Doktori shpjegon lidhjen me “Zonjën e Hekurt” në funeralin e saj

Doktori mori pjesë sot në funeralin e “Zonjës së Hekurt” në Londër. Shefi i protokollit të ceremonive rrinte në hyrjen kryesore për të sistemuar personalitetet dhe pyeste secilin prej tyre se si e kishte njohur zonjën Theçer.

I erdhi radha Doktorit.

-Më falni zotëri, i tha, a e keni njohur zonjën Theçer?

-Po, e kam njohur 21 vjet më parë, unë isha president, ajo ishte kryeministre. Folëm gjerë e gjatë për problemet tona. Zonja Theçer më dha të drejtë për situatën dhe më tha ‘mos u dorëzo kurrë’. I jam shumë mirënjohës!

-Faleminderit zotëri, i tha shefi i protokollit. Paskeni një kujtim të bukur dhe më bëhet mirë që keni gjetur kohë të vini në ceremoni. Por kaloni nga krahu tjetër se ky është vend për kryeministra.

-Më vjen keq, po unë jam kryeministër, tha Doktori.

Shefi i protokollit hapi sytë.

-A mund të ma përsërisni zotëri, i tha, kur e keni takuar zonjën Theçer?

-E kam takue 21 vite më parë, i tha Doktori. Isha president atëherë. Tani jam kryeministër.

Shefi i protokollit u mëdysh sërish. Thirri dikë afër nga stafi politik dhe e pyeti se çfarë regjimi ka Shqipëria, diktaturë apo demokraci. Ai tjetri lëvizi dorën në një mënyrë që kuptonte diçka të përzier. Shefi i protokollit u kthye prapë nga Doktori.

-Më falni zotëri, po ndonjë  personalitet tjetër britanik keni takuar?

-Po, kam takuar zotin Mejxher,  zonjën Bler, zotin Kameron…

Shefi i protokollit tundi kokën në shenjë miratimi.

-E kuptova, tha. Po përpiqem të gjej një vend të veçantë, pasi këtu nuk ka asnjë kryeministër apo president që të ketë 21 vite në pushtet. Qenkeni vërtet i veçantë. Zonja Theçer në fakt ka plot miq të çuditshëm… Besoj i patë sot punëtorët që protestonin duke u gëzuar për vdekjen e aj.

-I pashë zotëri. Kishin dhunue bulevardin kryesor të Londrës. Kjo ashtë e papranueshme. Unë e di që ky vend nuk ka Kushtetutë, por një rregullore bulevardi mund ta kishit bërë. Ajo ishte Zonjë e Hekurt. Nuk mund ta përdhosë njeri kujtimin e saj.

-E besoj zotëri, i tha shefi. E hekurt ishte dhe 11 vite qëndroi në pushtet. Ju paskeni 22 vite dhe qenkeni shumë modest. Më thoni si quheni se po më dukeni shumë interesant.

-Sali Berisha jam, i tha Doktori.

-Sali Berisha, tha i çuditur shefi i protokollit. Po si ia bëni që nuk ikni kurrë nga pushteti kaq gjatë…?

-Iki, po më dhimbset vendi se sa herë iki, bëhen trazira, shpërthen lufta. Nuk du me i ba keq vendit tim, ndaj preferoj me qëndru në pushtet. Këta evropianët që kanë mbetur në pushtet janë ca kalamaj të keq, që i kam bezdi dhe t’i dëgjoj. Erdha të sigurohem që Zonja e Hekurt ka vdekur. Vetëm njerëz të tillë kisha frikë sa ishin gjallë. Këta që kanë mbetur, janë kot.

Debate në grupin e PD për komisionerin e LSI-së

21:12 Antena

Lulet e çelura të Lulzim Bashës

19:50 Antena

Flamuri fillon përgjimin e Fahros dhe Lulit

19:30 Antena

Flamuri merr urimet e para për debatin televiziv

11:37 Antena

PD kërkon drejtorin e UNESCO-s pas ikjes së LSI

22:43 Antena

Debati në Kuvend për rezolutën çame

21:31 Antena

Doktori sulmon Fevzon nga Shijaku

21:39 Antena

Kunati i Lulit sqaron Tit Vasilin për shkarkimet

20:58 Antena

Një mëngjes pune me Tit Vasilin në Pazar të Ri

19:29 Antena

Grupi i punës LSI– PS diskuton për ndarjet e zonave

21:54 Antena