Te fundit
Eto’o zgjedh Mesin për “Topin e Artë”
6 Tetor 2012, 17:09Sport
TEMA
Samuel Eto’o ka treguar në një intervistë për Al Jazeera Sport se cilët janë preferencat e tij për fitoren e “Topit të Artë” në këtë sezon, duke zgjedhur si gjithmonë të vlerësojë futbollistë të Barcelonës.
“I preferuari im është Mesi, i ndjekur nga Iniesta dhe Ksavi. Kristiano Ronaldo? Më pëlqen edhe ai, por më pak se këta tre”, ishte komenti i kamerunasit, që më pas ka thurur elozhe për Zhoze Murinjon duke e vlerësuar maksimalisht trajnerin portugez. “Më pëlqen sinqeriteti i tij. Janë të shumtë personat në botën e futbollit që nuk sillen në të njëjtën mënyrë”, tha ai për trajnerin me të cilin ka fituar Ligën e Kampioneve te Interi.
Sulmuesi kamerunas bëhet gati të shohë si spektator një tjetër “El Clasico”, ku disa vite më parë ishte protagonist i padiskutueshëm. “Bëhet fjalë për ndeshjen më të madhe që ekziston mes dy klubeve. Një nga momentet më të mëdha të karrierës time ishte kur gabova një penallti në këtë ndeshje dhe një minutë më vonë shënova gol”, tregoi Eto’o.
Më pas, ai ka folur edhe për situatën e tij të klubi i Anzhi, ku ka fituar statusin e lojtarit më të paguar në botë pasi merr shifrën e pabesueshme të 20 milion eurove në sezon.
“Unë shoh se skuadra si PSZH, Anzhi dhe Zenit janë gati t’i bashkohen më të mëdhenjve në Evropë. Rroga ime? Unë e kam njohur varfërinë. Ka patur raste kur nuk kisha asgjë për të ngrënë, ndërsa tani më jepet mundësia që të ndaj diçka me njerëzit”, tha ai.
Lini një Përgjigje
Më të lexuarat
24 oret e fundit
Javen e fundit
Blog Tema
