Te fundit
Filli i anijeve skrap dhe lëmshi i plehrave
30 Shtator 2013, 22:06Blog
TEMA
Nga Lavdosh Ferruni
Anijet skrap, të ankoruara në bregdetin shqiptar prej ditësh- pa u shqetësuar dhe në mënyrë krejt të jashtëligjshme, duhet të kthehen nga kanë ardhur.
Qeveria e re e ka zënë kështu fillin, që duhet ta tërheqë deri në fund për ta ç’pështjellë lëmshin e plehrave pleksur keqazi. Mbërritja në portin më të madh në vend e anijeve skrap, me apo pa dokumente, por me destinacion fare të qartë, është qartësisht skandal.
Me këtë lloj skandali u provua që vendimi prioritar i qeverisë Rama për t’i thënë stop importit të plehrave me ligj, e meriton prioritetin që ju dha.
Duhet theksuar se edhe në listën e importit të mbetjeve, të quajtur të gjelbër, miratuar nga qeveria Berisha e që është në fuqi akoma, nuk lejohet importi i anijeve për skrap, që zakonisht mbartin dhe një ndotje të rrezikshme me azbest. Atëherë lindin një sërë pyetjesh? A ka një kontratë për këtë biznes të jashtëligjshëm? Nëse ka, kush janë palët? Kush janë dërguesit e kush janë pritësit? Kush janë kontrolluesit në det e në tokë? A mjafton shkarkimi nga puna i një apo disa personave? Janë shumë njerëz që janë në shkelje të ligjit.
Një pyetje që natyrshëm i lind çdokujt është: mirë që u panë dhe u zunë 2 anije që erdhën kontrabandë në bregun shqiptar (ka të dhëna që shumë anije mbyten qëllimshëm në Adriatik), po plehrat që vijnë me qindra- mijëra tonelata nga të katër anët në Shqipëri, me anije, me trena, me maune, a kanë sasi kontrabandë brenda tyre (kupto lëndë të rrezikshme e shumë të rrezikshme)? Duke ditur që çdo vend ka leverdi t’i riciklojë vetë mbetjet e veta, atraksioni për të udhëtuar qindra e mijëra kilometra nga Ukraina, Serbia, Italia, Spanja etj, drejt Shqipërisë, është varrosja në Shqipëri e tyre dhe në këtë udhëtim kanë fituar vetëm “specialistët” e varrosjes së plehrave.
Kështu ka ndodhur vitet e fundit, por historisë së varrosjes së importit të plehrave në Shqipëri gjithashtu i erdhi fundi.
5 komente në “Filli i anijeve skrap dhe lëmshi i plehrave”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pyesni kapitenerine e Durresit dhe njerezit e “afte” ne Administraten Detare se cfare kritresh duhet te plotesohen per te lejuar nje anije per skrap. Vetem processi i pastimit me kimikate te depove te naftes eshte shume i komplikuar dhe e patolerueshme. Mos te flasim per ndotjen nga tymi i azbestove qe pe anijet e vjetra jane shume te rrezikshme per ambjentin. Ne Durres eshte bere nje kasapane nga njerez te Admnistrates qe per Leke dhe PD kane leshuar leje pa kriter. Ne plazhin e Durresit eshte copetuar nje anije duke lene copa pjese fundore te anijes ne buze te bregut dhe asnje mase nuk u more nga Kapiteneria, gjithashtu prokuroria nuk ndermori asnje hetim. Te marresh per bazen ligjet qe ka miratuar qeveria e Sali Berisha ne kuader te ndryshimit te ligjit me ate ne EU, a gjithe administrata Detare perfundon pas hekurave per shkelje te ligjit.
Jemi nje vend qe na ka dhuruar fati te kemi detin afer dhe nuk e ruajme dhe ta perdorim si duhet. Vendet e fuqishme e soteshme i kane filluar zhvillimet e para te tyre me syte nga deti dhe sot deti eshte nje nga burimet e tyre kryesore ekonomike. Shkollat tone nuk kane asnje program dinjitoz per te nxjere te dipllomuar qe ta shofin detin si jeten e tyre dhe te bazojne te ardhmen profesionale dhe shkencore tek burimet ujore qe kemi. Me harrova ketu qe jemi te dytet pas Gjermanise.
e dime jemi te dytet ne europe mbas GJERMANISE
Riparohini dhe shitini,” gjith bota e ben kete, krijoni kushte per shoqerit qe duan te investojne..
Jane tejet te amortizuara dhe teknologjia e re nuk bashkeperputhet me keto mjete. Ne raste te tilla investuesit nuk jane te interesuar per te investuar kur ne treg suskesi eshte me pikepyetje te madhe.
Sa pak komente, gje qe tregon so te interesuar jem per detin dhe te mirat e tij. Kjo teme te ishte ne Greqi, italy , spanje, kroaci do mbyteshin me komente gazetat. Gjate luftes midis Kroacise dhe Serbise nje nga interesat kryesore te luftes ishte territori me dalje ne det. Shikoni harten e Kroacise se si e ka izoluar Bosnjen dhe Serbine. Shikoni Sllovenine se do pak por ka bere cmose qe te siguroje nje port-qytet ne breg te Adriatikut. Shikoni perprlasjen historike midisi Greqise dhe Turqise per vijat bregdetare. Kurse ne kemi 611 KM vije bregdetare, (shyqyr qe doli i nderuari Z. Pasha qe ndaloje shitjen tek Greku) dhe kemi shume pak interes ndaj detit. Shqiperia eshte vetem 28.748 km2 (611 km x 47.05 km) dhe me kete vije bregdetare me ben shume pesimst interesimi i vaket. I bie qe me pak se nje person per cdo 1000km2 eshte i interesuar per detin ne Shqiperi. Mallkuar qofte Sali Berisha deri ne shtate breza.