Doktori zbulon se “memo” nuk ka ekzistuar

Dalja e memos së SHBA për qeverinë shqiptare, e tronditi Doktorin. Sapo doli në mëngjes në zyrë, thirri Ilir Metën për të sqaruar situatën.

-Shiko zotëri, tha. Memon e ka nxjerrë partia juaj se don me më diskretitu mu. Duhet me mbajtë një qëndrim për këtë!

-Po ç’të them unë o flori, ja të flas një herë me Panaritin, por dhe ai s’di gjë më duket.

-Jo zotëri se kjo është e pazakontë. Ata ia kanë dorëzuar Panaritit, ai ma ka dorëzu mua pa protokoll, dhe ajo del në shtyp. Shiko, ke një njeri ti aty që punon për Edi Ramën.

-Tani o flori këtu dikur kanë punuar të gjithë për Edi Ramën dhe s’e përjashtoj të ketë mbetë ndonjë akoma, por Panariti nuk bën nga këto gjëra. Mua nuk më ka ecur kurrë me këtë Ministrinë e Jashtme. Dhe atëherë që erdhi Ollbrajti dhe foli kundër teje, ma nxori Blushi në medie.

-Jo, e ke gabim shumë. Ollbrajti s’ka folur kundër meje, po atë e sajoi Blushi. As tani nuk ekziston një memo, por e ka sajuar Blushi me Ramën. Jo, këtë duhet ta thotë qartë Panariti.

Ilir mbylli telefonin shumë i pasqaruar. Për ta kuptuar më mirë se çfarë tha Doktori, mori Fahron.

-O vëlla, si do t’ia bëjmë me këtë memon, tha, se më mori Doktori dhe më thotë që memo nuk ekziston, por e ka sajuar Blushi me Ramën.

-Tani, pak rëndësi kanë të tjerat, e vërteta kjo duhet të jetë, tha Fahro. T’ia fus një titull unë për nesër.

-Mirë o flori, fute, po shiko rregulloje pak me takt tekstin.

-Më vjen keq, i tha Fahro. Krijimtaria është në bazë të punës sime.

Pas kësaj Iliri u lidh me Panaritin dhe i tha të lidhej me Fahron se do bënte një deklaratë që memo nuk ekziston.

-Po si t’ia bëjmë, i tha Panariti, se ata ma kanë dorëzuar.

-Nuk ka problem flori, nuk ka numër protokolli, nuk ke firmosë, mund të thuash s’e kemi marrë.

-Po sikur të na e bien prapë?

-Po e sollën prapë, u thuaj le se e kemi gjetur, nuk e duam, dhe kur të ikin, thuaj prapë se nuk e kemi marrë.

-Më vjen turp o burrë, si t’u dal para atyre, tha Panariti.

-Epo mos ju dil ca kohë, ça të them unë, tha Iliri.

Ndërkohë Fahro e kish mbaruar deklaratën dhe ia dërgoi Panaritit. Pas pak gjithë media mësoi se nuk ka ekzistuar asnjë memo nga ambasada amerikane për qeverinë shqiptare.

-Po ajo që dha Top Channel, çfarë ishte, pyeti një gazetar.

-Ajo ishte thjesht një letër, tha Panariti. Memo është dokument konfidencial, e bëjnë vartësit për shefin. Unë nuk e kam vartës ambasadorin amerikan.

Doktori ndiqte i kënaqur lajmet dhe përgënjeshtrimin.

E mori Ilir Meta dhe e uroi.

-E bëri si burrat Panariti, tha. E përgënjeshtroi.

-Shiko Ilir! Nuk ka pasë memo. E tha mirë ai, ka qenë thjesht një copë letër. Fola pak me Imamin se kam këtë Stevenin, i duhen ca armë këtë muaj, ndryshe na vjen memo tjetër. Thuaj dhe ti ndonjë llaf Haxhinastos, mos ka ndonjë gjë për të shitur.

-Mirë o flori, tha Iliri dhe mbylli telefonin me një mëdyshje të madhe.

-D.m.th memo paska ekzistuar.

Direktiva për të qenë të gëzuar për Shën Valentin

23:04 Antena

Flamuri, i hutuar nga kërkesa e Ed Selamit

21:12 Antena

Anekdota për dorëheqjen e Papës dhe Sali Berishën

22:22 Antena

Flamuri, në telashe nga dorëheqja e Papa Benediktit XVI

21:21 Antena

Flamuri, sugjerime Doktorit nga kronika rozë

22:50 Antena

Ngrehuni dhe bjeruni...

23:22 Antena

Halimi, në dilema për emrin dhe deklaratën

23:08 Antena

Fevzo jep mesazhe të forta pajtimi me Doktorin

22:34 Antena

Sandri, i shqetësuar për ftohjen e Fevzos me Doktorin

22:11 Antena

Gimi i Puros merr më qafë Benin për tre ligjet

22:41 Antena