Bolt: Ferguson nuk do të ulërinte me mua

Usain Bolt vazhdon të shprehet publikisht se është një futbollist që mund t’i shërbejë Mançester Junajtid, edhe për faktin se mendon që ka imunitet ndaj zemërimit legjendar të Aleks Ferguson. Sipas sprinterit xhamajkan, nëse ai përkushtohet 100% në këtë objektiv, e ka të lehtë të sigurojë një vend në formacion përkrah blerjes së re të “djajve të kuq”, Robin Van Persi.

“Do të shkoja, nëse më paguajnë mirë. Kjo është e vetmja gjë që do të dëshiroja të provoja, pasi mendoj se jam shumë i mirë”, tha ai i ftuar në një emision televiziv britanik.

I pyetur nëse arrin të përballojë trysninë e Aleks Ferguson, ulërimat e famshme të të cilit kanë marrë nofkën “tharësja e flokëve”, Bolt nuk duket i shqetësuar.

“Unë do të jem aq i mirë sa ai nuk do të ketë nevojë të përdorë “tharësen e flokëve” me mua. E vetmja gjë që më shqetëson është shiu i pandërprerë në Mançester, një jetë krejtësisht ndryshe nga ajo në Xhamajka”, tha ia.

Megjithatë, edhe nëse Bolt do të zgjedhë të vazhdojë një karrierë sportive alternative, ai ka vendosur që të mos braktisë sprintin dhe synon që shumë shpejt të thyejë përsëri rekordet e tij botërore.

“E kam thënë që për garën e 100 metrave, mundësia është që të ul kohën në 9.4 sekonda, por këtë sezon nuk kam qenë në maksimumin tim. Kur fillova të vrapoja, njerëzit thoshin 9.7, nuk arrihet më shumë! Pastaj ata thanë 9.6 dhe tani 9.5. Unë për vete mendoj se gjithçka është e mundur. Nëse punon shumë dhe nuk ke dëmtime, gjithçka është e mundur. Trajneri im thotë se do të jem në majë të botës nëse vazhdoj me këto ritme, deri në ditën kur të vendos të tërhiqem”, tregoi Bolt.

Soriano, blerja më e madhe e Sitit

10:03 Sport

Mançester Siti, 35 milion euro për De Rosin

17:03 Sport

Rrezik sulmi terrorist në Hungari për Izraelin

12:04 Sport

Tifozët e Boka Juniors shkaktojnë tërmet 6.4 gradë

11:26 Sport

Basketbollisti Ndoja, rekord të zi në ndeshjen me Zvicrën

10:35 Sport

Ferguson: Kam sulmin më të fortë në Europë

21:18 Sport

Van Persi, kontratë prej 100 milionë euro te Junaited

20:31 Sport

Telenovela Real-Modriç merr fund, kroati mbërrin në Madrid

13:15 Sport

Ebue sulmon Van Persin: Gomar holandez

13:01 Sport

Mesi-Barça, një kontratë të përjetshme

12:18 Sport