Muli çel fushatën në katund të vet

Doktori shkoi në Kukës për të çelur fushatën elektorale. Meqë Flamuri është deputeti kryesor i Kukësit, Doktori e kishte ndarë mendjen të përuronte rrugën Kukës- Shishtavec, që të çon tek fshati i Flamurit. I bindur që kjo do t’i jepte pikë Flamurit, sapo mbërriti në Kukës, i tha Flamurit të niseshin të përuronin rrugën.

-Kemi një problem, i tha Flamuri. E kemi përuruar më 2009 fillimin e rrugës, por s’kemi ecur. Ajo është 40 km, ne kemi bërë 3 km. Duhet të gjejmë një zgjidhje.

-Më thuaj ç’të bëjmë, tha Doktori, se unë ua kam premtu atë rrugë. Ajo lidh gjithë zonën me Kosovën…

-Kam një plan, i tha Flamuri. Meqë rruga nga Kukësi në Shishtavec është e gjatë dhe nuk e bëmë dot për katër vjet, kam një propozim, të bëjmë rrugën nga Shishtaveci në kufi me Kosovën që është 2 km dhe quhet që e lidhëm Shishtavecin me Kosovën. Njerëzit që duan të vijnë në Kukës, të futen në Kosovë dhe pastaj të dalin nga Morina.

-Ide e shkëlqyeme, tha Doktori, por kam frikë se mos e marrin vesh që kemi dështuar me rrugën që nis nga Kukësi?

-Nuk e ka marrë vesh njeri, tha Flamuri, se nuk kap TVSH aty. Shikojnë veç kanale të Kosovës.

Ashtu u bë. Flamuri shkoi në Shishtavec, përgatiti shpejt e shpejt ceremoninë e inaugurimit dhe përuroi rrugën që të çon nga fshati i vet tek kufiri me Kosovën. Matanë kufirit janë fshatrat e goranëve.

Flamurin në fshat e njohin me emrin Feim që nga fëmijëria. Sapo e panë që erdhi në fshat, u mblodhën rreth tij.

-Çka është bre një Flamur aty në Tiranë që ka hapë llaf se është nga katundi jonë, i thanë Feimit.

-Lëreni atë se s’ka gjë në dorë, tha Flamuri. Unë jam mik me atë burrin dhe do t’u ndihmoj. Do lidhim fshatin me Kosovën.

-Ça po na duhet kjo rrugë o Feimi tha një fshatar. Patatet tona nuk i shesim dot në Dragash se ata kanë më shumë se na. Lakra më shumë se na. Speca më shumë se na.

-Nuk ka rëndësi, tha Flamuri. Të vijnë ata të shesin këtej.

-Jo bre, ktu nuk shesin gja, se ne shkojmë ua vjedhim pa lek.

-Po na duhen për votime, i tha Muli. Zona është braktisur. Këtu janë të regjistruar 5 mijë votues dhe nuk ka asnjë njeri. Më 23 qershor do sjellim njerëzit nga Kosova të votojnë për listat. E kanë kollaj, nuk i shikon njeri nga hyjnë e nga dalin.

-Qysh bre Flamur, dhe një herë në katër vjet që presim me marrë ndonjë lek, do t’ua jepni goranëve. Na i jepni ne lekët dhe i mbushim krejt kutitë, s’ka problem. Se ata nuk dinë kë me votu se s’dinë shqip.

-S’ka problem, do t’i udhëzojmë që të votojnë tek sigla e PD. Kush nuk është dakord, të na vërë kryq, kush është dakord, të na vërë rreth, tha Flamuri.

-E kuptova, tha fshatari, d.m.th ju ose duheni vrarë, ose duhet me ju varë në litar.

Flamuri u hutua shumë nga përgjigjja dhe mori në telefon Doktorin.

-Jam këtu në fshat, tha, ka një problem. Këta e dinë se duke rrethu votën tonë, duan me na varë, e po qe se i vënë kryq, duhet me na vra. A të dërgojmë Ponin t’ua shpjegojë si është puna?

-Flamur, po me ua shpjegu si është puna se përse na duhet kryqi apo rrethi, na vrasin vërtet. Lere se mirë janë ashtu.

Dita e parë e Kaçit në PD

22:31 Antena

Fevzo shpjegon suksesin e librit të tij në botë

22:25 Antena

Disa pyetje të Komisionit të Veshit nga Ba Ka Dill

22:13 Antena

Kaçi ngatërrohet me protestuesit e Mulit tek pallati

21:59 Antena

Nari me Fahron ngrenë grup pune për historikun e Klanit të Zemunit

21:20 Antena

Jozi retushon fjalimin nga frika e Sandrit

21:17 Antena

Kunati ngatërrohet me Lulin për çelësat e dyerve të ndërruara

21:07 Antena

Kozi dhe Jari i Presidencës, në hall për pensionin

21:03 Antena

Doktori publikon në RD 6 pikat ku do hetojë Komisioni i Veshit

21:06 Antena

Incidenti mes Flamurit dhe Lefterit për Doktorin

21:01 Antena