Flamuri ngatërrohet me posterat e Hidrocentralit të Devollit

Doktori i kërkoi Flamurit të përgatiste urgjent dekorin se do përuronin fillimin e punimeve në Hidrocentralin e Devollit. Flamuri u zu ngushtë pasi Doktori e ka inauguruar 5 herë këtë hidrocentralin. Por për të mos ia prishur, hyri në magazinën e PD të gjente dekorin.

Pyeti rojën se ku i kishte lënë ato dekoret e Hidrocentralit të Devollit dhe ai i tregoi qoshen.

Flamuri kapi me dorë dekorin e parë. Në sfond shkruhej EVN, Stratkraft dhe Doktori me një shirit dhe gërshërë në dorë.

-Kjo nuk bën, tha Flamuri, se EVN tani ka ikur. Nuk u mor vesh me Gitën për ato pagesat dhe u zemëruan. Le që thonë kanë humbur dhe 20 milion dollarë.

Kapi tabelën e dytë. Ishte prapë dhe EVN, por në sfond ishte Dritan Prifti.

-Ah, qenka bë kur ishte ky ministër, tha.

Lexoi poshtë përshkrimin dhe thuhej “Përurimi i Kaskadës së Devollit”. E hoqi dhe këtë mënjanë. Kjo i binte të ishte ceremoni e vitit 2010. Prifti dukej shumë miqësor me Doktorin dhe Doktori shumë miqësor me EVN.

Kapi tabelën e tretë. Në sfond ishte Doktori me Ilir Metën. Ju drodh tabela në dorë. Dukeshin të dashur. Prapë ishte EVN në sfond. U kujtua. Ishte koha kur hezitonin t’i paguanin Jamarbërit lekët e studimit të mjedisit. Këtu mori tatëpjetë dhe puna. Nuk ia paguan dhe u prishën me atë burrin. Meta s’dinte gjë fare.

-Ky merrej me ata HEC-et e vegjël, tha Flamuri me vete. Pa legjendën poshtë: “Përurimi i mbarimit të studimit të mjedisit të Kaskadës së Devollit”.

E hoqi dhe atë mënjanë.

-Le se kujtohet Jamarbëri dhe xhindoset, tha.

Kapi tabelën tjetër. Në foto ishte Doktori me Haxhinaston. S’kish më tabelë EVN. Ishin vetëm norvegjezët.

-Këta janë rehat, tha Flamuri. Nuk mërziten. Legjenda poshtë thoshte: “Banja i shtohet Kaskadës së Devollit. Berisha përuron punimet”.

-As këtë s’e përdor dot, tha. Ku më doli ky Haxhinasto këtu. Ky sa për të prishur punë ishte se as për lek s’merrte vesh.

I bezdisur që nuk përdorte dot asnjë nga fotot e vjetra, thirri me urgjencë Visin e dizajnit.

-Merr një nga pamjet e këtij burrit në Devoll, tha, dhe më bë një baner të madh.

-Çfarë të shkruaj poshtë, tha Visi.

-Çfarë të shkruash, çfarë të shkruash…? Prit! Shiko… Jo. përurimin e kemi bërë një herë, edhe studimin e mjedisit… e kemi bë, dhe fizibilitetin e kemi bë…, dhe bashkimin me Banjën e kemi bë… Shiko…! Prit, e gjeta. Shkruaje: “Përurimi i fillimit të punimeve të rrugës që të çon tek hidrocentrali”. Kështu nuk na kapin dot, i tha Flamuri.

-Në rregull, i tha Visi. Vetëm Doktorin të lë në foto?

-Vetëm Doktorin vallai se do na duhet prapë dhe këta të tjerët sa na prishin foton se tradhtojnë dhe ikin shpejt.

-Po të lë Olldashin të paktën, tha Visi.

-Jo se ai dhe po nuk tradhtoi, nuk e bëjmë më ministër! Kam folë unë me atë burrin.

-E po mirë po lë vetëm Doktorin, tha Visi, me Gitën dhe Jamarbërin.

-Jo se duket sikur e kanë pronë private, tha Muli. Lëre vetëm, ça halli ke?

-Po ta lë me këtë norvegjezin të paktën, tha Visi, që mos të duket sikur është vetëm Doktori pronar.

-Lëre mo burrë, ku e dimë ne si është puna, tha Flamuri. Lëre vetëm se e di vetë ai i kujt është.

Muli çel fushatën në katund të vet

21:12 Antena

Dita e parë e Kaçit në PD

22:31 Antena

Fevzo shpjegon suksesin e librit të tij në botë

22:25 Antena

Disa pyetje të Komisionit të Veshit nga Ba Ka Dill

22:13 Antena

Kaçi ngatërrohet me protestuesit e Mulit tek pallati

21:59 Antena

Nari me Fahron ngrenë grup pune për historikun e Klanit të Zemunit

21:20 Antena

Jozi retushon fjalimin nga frika e Sandrit

21:17 Antena

Kunati ngatërrohet me Lulin për çelësat e dyerve të ndërruara

21:07 Antena

Kozi dhe Jari i Presidencës, në hall për pensionin

21:03 Antena

Doktori publikon në RD 6 pikat ku do hetojë Komisioni i Veshit

21:06 Antena