Te fundit
Flamuri prodhon pa dashje barsoletën e re për Doktorin
20 Mars 2013, 20:44Antena
TEMA
Kur debati për monstrën e Tiranës ishte në kulmin e tij, shumë njerëz kërkuan dënimin me vdekje. Në këtë debat ndërhyri Doktori dhe u shpreh kundër dënimit me vdekje, por rekomandoi që pedofilët të sterilizoheshin që të mos shtoheshin.
Flamuri si ministër mori udhëzimin e Doktorit dhe mblodhi gjithë policët.
-Dëgjoni dhe shpërndajeni tek gjithë kolegët tuaj, tha. Evropa nuk na lejon të vrasim pedofilët. Dënimi me vdekje ndalohet, por Doktori ka rekomanduar një mjet më efecient, sterilizimin e tyre.
-Ça punë zgjidh sterilizimi o shef, i tha një, ata nuk është se shkojnë me gra dhe shtojnë racën, ata shkojnë me fëmijë.
-Të drejtë ke, tha Flamuri, por Doktori ka thënë se sterilizimi i tyre është standard perëndimor dhe nuk shpërndan as sëmundjet ngjitëse.
Policët prapa ishin skeptikë.
-Or shef, i tha njëri Flamurit. A bën me i thënë Doktorit se s’po mujm me i dallu kush është pedofil nga pamja, veç kur po i kapim me fëmijë po i kuptojmë?
-E di, e di, tha Flamuri, që është e vështirë, por nuk bën me i vra. Duhet t’i sterilizojmë.
-Or shef, i tha një polici nga fshati i Flamurit. Mos na e bë dhe ti si ai komandanti i KFOR-it në Kosovë.
-Pse, çfarë ka bërë ai, tha Flamuri.
-Ta tregoj unë or taj, i tha. Se kta të qerët s’e dinë, por fshati ynë është në kufi me Kosovën. Gjatë luftës së Kosovës, ujqërit nga frika e pushkëve kaluan nga Kosova në katundin tonë. U bë problem i madh se po na hanin bagëtitë. Dhe ne morëm kallashët dhe filluam me i vra. Ata iknin të gjakosur e sakatum matanë kufirit. U bë problem i madh dhe ngrihet komandanti italian i KFOR-it bashkë me terxhumanin dhe vijnë në fshat.
U mblodhëm ne krejt me i digju.
Filloi i pari komandanti.
-Nuk bën me i vra ujqit, tha, se prishet ekosistemi.
Na e përktheu ne terxhumani.
-I thuaj këtij shoqit, i thashë se ujqit po na hanë delet, ndaj i vrasim. S’kemi punë me ekosistemin.
Ja tha ai shoqi e foli prapë komandanti.
-Kemi menduar, tha, t’i kapim ujqit dhe t’u heqim dhëmbët shqyes.
Na e tha terxhumani ne dhe qeshëm.
-Or shoq, i thamë, dhe një dhëmb të ketë, i mbyt delet tona.
Ka folë prapë ai shoqi me terxhumanin e na tha, atëherë kemi me i sterilizu ujqit.
E pyeta unë çka do me thanë kjo?
-Kjo do me thënë që ujqit nuk do shtohen më, tha komandanti.
-Or ti shoq, përktheja mirë, i thashë terxhumanit. Thuja tamam këtij komandantit: “Ujqit po na i hanë delet, nuk po na i pallojnë”.
8 komente në “Flamuri prodhon pa dashje barsoletën e re për Doktorin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ohhhhh ha ha ha h a ha ha:
“-Or ti shoq, përktheja mirë, i thashë terxhumanit. Thuja tamam këtij komandantit: “Ujqit po na i hanë delet, nuk po na i pallojnë”.”
http://imazheshqip.blogspot.com/2013/03/alfatoksina.html
Pak humor nga tema na çlodh.
Sali Berishen duhet ta tredhim nga koqet.Mulit ti sterilizojme truriun se po na prodhon shume humor.
Perlë perlë
Hahahahahahahahahahahaha, o sa e modhe per Zotin…. O Mero mos vdeksh ishallah…
Mos vdeksh o Mero…se kush do na i shkruaj këto perla….
Kam qesh me lot…..O zot sa i madh je…
fantastike vëtet…
Pediofili politik nuk eshte dakort me denimin me vdekje se po e ndjen se po i vjen dita dhe mendon me mire me burg te perjeteshem se te ike per lesh qe populli shqipetar mezi po e pret.
edhe vete muli kur ta lexoje do qeshe me vehte