Auron Tare:Ekspozita "Thesaret e Trashëgimisë Kulturore Shqiptare" në Itali u ka kushtuar shqipëtarëve 160 mijë euro

Ekspozita “Thesaret e Trashëgimisë Kulturore Shqiptare”, çelur në sallën “Vittorianon” të Romës, me rastin e 100-vjetorit të Pavarësisë së Shqipërisë u ka kushtuar taksapaguesve shqiptarë plot 160 mijë euro. Kësaj shume i shtohen edhe shpenzime të tjera, deri më tani të panjohura me detaje, të paguara nga Ministria e Turizmit dhe Kulturës së Shqipërisë.

“Sigurisht që promovimi i vlerave të trashëgimisë kulturore shqiptare është një nga detyrat parësore të Ministrisë së Kulturës. Ekspozimi i thesareve të kulturës sonë në një qendër të kulturës botërore si Roma është një ngjarje e shënuar. Megjithatë, a kemi luksin ne, kur monumentet tona të trashëgimisë janë drejt rrënimit total, të harxhojmë shuma të tilla?”,nënvizon Auron Tare.

Ai sjell në vëmendje për opinionin publik, debatin mbi shkatërrimin e afreskeve të Onufrit.

“Ish-ministri i Kulturës, Z. Bumçi pranoi publikisht se ministria që ai drejtonte nuk kishte asnjë fond për të paguar pagat modeste të ish-rojtarëve të dikurshëm të monumenteve. E ndërkohë që ky debat bëhej publik dhe ministria pranonte pamundësinë e saj në mbrojtjen e trashëgimisë, Bumçi paguante një firmë private italiane për qiranë e sallës dhe organizimin e këtij evenimenti”, thekson  për “GSH”-në deputeti i PS-së, njëherazi specialist i trashëgimisë.

Duke i’u referuar dokumentit ai pohon se ,“140 mijë euro janë paguar nga MTKRS-ja për sallën e ekspozitës, ndërsa kësaj shume i duhen shtuar edhe 20 mijë euro siguracione. Këtu nuk janë përfshirë shpenzimet që zyrtarë të lartë të kësaj ministrie kanë bërë, si udhëtime drejt Italisë, etj”, shprehet Tare, duke shtuar se të gjitha këto janë të barazvlefshme me restaurimet e një sërë kishash, sajtesh arkeologjike ose e thënë ndryshe, mund të ishte paga disavjeçare e sistemit të rojtarëve të monumenteve, sistem i cili u hoq në vitin 2006..

Ai nënvizon se, thesaret e kulturës shqiptare mund të ekspozohen në çdo muze të rëndësishëm botëror pa asnjë pagesë, duke përfituar nga marrëveshjet ndërshtetërore ose duke gjetur mundësi të tilla, falë bisedimeve me muze private që do të krijonin kushte ekspozimi falas.

“Fundi i fundit, kjo duhej të ishte edhe zotësia e atyre që menaxhojnë kulturën shqiptare. Gjithashtu, përfshirja e ish-ambasadorit Llesh Kola në hapjen e kësaj ekspozite duhej të bënte të mundur që në emër të shtetit shqiptar të krijonte kushte që salla e ekspozitës të mos u kushtonte asgjë taksapaguesve tanë”, deklaron Tare.

Nga ana tjetër, deputeti i PS-së vëren se pagesa prej 160 mijë eurosh që ka bërë MTKRS-ja, çka provohet edhe nga faturat përkatëse, hedh dyshime të forta mbi qëllimin e vërtetë të këtyre pagesave në emër të kompanive private italiane./A.Xh

Dibër,Muzeu i Kastriotëve, vendi ku objektet humbasin pa u vënë re

10:11 Kulturë

Shpella 3000-vjeçare e Himarës kryebashkiaku:Ministria ka dhënë leje për të ndërtuar një restorant brenda shpellës

09:25 Kulturë

Shpella e Himarës në rrezik, fadromat marrin masive gurësh pranë saj

16:03 Kulturë

Lasgush Poradeci: Miqësia me gazetaren ruse

12:32 Kulturë

Aleanca LGBT, ekspozitë objektesh në Muzeun Historik Kombëtar

10:07 Kulturë

TV Alpo në Gjirokastër, një viktimë e represionit shtetëror mbi medien

18:57 Kulturë

60 vjet Deutsche Welle, historia e transformimit nga radio në një kompani multimediale

18:47 Kulturë

Zbulohet grafika kundër coptimit , Shqipëria si një vajzë e bukur lufton kundër një leopardi, një majmuni dhe një gjarpri

10:56 Kulturë

Ndërtohet muzeu i diktaturës në Shkodër, por nuk ka objekte dhe dokumente

09:54 Kulturë

Fotografi dhe dokumenta të krimeve në botimin "Terrori Komunist në Shqipëri"

09:46 Kulturë