Hodgson: Runi, kapiteni i të ardhmes

Roi Hodgson ka mbështetur kandidaturën e Uejn Runit për t’u bërë kapiteni i kësaj kombëtareje në të ardhmen, pas paraqitjes së tij të parë me shiritin në krah në ndeshjen kundër San Marinos.

Në këtë ndeshje, Runi arriti kuotën e 31 golave, duke qenë tashmë i pesti në listën e golashënuesve më të mirë të kombëtares angleze, por qetësia e tij në fushë bëri më shumë përshtypje se aftësia para porte. Ai mbajti shiritin e kapitenit pasi në këtë sfidë mungonin si Stiven Xherard, ashtu edhe Frenk Lampard, ndërsa Anglia fitoi me rezultatin 5-0.

“A mund të jetë Runi kapiteni i të ardhmes? Po! Ai ishte zëvendës-kapiteni im në Evropian, të paktën që nga momenti kur mundi të luante përsëri. Frank Lampard është kthyer dhe ai mund të drejtojë ekipin. Por unë kam patur gjithmonë në mendje që Runi do të ishte zëvendës-kapiteni. Ai është krenar për një gjë të tillë dhe e dëshiron shumë këtë rol”, shpjegoi trajneri i Anglisë.

Runi do t’i kthejë kapitenit Xherard shiritin për ndeshjen e të martës ndaj Polonisë, por nuk ka fshehur dëshirën për të vazhduar të jetë kapiten i ekipit.

“Kur je një futbollist i ri, dëshiron të luash për Anglinë dhe në momentin kur ti vesh fanellën e kombëtares, hapi i ardhshëm është të bëhesh kapiten i kombëtares”, tregoi sulmuesi. Megjithatë, mediat angleze kanë shprehur dyshime për temperamentin e sulmuesit i cili në 77 ndeshjet e tij me kombëtaren ka marrë 10 kartona të verdhë dhe 2 të kuq./lajmeshqip

Menezes: Çdo trajner e quajnë budalla

14:09 Sport

Senegal-Bregu i Fildishtë ndërpritet nga dhuna

14:08 Sport

Berisha shënon dy gola në suksesin 5-0

17:09 Sport

Kuba pa lojtarë në stol ndaj Kanadasë, arratisen drejt "ëndrrës amerikane"

12:24 Sport

De Biasi: Kjo humbje djeg shumë

11:46 Sport

Mesi dhe Falkao vazhdojnë garën e golave (VIDEO)

11:06 Sport

Raikonen: Nëse nuk fitoj Botërorin, dal i katërti për të shmangur ceremoninë festive

11:59 Sport

Ibra: Baloteli dhe Barça, binom mediokër

11:25 Sport

Lëv shuan polemikat në skuadër

11:00 Sport

Viroza, lojtari i Islandës shtrohet në spital

10:41 Sport