Te fundit
Shënime nga Ditari i Doktorit: Kush na tradhtoi?
10 Shtator 2013, 20:46Antena
TEMA
Sot ishte një ditë e rëndë në parlament. Edhe pse duhet të shkoja formalisht për të respektuar Kushtetutën, atmosfera ishte shumë e rëndë. Qeveria e krimit dhe drogës, drejtuar nga Piktori, kishte nisur emrat e ministrave në Presidencë, ndërsa ne do të votonim për të zgjedhur kryetarin e Kuvendit.
Jozefina ishte në siklet.
-Kam 16 vite që rri përballë sallës, më tha, nuk e kuptoj se si mund të rri në sallë tani.
-Ke të drejtë, i thashë. Dhe unë kam tetë vite që flas nga podiumi, tani duhet të shikoj Piktorin përballë. Por do t’i përmbysim shpejt, mos u mërzit.
Edi Paloka po vinte vërdallë i shqetësuar dhe numëronte votat. Konsultohej me grupin dhe të gjithë e siguruan se do të votonin kundër.
Filloi votimi. U votua dhe Ilir Meta, mori gjithsej për 91 vota.
Hodha sytë nga Fatmiri. Ai ngriti supet.
-Nuk e di Doktor, këta të mitë votuan kundër, tha.
Hodha sytë nga Shpëtim Idrizi. Dhe ai ngriti supet.
-Nuk e di, tha, këta të mitë votuan kundër.
Pashë nga Nard Ndoka. Dhe ai ngriti supet.
-Kur vota është e fshehtë, më tha, nuk e kupton dot për kë ke votuar.
Atëherë thirra Palokën.
-Çfarë ka ndodhur, i thashë.
-Nuk e di, tha, këta armiqtë do kenë votuar pro Metës.
-Nuk ka mundësi, tha Jozefina. Olldashi dhe tanë grupi i tij më shumë urrejnë Metën se Ramën. Veç grupi i Lulit po ka votu pro tij.
-Tharë thua, tha Paloka. I bie të kem votuar dhe unë Metën?
-Për ty nuk e di, por shokët e Lulit duhet me i kontrollu, tha Jozefina.
Kishte të drejtë në fakt. Luli e kishte shumë mik Metën dhe shumë njerëz të tij mund ta kenë votuar. Por ishin shumë. Kështu i bie që grupi ynë nga 44 vetë të katandiset në 36 vetë. Sa ç’kam pasur në vitin 1991. Duhet me e nisë dhe një herë nga e para.
Shikoja fytyrën e Palokës. Ishte hutuar dhe numëronte me gishta.
Thirra Lulin në telefon.
-Shiko, këta plehrat e tu më duket se kanë votuar Metën, i thashë.
-Në asnjë mënyrë Doktor, tha. Tani ke për të parë çdo t’i bëj Metës, do bëj deklaratë për shtyp.
-Çfarë do t’i thuash, e pyeta.
-Do t’i them mbaj ato premtime që the, ndryshe ke punë me mua.
-Luli, dëgjo, i thashë, shiko, mos e ba atë deklaratë, se kam frikë se ka me të përshëndetë Meta publikisht. Lëre fare. E bëj vetë.
U mërzita shumë në fakt. Po mendoja dhe një herë gjerë e gjatë kush na kish tradhtue. Mediu jo, Idrizi jo, kush dreqin ka shitë shpirtin tek Ilir Meta? M’u kujtua Fahriu. Kohët e fundit po rri shumë me Pollon, Imamin dhe të tjerë. Ai do m’i ketë kthyer, mendova.
E thirra dhe një herë Palokën.
-Kjo ishte prova jote e parë, i thashë. Po u përsërit më ky rezultat tetë me zero, nuk ke për të qenë më kryetar grupi.
-Po pthe Doktor, thfarë të bëj unë. Mirë e tha Nard Ndoka. Po të jetë vota e fshehtë, thke ku ta marrësh vesh si votojnë. Kur të bëhet votimi i hapur, ke për të parë.
Më bezdisi prania e tij dhe ja bëra me dorë të ikte. Edhe Jozefina ishte pikëlluar në fytyrë.
-Kena ngelë në dorë të Edave Doktor, më tha. Edi Rama kryeministër, Edi ynë kryeopozitar. Ters ky, po skena ç’bëjmë.
-Asgjë nuk na ndal në rrugën tonë të fitores, i thashë. Përpara!
14 komente në “Shënime nga Ditari i Doktorit: Kush na tradhtoi?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
votimi i dyte i parlamentit duhet te behet per ti hequr imunitetin e vrasesit sali Berisha , per 4 viktimat e 21 janarit .
Nuk Hyn ne pune imuniteti tani duhet vetem vullneti.. Neqofese ky ekziston te gjithe te corruptuarit do te shkojne ne burg. PERPARA
Po Ilir Meta e Edi Rama a do shkojne ne burg? Se as ata nuk jane te paster fare sa i perket korrupsionit.
po bej vetem disa korigjime te gabimeve ortografike
ishte-Po të jetë vota e fshehtë, thke ku ta marrësh vesh si votojnë. Kur të bëhet votimi i hapur, ke për të parë.
duhet-Po të jetë vota e fthehtë, thke ku ta marrëth veth thi votojnë. Kur të bëhet votimi i hapur, ke për të parë.
Nuk eshte gabim ortografik por, Edi Paloka eshte thuthuq. Duhej t’a shprehte sic thua ti Fllad por ne kete Fejton (stili i kesaj rubrike) dialogu eshte i sakte ne llojin e tij. E imagjinoj te vertet kete dialog……shume e bukur Antena sot.
andi
ky flladi ka shtuar th qe duheshin nuk mendoj se ka gabuar
Ketu ka tradheti burra…memecit i erdhi goja.
( E pashkruar ne Ditar):
Por Zhozefina ishte jo vetem e pikelluar por edhe e lodhur…
Ka te drejte,kemi bere pune titanike!!!…
Mirepo me habiti pa mase pergjigja e saj:
– Doktor,ne politike duhet edhe pak dredhi…
Ju na thoni shpesh “Perpara”,por…
Pse te mos e provojme nganjehere edhe mbrapa???!!!
Po vras mendjen se cfare deshi te thoshte…
Mos valle Zhozi ka shkruar mbrapa ndonje liste personat e dyshimte qe mund te na tradhetojne???!!!
Nuk eshte cudi qe kjo pune te jete e fryteshme,por nuk e pyeta per hollesira,qe te mos dukesha me idiot se ajo…
Ama,atje me rri mendja gjithe diten…
Se edhe Lipe Shtogut kur u kthy fleta mbrapa iu zbulu emri…
Do ta gjejme,nuk ka ku te futet!!!
S`e ka keq Zhozi:”Edhe mbrapa nganjehere”!!!…
Memedhetari,vazhdo se ke talent.
Memedhetar, mos Xhozi e ka patur fjalen per… larg qofte… ate pune nga mbrapa. Ku i dihet se me c’nentekst e ka thene dhe Deputeti ka te drejte te bjere ne hall.
“Pashë nga Nard Ndoka. Dhe ai ngriti supet.
-Kur vota është e fshehtë, më tha, nuk e kupton dot për kë ke votuar.” hahahahahahaahahah…Nardi eshte gjithmone vetvetja
Ja dhe kripa:
Pashë nga Nard Ndoka. Dhe ai ngriti supet.
-Kur vota është e fshehtë, më tha, nuk e kupton dot për kë ke votuar
Nard Ndoka “opozitar”.
More mos ka votuar pro edhe paloqja?