Ndahen çmimet e Tirana Film Festival

 Kryeministri, Edi Rama dhe kreu i Bashkisë, Lulzim Basha ishin të pranishëm në ceremoninë mbyllëse të Tirana International Film Festival (TIFF).

Një nga çmimet e “Tirana internacional Film Festival”  ai i “Luc Barnieru” lançua nga Kryeministri Edi Rama. Para se të jepte çmimin Rama vlerësoi figurën e personit emrin e të cilit mban ky çmim, një mik i tij themelues i festivalit dhe që tashmë nuk jeton më.

“Jam posaçërisht i emocionuar, sepse Luc Barnier, emrin e të cilit mban ky çmim, ishte një mik shumë i afërt, një mik zemre, i cili ka shumë miq në Shqipëri dhe ishte dhe një mik i mirë i Ilirit dhe Agronit, dy themeluesit e këtij festivali, që sot nuk jeton më. U nda nga jeta pas një beteje shumë të gjatë dhe të vështirë me një kancer të paepur, vitin e kaluar dhe menjëherë Iliri dhe Agroni menduan që të pagëzojnë një nga çmimet e festivalit me emrin e tij. Besoj që, në rast se filmat thonë të vërtetën, ai është duke na parë. Me siguri, aty ku është, është shumë i lumtur për këtë. 

Ishte një njeri që dha gjithçka mundi të jepte nga zemra e vet për të gjithë miqtë shqiptarë që njohu dhe që nuk mori asgjë në këmbim, përveç miqësisë, në emër të së cilës, besoj jepet ky çmim. Por nga ana tjetër, me siguri për një prej atyre që në sallën e errët të montazhit, në historinë e kinemasë franceze kanë lënë sot emrin e tyre. Me këtë rast dua që t’i falënderoj edhe Ilirin edhe Agronin, edhe pse Luc-un e kishim mik të përbashkët, por edhe t’i shpreh gjithë admirimin tim për rritjen e këtij festivali. E kemi nisur bashkë dhe sot mund të thuhen me plot kuptim fjalët që Luc-u kishte shumë qejf t’i përsëriste: “Rruga është e gjatë, zemrën peshë!” -u shpreh Kryeministri Rama.

Ai i dha çmimin filmit “Humus” të autorit francez Frederik La Bond .

“Këtë çmim e mer filmi “Humus” i autorit Frederik La Bond autor francez për realizim me ritëm të ngjeshur dhe theks muzikal. I takon Ambasadores të mari dhe një çmim tjetër sot në emër të autorit të munguar. Është virtyt i festivalit që të mungojnë autorët, të ngatërrohen letrat dhe kjo i jep dhe një sens artistik,  një festivali që bëhet pa shumë para, por me shumë zemër“”-u shpreh Rama.

Çmimi u tërhoq nga Ambasadorja Franceze Kristin Monro. Ajo falënderoi organizatorët e festivalit për vlerësimin e dy artistëve francezë. Monro rikujtoi se kjo vjen në emër të miqësisë që ekziston mes Shqipërisë dhe Francës, artistëve francezë me ata shqiptarë.

Çmimet e tjera, ishin ai i medias, ku e fituan dy filmat: “Generator dhe Demokracia”. Minstrja e Kulturës, Mirela Kumbaro Furxhi ndau çmimin e filmit më të mirë, i cili u fitua nga Julim Sula me filmin “Unë deti, shiu dhe…”

Aktorja më e mirë u përzgjodh Sabina Limani, ndërsa Endri Keko fitoi çmimin e karrierës pas vdekjes, çmim që iu dorëzua të birit të tij, Ilir Keko.
Afrim Spahiu nga Kosova fitoi çmimin e fotografisë.

Petrit Ruka cmimin "Kult" per dokumentarin e Himnit te Flamurit

19:05 Kulturë

Ndoj: Nga Arkivi i Shtetit janë zhdukur dosjet e pronave dhe ditari i klerikut

09:21 Kulturë

Forumi për Mbrojtjen e Trashëgimisë Kulturore, propozime konkrete për qeverinë

20:43 Kulturë

Trashëgimia, a është vërtetë një strukturë kaq e ngatërruar?!

20:02 Kulturë

Hapet sot ekspozita "Udhëtimi" e piktorit George (Gjergj) Pali

12:45 Kulturë

Braçe: Ciko ka kontribut, por të hapë rrugën për të rinjtë. S’jam dakord me emërimin tek Arkiva e Shtetit

10:55 Kulturë

"Shtatë" shfaqja teatrale ku do të aktrojnë ministret Kodheli dhe Gjosha

10:55 Kulturë

Sajmir Pirgu sfidon nga skena: Shkarkimi i Zhani Cikos, turp

09:31 Kulturë

Nevila Nika: Gjendja në Arkiv si më 1952, kur në krye u vendos një oficer. U "burgosa" politikisht

10:14 Kulturë

Kreu i Arkivit të Shtetit, Ndoj: Ja punët e mia shkencore

10:00 Kulturë