Te fundit
A do ta rrisë më tej PS-ja koalicionin parazgjedhor?
6 Shkurt 2013, 16:03Blog
TEMA
Nga Eduard Zaloshnja
Në zgjedhjet e 2009-ës, PS-ja mori 10,120 vota më shumë se PD-ja, por koalicioni i saj me vetëm 5 parti mori pothuaj 24,000 vota më pak se koalicioni prej 16 partish i PD-së (Parantezë e gjatë: Këto diferenca janë llogaritur në bazë të shifrave zyrtare të KQZ-së. Se sa kanë qenë në realitet ato, e dinë vetëm komisionerët e qendrave të votimit dhe të numërimit. Ne dimë që, në një rast në Dajç të Lezhës, komisioni i qendrës së votimit kishte regjistruar si pjesëmarrës në votim njerëz që nuk ishin fare në Shqipëri ditën e votimit dhe, për këtë, gjykata i dënoi komisionerët.)
10 vagonët që iu shtuan trenit paraelektoral të PD-së në 2009-ën i dhanë atij plot 48 mijë vota. Dhe pa ato vota, ai nuk do të kishte patur një avantazh prej 24 mijë votash, por një disavantazh prej po aq votash. Nga ana tjetër, treni paraelektoral i PS-së, që mbeti me 5 vagonë, si në 2005-ën, e rriti goxha peshën e vet, por nuk arriti t’ia kalonte trenit 16-vagonësh të PD-së.
Duke i analizuar këto shifra dhe duke ditur që, nga KQZ-ja iku Ristani dhe erdhi Lleshi, Edi Rama duket se e ka kuptuar që duhet ta zgjasë trenin e tij paraelektoral me sa më shumë parti. Dhe në një mbledhje të para disa kohëve, a mblodhi rreth tryezës për koalicion paraelektoral 30 parti nga të gjitha ngjyrat e spektrit politik. Por nga partitë që po i shtohen koalicionit origjinal, të gjitha janë parti të patestuara në zgjedhje parlamentare, përveç PSV-91 e Petro Koçit, e cila mori rreth 6.5 mijë vota në 2009-ën dhe Partisë për Ligj dhe Drejtësi e Ngjelës dhe Zogajt, e cila mori rreth 5 mijë vota.
Me pak fjalë, trenit paraelektoral të Ramës mund t’i duhen edhe vagonë të tjerë, por më të mëdhej, që të përballet me trenin e gjatë të Berishës, i cili furnizohet, përveç të tjerave, edhe nga fondet e qeverisë, punësimet në administratë dhe nga favoret që u bën bizneseve pranë tij.
Në një intervistë dhënë gazetës DITA, Edi Ramës i ishte bërë një pyetje e drejtpërdrejtë nëse koailicionit opozitar do t’i bashkohet edhe AK-ja dhe FRD-ja, dy partitë e reja që nuk janë provuar në zgjedhje, por që ka të dhëna nga sondazhet se mund të kenë peshë të ndjeshme elektorale. Ai praktikisht e përjashtoi koalicionin me FRD-në duke thënë: “Bamir Topi ka një projekt divergjent me tonin. Ai synon të shpëtojë të djathtën nga një shkatërrim që do ketë pasoja dhjetëvjeçare. Ne duam të shpëtojmë Shqipërinë nga kjo e djathtë. Momentalisht konvergojmë vetëm në nevojën për zgjedhje të lira e të ndershme dhe në këtë pikë mund dhe duhet të bashkëpunojmë.” Por Edi Rama nuk tha asnjë fjalë për AK-në…
Dhe AK-ja përbën një të panjohur shumë të rëndësishme për ekuacionin elektoral të qershorit. Dhe ja përse.
Sondazhet e publikuara deri më sot japin kuota që variojnë nga 9-15% për AK-në, por nuk janë publikuar nga kompani që kanë kohë në tregun e sondazheve. Ndërkohë, nga dy sondazhe private që kam zhvilluar në qytetin e Tiranës në shkurt dhe nëntor të vitit të kaluar (rezultatet e të cilave, kuptohet, nuk mund t’i bëj publike), vihej re se AK-ja ishte e vetmja parti që merrte shumë vota nga zgjedhës që nuk kishin votuar në dy zgjedhjet paraardhëse – ndarja e përkrahësve të saj ishte pothuaj e përpjesshme mes votuesve që s’kishin votuar në dy zgjedhjet paraardhëse, votuesve të zhgënjyer nga partitë e djathta (ose, më saktë, që e quajnë veten të tilla) dhe votues të zhgënjyer nga partitë e majta (ose, më saktë, që e quajnë veten të tilla).
