Te fundit
Shënime nga Ditari i Doktorit: Debat për Zonjën e Parë në ditën e Nënë Terezës
19 Tetor 2013, 19:45Antena
TEMA
Sot është një ditë e shënueme, është dita e Nënë Terezës. Nënë Tereza është një figurë e madhe e historisë sonë, të cilën populli shqiptar e ka ikonë të përkushtimit, mirësisë, dhe besimit. Për këtë vendosa të bëj këtë deklaratë:
“Në shenjë respekti ndaj kësaj dite të madhe, kam vendosur të bëj dhe unë një gjest simbolik.
Sot në mëngjes thirra në zyrën time të re presidenten e fondacionit “Nënë Tereza” dhe i dhurova pikturën “La skutarina” të piktorit të shquar shqiptar, Lin Delia. Këtë pikturë, që e kam mbajtur për disa vite në zyrë, dhuruar nga Zonja e Parë e vendit në kohën që isha kryeministër, sot vendosa t’ia dhuroj fondacionit “Nënë Tereza”.
Kjo dhuratë është në kontrast të thellë me fytyrën harbute të qeverisë, e cila çdo sekondë, çdo minutë, çdo orë, çdo ditë dhe muaj që kalon, mendon vetëm e vetëm si ta vjedhë dhe ta plaçkitë këtë popull.
Pikturën, që e mbaja në zyrën time, ia dhurova në prani të familjes sime, të cilët ishin dëshmitarë të kësaj dhurate”.
Pasi bëra postimin, i pari më uroi Aldo.
-Doktor, e lexova deklaratën dhe u emocionova shumë, tha. Mes të tjerash mësova gjëra që nuk i dija. U gëzova shumë që ju disa vite më parë pavarësisht kontradiktave që keni pasur me Presidentin, keni ruajtur marrëdhënie korrekte me Zonjën e Parë dhe ajo ju paska dhuruar një pikturë të Lin Delisë. M’u bë qejfi, pasi kjo përgënjeshtron gjithë zërat dhe akuzat mbi ju dhe zonjën tuaj.
E falenderova me zemër Aldon. Si gjithnjë i sinqertë. I thashë se nuk bëhet fjalë për gruan e ish- Presidentit, por për Zonjën e Parë kur isha unë kryeministër, d.m.th për zonjën time.
-Është vendosur një rregull, i thashë, që nga koha e Fatos Nanos, që Zonja e Parë quhet gruaja e kryeministrit.
-Ah, nuk e dija, tha. Kjo qenka gjë e re. Atëherë gjithë akuzat bien krejtësisht. Ju e paskeni dhuratë nga Zonjë e Parë atë pikturë.
-Patjetër, i thashë, bile kam dëshmitarë mbesat dhe nipat kur ma ka dhuruar. Bile e ka vendosur me dorë të saj në zyrë.
-U gëzova shumë Doktor, tha. Ishim në siklet për këto akuza se duket dhe pak qesharake të kalojnë nga akuzat për miliarda në akuzat për piktura.
-Jo, i thashë, të siguroj që e kam dhuratë.
Aldo gëzua dhe mbylli telefonin.
Pas tij mori Ed Halimi.
-Ishte një deklaratë e mrekullueshme, tha. Nuk ma kishe thënë që e kishe dhuratë nga Zonja e Parë këtë pikturën. Kështu është e zgjidhur puna. Ua ua ka dhuruar Zonjë e Parë, asaj ia ka dhuruar trashëgimtari i Lin Delisë, ju ia keni dhuruar fondacionit “Nënë Tereza”. Bile këtu mund të shtosh që piktura do të rrijë në zyrën tuaj me kusht që të quhet pronë e fondacionit.
E falenderova shumë. Ishte zgjidhja më e mirë.
Pastaj mori Lili.
-E lexova deklaratën, tha, po m’u duk e nxituar.
-Duhet të dalim patjetër nga ky telash, i thashë. Ç’bëri fondacioni, ç’bëri zyra ime, njësoj është.
-Kam frikë, më tha, se mos ma merr fondacionin Zonja e Parë, se kështu e ka statuti, dhe na bën inventarin e pikturave. Se kështu i bëri ky popull këto punë shumë lëmsh. Ai që merr vesh nga pikturat, u bë kryeministër, ti që merrje vesh nga qeverisja, të lanë të merresh me pikturat. Popull injorant.
-E ke gabim, i thashë. Nuk kanë asnjëri të drejtë. Zonjë e Parë është zonjë e Nishanit, jo e kryeministrit. Kam bërë përjashtim unë dhe Nano se nuk mund të linim zonja të para gratë e presidentëve, por këta të tjerët nuk kanë asnjë të drejtë. Me ligj i takon zonjës Nishanit dhe ajo me dëshirë ta lë ty prapë vendin.
-Kështu po, tha Lili, se më ngriu gjakun Aldo. Më thoshte që ti për mua e para ke qenë gjithnjë, po nuk e dija që ishe Zonjë e Parë. Dhe u kujtova që ky vlerësim është i rrezikshëm tani.
-Asnjë rrezik nuk ka. Tani Zonjë e Parë quhet zonja Nishani. Nuk mund të lëmë zonjën e katërt të Edi Ramës të dalë zonjë e parë. Jo, disa rregulla do t’i vëmë ne. Ty të kanë dhuru një pikturë, ti ia ke dhuru kryeministrit, kryeministri ia dhuron fondacionit dhe kaq. Të tjerat s’kanë rëndësi. Nuk na e marrin dot fondacionin. Përpara!
4 komente në “Shënime nga Ditari i Doktorit: Debat për Zonjën e Parë në ditën e Nënë Terezës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zonja e Parë
Portret nga Lin Delija
?
http://goo.gl/fDPPzk
?
Ca ka dash me tregu zonja e Pare me kete minifund?!!
Yp xhixhi !!!!!!!!!! Për para
dergojani prokurorit ne rast se mendoni per veper penale. Z. dhalla me sa duket akoma e ka frike ish kryeministrin keshtu qe ai ndihet i sigurt panvarsisht se shqiperise i ka bere gropen per shume vite. ketu ne shba i drejtohen prokurorise dhe departamentit te drejtesise dhe menjehere nisin investigimet nga prokurori zones dhe ne rastet e vecanta dhe ai federal.