdec, u morën me to sa deshën.

Flamuri uli kokën dhe bëri sikur nuk dëgjoi.

-Nuk e kam fjalën për ju, tha, por për ata që mbjellin tokën me hashash.

-E jo i vrarë, ç’tokë kanë mbjell, ja vetëm koshtrat, nuk i sheh.

Më pas afrohet një fshatar tjetër.

-Flamuri je ti djalooo, i tha.

-Po, u përgjigj Flamuri dhe i dha dorën.

-Vetëm ke ardhë a me pepinot?

-Kush janë pepinot, tha Flamuri?

-Taljanët, ata që vijnë na fotografojnë nga ajri.

-Aha, jo, jo, vetëm, i tha Flamuri, i trembur pak.

-Herën e parë nuk i qëllova kur i kesha mbi shtëpi se kisha hall se më prishnin çatinë, por po erdhën prapë, nuk dalën gjallë, dëgjoveeee?

-Dakord, dakord, nuk vijnë, i tha Flamuri.

-Më kanë thënë që je njeri i madh në Tiranë, i tha plaku.

-Pas atij Burrit, jo i pari fare, tha Flamuri.

-E mirë biro, ma zgjidh një hall se më ngeli djali brenda.

-Brenda, pse, çfarë ka bërë?

-E ç’ka bërë, hiç, ja qëlloi ahere halikopterin, rrahu dhe njëherë atë vrromën e socialistëve, dhe e kanë dënuar 17 vjet. Po gjynah se është i betuar për Salinë, nuk i del shpirti pa ndihmuar atë.

-Po patjetër do të ndihmoj, i tha Flamuri. Në çfarë shkalle e ke?

-Po ja në të parën, e bëri këtu në Gjirokastër, po qenë socialistët ahere e dënuan.

-Ashtu ë? Po mirë, në Apel e çuat?

-E çuam dhe në Apel po dhe ata deshën para, e dënuan biro.

-Po s’ka problem, çojeni në Gjykatë të Lartë se tani e kemi në dorë komplet. Një SMS duan ata dhe e lirojnë. E kupton ti, janë ai grupi i Metës.

-E ku di unë biro se s’marr vesh nga këto punë, po e ka dënuar dhe Gjykata e Lartë më duket.

-Ashtu ë, tha Flamuri i dëshpëruar. Atëherë do presësh pak sa të ndërrojë Bujar Nishani kryeprokuroren dhe e rihap dhe një herë çështjen dhe e falim. Por do disa muaj se tani s’e bëjmë dot. Tani më thuaj në cilin burg është që t’i them Gazit t’i japë leje nja një muaj sa të mbaroni këto punë.

-Po të thashë biro më ngeli brenda, i tha plaku.

-Po pra, dakord, më thuaj në kë burg është ta lirojmë pa leje?

-Po brena në fshat biro, çfarë burgu. Kush guxon ta arrestojë këtu në fshat. Kur themi ngeli brenda, e kemi fjalën që na ngeli këtu në fshat e s’del dot në pazar, pa këtu s’e nget njeri.

Flamuri uli kokën dhe bëri sikur nuk e dëgjoi.

-Mirë, mirë, do interesohem unë, i tha.

-E mirë të keqen dhe hiqini ata policët nga udha se sherri sherr pjell, hë të keqen.

-Patjetër, tha Flamuri, dhe i bëri SMS Burgajt. “Hiqi urgjent policët se na more më qafë”.

-I hoqa xhaxha, i tha Flamuri. Tani rrini të qetë.

-Jo mo për ne s’ka problem, tha plaku, po djem nënash janë dhe ata, pse të shkojnë si qeni në vësht.

Gimi i Puros hyn në LNFS

19:55 Antena

Flamuri udhëheq operacionin kundër grave të hashashit në Lazarat

18:45 Antena

Flamuri me Jozin, gati për të marrë pushtetin

20:47 Antena

Zamiri përfshihet në festën e paspresidentit

19:14 Antena

SMS e ditës së Presidentit

22:52 Antena

Incidentet e Flamurit me Doktorin në Tunelin e Elbasanit

20:47 Antena

SMS e shkëmbyera pas dorëheqjes së Zaganjorit

21:53 Antena

Kunati rihap kioskat tek rruga e Toptanëve

21:05 Antena

Flamuri krijon një skedë me fjalët e reja të fushatës presidenciale

19:51 Antena

Emini i zemëruar i shkruan Fatos Nanos

21:36 Antena