Pikërisht ky fakt është tregues për peshën që mund t’i shtojë AK-ja trenit opozitar, për t’iu kundërvënë “Aleancës së Tradhëtarëve”, siç quan kuqeziu Kreshnik koalicionin qeverisës. Por futja e AK-së në koalicionin qeverisës do të ketë edhe një kusht, të panegociueshëm sipas Spahiut, të cilin Edi Rama do të duhet ta kapërdijë – AK-ja kërkon që ligji mbi partitë të ndryshohet, për të kufizuar kohën që një kryetar mund të rrijë në krye të partisë. Dhe pastaj, asnjë kryetar partie nuk mund të rrijë në krye të saj më shumë se 8 vjet nga futja në fuqi e një ligji të tillë.
A do ta pranojë Edi Rama këtë kusht të AK-së?
http://respublica.al/opinion/2013/02/06/a-do-ta-rrise-me-tej-ps-ja-koalicionin-parazgjedhor
6 komente në “A do ta rrisë më tej PS-ja koalicionin parazgjedhor?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O Zaloshnja lere fare. A di te besh ndonje pune tjeter? psh te vjedhesh a te besh ndonje batakcillek? e sheh Mamuthin e korrupsionit se si po behet deputet? i shesh gjithe sahanlepiresit se si po merren vesh? lere Edi Ramen ne punet e veta dhe ti po me degjove mua shih punet e tua. Ky vend eshte edhe do mbetet nje Kongo.
PS do ti fitoje keto zgjedhje me keto parti qe ka tani dhe nuk ka fare pune me partite e tjera si LSI qe tradheton idealet e veta thjesht per nje karrige. Do ja dale qe te fitoje sepse populli ka besim se kjo eshte zgjidhja e vetme per shpetim. 23 qershori do ta tregoje se nuk ka nevoje per bashkepunim akoma me parti te tjera. Miku po te tradhetoji njehere ai e ben perseri ate
Aman te keqen trego sa tradhtar eshte Anastas Angjeli. E ke degjuar ndonjeher te thote jam shqiptar? kur? a mburret kur thote une jam grek apo jo? Po pse po Vasilika Hysi qe u fut si UFO ne parlamentin shqiptar, a se ka thene me mijera here se: une jam greke? Sigurisht edhe LSI eshte e do mbetet tradhetare sepse drejtohet nga nje njeri qe nuk njeh parime vec parase.
Zoti Zaloshnja,eshte nje staticien i mire,por,te mos harrojme se ,te pakten,ne dy pale zgjedhje,parashikimet e tija rezultuan nje fiasko e vertete!
Me spektakolari,nder parashikimet,ishte ai per zgjedhjet e 2011,kur (te rrime shtrember e te flasem drejt) zoti Zaloshnja ishte shume entuziast ne parashikimet per rrudhje totale te LSI-se,c’ka zgjoi edhe ironine e pameshirshme te rivalit te tija ne kete fushe zotit Artan Hoxha.
Nganjehere,ose me sakte perhere,,deshira qe dicka te realizohet,e demton shume procesin analizues,dhe zoti Zaloshnja duhet ta marre, urgjent, parasysh kete fakt.
Gjithsesi analizat e tij i ndjek me kersheri e respekt te posacem.Flm.
o janaq dhimitraq, edhe une ndjek me vemendje zaloshnjen dhe tan hoxhen, kur diskutojne per shifrat elektorale, se jane dy analitet i dine e i kuptojne me mire ato. por ti s’i mbake mend mire parashikimet e zaloshnjes. 4 dite para zgjedhjeve ne 2009, te emisioni i kol balles ai parashikoi se asnje koalicion nuk do krijonte dot qeverine pa mandatet e lsi-se dhe i te njejtit mendim ishte edhe tan hoxha. ne 2011 te emisioni i fevziut ai parashikoi se edi rama fitonte tiranen dhe berisha fitonte voten popullore ne rang vendi. dhe ky parashikim i doli, por ne tirane e ktheu permbys rezultatin ristani. a po e ke harruar kete detaj te vogel o janaq dhimitraq?
Po te jete vetem per kete kusht, Edi Rama sbesoj se e ka shume problem. Edhe tete vjet te tjera kryetar i dalin e i teprojne Edit.
Edhe aq i ka shume (duke e marre te mireqene), se keta socialstet edhe kur kane perballe Saliun kane me qejf te zihen mes vedit se te perballen me te.