Te fundit
Stadiumi, Shqipëria rrezikon t'i luajë jashtë vendit ndeshjet për "Euro 2016"
20 Nëntor 2013, 14:12Sport
TEMA
Kombëtarja shqiptare rrezikon seriozisht që të mos luajë asnjë ndeshje miqësore dhe kualifikuese për Europianin 2016 në Shqipëri. Shkak bëhet stadiumi, duke qenë se vendi ynë nuk ka një impiant të përshtatshëm për zhvillimin e ndeshjeve ndërkombëtare, raporton “Panorama Sport”.
Deri para pak kohësh u fol se pasi të niste prishja e stadiumit “Qemal Stafa”, federata dhe shteti shqiptar ose qeverisja vendore (bashkitë) do të ndërhynin në rikonstruksionin e stadiumit “Loro Boriçi” të qytetit të Shkodrës, me qëllim që aty të mund të luante edhe Kombëtarja, por burokracitë e shumta, si dhe një lloj tërheqjeje e qeverisë aktuale shqiptare ka lënë gjithçka pezull.
Kështu, aktualisht Shqipëria është i vetmi vend në Europë që nuk ka një stadium që të paktën t’u përafrohet standardeve që kërkon UEFA, por edhe pse këtë gjë e di fort mirë si FSHF-ja dhe shteti shqiptar, fakt është se nuk është ndërmarrë asnjë nismë, çka të bën të besosh se për takimet e radhës Kombëtarja shqiptare do duhet të gjejë një stadium jashtë kufijve.
Zërat në ambientet sportive flasin për një emigrim të kuqezinjve në stadiumet e Zvicrës ose Turqisë, kjo natyrisht do të varet edhe nga marrëveshjet e momentit që do mund të bëjë federata jonë. Në fakt, një gjë e tillë indirekt thuhet edhe në reagimin e FSHFsë.
“Federata Shqiptare e Futbollit nuk mund ta ndërtojë stadiumin e vetme. Këtë gjë e kemi deklaruar prej kohësh, që në momentin e parë kur është hedhur ideja e ndërtimit të një impianti të ri. Thënë këtë, nuk mjafton vetëm buxheti, por edhe dëshira e vullneti mes palëve për ndërtimin e kësaj vepre. Në të tilla kushte, ne si federatë i jemi drejtuar UEFAs dhe do presim direktivat e saj. Ndaj Kombëtarja do luajë aty ku të na lejojë UEFA”, – ka pohuar drejtori i zyrës së shtypit në FSHF, Lirim Zalla.
Kujtojmë që UEFA i ka mbyllur sytë për vite me radhë për “Qemal Stafa”-s n, duke lejuar që aty të luhen ndeshje ndërkombëtare si të klubeve (në Kupat e Europës) dhe Kombëtares. Por, sipas burimeve në FSHF, inspektori i deleguar i qeverisë së futbollit europian ka qenë i prerë me FSHF-në, teksa pohonte se ndeshja me Zvicrën do të ishte e fundit që do të lejohej nga ana e tyre. Në të tilla kushte, me një “Qemal Stafa” të degraduar, me një “Loro Boriçi” jashtë çdo standardi që kërkon UEFA, duket se Kombëtarja jonë, por edhe klubet pjesëmarrëse në Kupat e Europës do të detyrohen të emigrojnë duke filluar nga 2014-ta, nëse do duan të luajnë ndeshje ndërkombëtare.
6 komente në “Stadiumi, Shqipëria rrezikon t’i luajë jashtë vendit ndeshjet për “Euro 2016””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shkojme ne Kosove! A mund te behet???
EDI RAMA NUK ESHTE NE GJENDJE TE BEJE NJE STADIUM /// HAJDE QEVERI HAJDE QEVERI BANANESH /// TURP / RILINDJA MENDON VETEM PER TE MBUSHUR XHEPAT VETE // PER TE BLERE KARRIGE 1500 EUROS PER VETE DHE NUK E CAN B…… PER RININE PER SHQIPTARET////
S prish pun
Le t lujm ke Lugjet e Cubave,ose ke Lugu i Hasmit te Murosur,
Apo ke Zalli i Ngujimit,o ke Bjeshkt e Namuna,se aty afer esht edhe Bujtina e Ariut,si dhe Hani i T Pabesit,ku mujt me flejt futbollistat dhe derrat ne dhoma te vecanta,e jo si ke Hani i Lec Kurvnorit,qe pagu edhe per ushqimin e lopes qe fle ne dysheme perkrah sportistve
Turp i madh edhe shtetet me te lodhura ne bote e kane nje stadium me kushte.Edhe sa shekuj i duhen shqiperise te kete nje te tille?
Nuk ka 2-3 muaj, por 23 vjet qe Shqiperia nuk ben dot nje stadium te parametrave dhe te standarteve te FIFA-s dhe UEFA-s, bile te permasave olimpike.
Kjo ndodhi se kemi 13-te vjet qe ne krye kemi pasur nje hajvan malesie si SALI BERISHA qe nuk din se cfare eshte si fjale sporti dhe jo me stadiumi. Por edhe 8-te vjet me FATOS NANON, qe i dinte te gjitha se ishte qytetar Tirane, por nuk kishte kohe sepse i vinte nga mbrapa dhe nuk e linte “rehat” historia.
Nuk e kuptoj pse kerkohet perfshirja e shtetit ne cdo gje, PRIVATIZIM. Nese nuk duan t’ja japin nje investitori te vetem privat, let le shesin aksionet nga $1000 per nje, dhe te te financojne te gjithe shqiptaret. Kjo eshte rruga e vetme.