Nari me Fahron ngrenë grup pune për historikun e Klanit të Zemunit

Nari me Fahron vendosën dje të takohen për të sqaruar disa pika se si do të reflektojë PD ndaj historisë së Klanit të Zemunit. Meqë Fahro ka qenë më i avancuar në këto akuza, mori përsipër të angazhohej në këtë histori.

Për këtë u la një drekë e madhe në një restorant me disa personalitete të koalicionit qeveritar.

Kërkesa e parë e Narit ishte që të fshihej nga faqet online të PD-së termi ‘Klan i Zemunit’. Por meqë shumica e akuzave ka mbetur në letër, ky problem ishte serioz. Atëherë u vendos që të mos përmendet më ky term gjatë fushatës.

-Unë them, tha Fahro, që edhe nëse e përmend dikush, të thuhet që e kemi pasë fjalën për Vangjush Dakon.

Kaq deshi Nari dhe shpërtheu. Gjithë tryeza filloi të diskutojë se si të bëjnë Vangjush Dakon, Klan të Zemunit.

Fahro filloi t’i numërojë gjithë pallatet buzë detit, duke ia veshur Dakos.

-Kadalë, kadalë ti, i tha Dash Shehi, se ato pallate i kanë bo këta tani, mos na bo qorra ti. Kta kanë qonë të parët e Durrësit, kta i kan bo. Ene ti mos bo si luftëtar se asnjë fjalë s’ke thonë më parë për Gjushin, i tha Fahros.

-Po unë e bëra copë atë, po më thirri një miku im, kam ca detyrime ndaj tij, më dha ca lek për gazetën dhe nuk i rashë më në qafë.

-Le se aty u tregove legen, i tha Nari, por tani duhet të bëjmë një plan t’i bim ktij Gjushit. Ta quajmë atë Klan të Zemunit.

-Dakord, tha Fahro. Mblidhem unë, Fania, Sandri, na jepni lekët, bëjmë shkrimet dhe i bimë. Ça ka?

-E dyta, tha Nari, duhet me shmangë këtë historinë e ngjalës, se sa herë e përmend ky Doktori atë, më shajnë njerëzit në telefon.

-Po ça të themi për ngjalën, tha Fahro. Kujt t’ia ngecim që e ka bë?

-Unë them t’ia ngecim Mero Bazes, tha Nari, themi që i dha Meta 15 mijë euro dhe një kostum se e hanë njerëzit.

-Shumë mirë, tha Fahro. E qëndis unë këtë. Iku dhe kjo pikë. Ça akuze tjetër u ka bë Doktori?

-Ka bo plot mo burrë, me të vrara me të vjedhura, po ato s’ka gjë se na rrisin emrin tani në fushatë. Këto i kisha pak merak.

-Mirë, tha Faro. Po ju ngase do hiqni dorë që t’i them Doktorit. Ça t’i premtoj?

-Nga unë keni Bleonën, tha Nari. Tjetër s’kam ç’u jap.

-Eh mor çuna, si shkoi kjo punë, tha Dashi, që ishte bo vrer nga biseda. Këto gratë e shkreta në PD e kanë nis karrierën me dy gishta lart dhe po e përfundojnë me dy këmbët lart, këto gocat e reja e kanë nisë me këmbët lart e po e përfundojnë me dy gishta lart.

Plasi një e qeshur e madhe dhe u duk sikur u vendos paqja.

Jozi retushon fjalimin nga frika e Sandrit

21:17 Antena

Kunati ngatërrohet me Lulin për çelësat e dyerve të ndërruara

21:07 Antena

Kozi dhe Jari i Presidencës, në hall për pensionin

21:03 Antena

Doktori publikon në RD 6 pikat ku do hetojë Komisioni i Veshit

21:06 Antena

Incidenti mes Flamurit dhe Lefterit për Doktorin

21:01 Antena

Letra e plotë e komunistëve drejtuar Doktorit

20:54 Antena

Ed Ha Lim dhe Ba Ka Dill, hartojnë akuzën për tërheqje veshi

20:41 Antena

Ed Ha Lim nis punën nga komisioni hetimor

20:21 Antena

Aldo në siklet me ambasadën në Vjenë

19:27 Antena

Flamuri zgjidh enigmën e gjethes 5 mijë eurosh

21:21 Antena