Shënime nga Ditari i Doktorit: Një komplot kundër “Palma di Mesila” në Tiranë

Të dashur miq!

Dita e madhe po arrin. Të hënën shpresoj të bëjmë protestën e parë më të madhe të historisë së Shqipërisë, para kryeministrisë, për t’i treguar kryeministrit të krimit se kush jemi ne. Por entuziazmi që ka përfshirë mbarë popullin demokrat për këtë ngjarje, po zbehet nga disa komplote të çuditshme, të cilat synojnë të eliminojnë disa nga simbolet e rezistencës së qeverisjes sime.

Siç e dini të gjithë, më 21 janar 2011, një grup trafikantësh, vrasësish, dhe të paguarish, kanë tentuar të sulmojnë kryeministrinë, por pa sukses.

Të dëshpëruar, ata sulmuan dhe dogjën palmën para kryeministrisë, e cila u shpëtua falë ndërhyrjes së forcave speciale.

Më vonë palma u bë simbol i luftës sonë në parlament dhe dëshmitare e vetme në komisionin hetimor parlamentar kundër grushtit të shtetit.

Tani, në prag të protestës tonë të madhe, po shikoj një përpjekje për të shkulur palmën para kryeministrisë. Kjo nuk do të më çudiste shumë sikur përpjekja tinëzare e Edi Ramës të mos mbështetej nga naiviteti dhe budallallëku i Lulëzim Bashës, i cili nuk ka përvojë në udhëheqjen e opozitës.

Naiv dhe i pamësuar me këtë punë ai ka publikuar njoftimin e mëposhtëm në faqen e Bashkisë së Tiranës.

“BASHKIA E TIRANËS

Data: 07 nëntor 2013

NJOFTIM

Pas kërkesës së ardhur nga pronari i bar-restorant “Piazza”, z.Kadri Morina, për heqjen e dy palmave të infektuara, specialistët e Ndërmarrjes nr.1 të Bashkisë së Tiranës verifikuan në vend pretendimet e z.Morina dhe arritën në konkluzionin se këto palma janë të infektuara nga insekti rhynchophorus ferrugineus oliver. Insekti që hyn nga pjesa e sipërme e palmës dëmton konusin e rritjes, duke bërë thyerjen e majës dhe tharjen e degëve. Insekti ushqehet me palcën e palmës, duke i dëmtuar rrjetin e lëvizjes së unit dhe lëndëve ushqyese dhe e çon drejt tharjes dhe kalbjes totale. Ky insekt rrezikon edhe infektimin e palmave të tjera. Për këtë arsye, specialistët vendosën heqjen e tyre, me kushtin që ato të zëvendësohen me dy palma të tjera.

Data: 07 nëntor 2013”

Ky njoftim i padjallëzuar, që niset nga një kërkesë biznesmeni, po shfrytëzohet nga Edi Rama, i cili për të njëjtën arsye kërkon të shkulë “Palma Di Mesilën” nga kryeministria, dhe që ditën e hënë ne të mos kemi asnjë simbol tonin para kryeministrisë, përveç vendit ku janë vrarë katër kryengritës të Edi Ramës, që i asgjësuam me sukses.

I shqetësuar pa masë për këtë zhvillim, i kërkova sot Lulëzim Bashës ta anulojë njoftimin që ka publikuar në faqen e Bashkisë pasi ai mund të keqpërdoret nga Edvin Rama, për të lënë opozitën pa simbolin e saj të dashur, Palma Di Mesila.

Në rast të kundërt, demokratët do ta mbjellin me dhunë palmën ditën e hënë para kryeministrisë. Tani gardhi nuk ekziston dhe si rrjedhojë nuk ka as rregullore për gardhin dhe as për bulevardin. Përpara!

Shënime nga Ditari i Doktorit: Zbulohen tentakulat armiqësore të Bodes

21:06 Antena

Shënime nga Ditari i Doktorit: Skenarët për lajmin e Fiksit për Korçën

21:09 Antena

Shënime nga Ditari i Doktorit: Konsultë me Lulin për problemet e ditës në PD

22:18 Antena

Shënime nga Ditari i Doktorit: Një vikend në pronat e mia

21:56 Antena

Shënime nga Ditari i Doktorit: Krimi i Piktorit ndaj popullit të Lazaratit

20:31 Antena

Shënime nga Ditari i Doktorit: Pse më preu në besë Kadeli?

21:41 Antena

Shënime nga Ditari i Doktorit: Përse Luli nuk flet për ikonat?

20:54 Antena

Shënime nga Ditari i Doktorit: Zija e Jozit për mua zgjati vetëm 40 ditë!

21:20 Antena

Shënime nga Ditari i Doktorit: Pallati i Vlorës po merr më qafë opozitën

20:51 Antena

Shënime nga Ditari i Doktorit: Dashuri gay në kohë të kolerës

19:23 Antena