Drejtori i Burgjeve tregon skemën e arratisjes/ Burgu u sulmua nga jashtë me mitraloz

Drejtori i Përgjithshëm i Burgjeve, Artur Zoto ka treguar skemën e arratisjes së 7 të burgosurve.

Duke folur për Ora News, ai tha: “Ngjarja ka ndodhur rreth orës 7 pa 5 minuta të datës 23 nëntor. Katër të dënuar kanë qenë në sektorin katër, tre të tjerë në sektorin tre. Ata janë bashkuar në momentin e zhvillimit të aktivitetit në klasë. Personat, kur janë futur në klasë, kontrolli fizik nga stafi i policisë nuk është bërë në standardet e kërkuara. Të dënuarit sa herë që hynë dhe dalin nga dhomat e tyre duhet t’i nënshtrohen një kontrolli fizik. Katër personat e sektorit katër kanë arritur t’i marrin çelësat punonjësit të policisë nën kërcënimin e armës dhe kanë kaluar në sektorin tjetër duke u bashkuar me tre të tjerët dhe më pas kanë bërë të mundur daljen te kolona e sigurisë. Kur kanë dalë aty, përsëri nën presionin e armës i kanë marrë çelësin punonjësit të policisë dhe kanë dalë fare nga sistemi i regjimit. Kanë dalë te hyrja kryesore e godinës, kur kanë arritur tek tuneli, kanë nxjerrë një punonjës policie, nuk kanë dalë vetë, punonjësi i policisë duke mos vlerësuar situatën, ka hapur derën, edhe kjo shkelje. Pasi kanë hapur tunelin, nën presionin e armës kanë marrë dhe çelësat e shërbimit të informacionit dhe kanë dalë nga rrethimi i institucionit. Në momentin që kanë dalë nga klasa, kamera është dëmtuar, ka pasur neglizhencë dhe nga dy operatorët që e kanë detyrë funksionale mbikëqyrjen e sistemit të sigurisë. Nga punonjësit e policisë në kulla nuk ka pasur reagim, vetëm nga një vendroje që e ka pasur të mundur të qëllojë në ajër, por në atë kohë është kryer gjithë veprimi dhe kanë dalë. Ata nuk kanë dalë në hyrjen kryesore, kanë çarë rrjetën me mjete prerëse, ka pasur bashkëpunëtorë, të cilët i kanë pritur me automjete. Kanë qenë dy makina, një pjesë ka marrë drejtimin drejt Pogradecit, automjeti tjetër ka marrë drejtim tjetër”.

“Por duhet të theksojmë se arratisja e tyre ka ardhur si rrjedhojë e cenimit të elementëve të sigurisë nga punonjësit e policisë. Nga verifikimet, na rezulton se kanë pasur dy pistoleta dhe dy automatikë. Ngjarja është objekt i shqyrtimit të organeve hetimore, veçanërisht prokurorisë, por nga vlerësimi paraprak që i kemi bërë ne si drejtori e përgjithshme, por dhe si Ministri e Drejtësisë, arratisja ka ndodhur në kushtet e një neglizhence nga ana e policisë, ku tashmë 21 prej tyre janë arrestuar në flagrancë. Krahas neglizhencës, ka pasur elementë të dukshëm të shkeljes së skemës së sigurisë së këtij institucioni”.

Drejtori i Përgjithshëm i Burgjeve ka mohuar faktin se SHKB-ja ka pasur dijeni, apo ka paralajmëruar për mundësinë e arratisjes së të 7 të dënuarve nga burgu i Drenovës. Sa i përket futjes së armëve përmes frigoriferit, Zoto tha se në këtë burg në 28 tetor është zhvilluar një kontroll i gjithë institucionit sa i përket elementëve të sigurisë, por ato kanë qenë të modifikuara mirë, çfarë ka bërë të pamundur zbulimin e armëve.

“Burgu i Drenovës është ndërtuar në 2008 me fonde të BE dhe është vënë në funksionim në 2009. Ai vlerësohet në parametra të kënaqshëm krahasuar me pjesën tjetër. Numri i të dënuarve është i lartë, varion mbi 300 të dënuar. Aty ka dhe persona që vuajnë dënimin me burgim të përjetshëm. Nga analizat nuk na është bërë evident që SHKB të ketë pasur dijeni apo informacion lidhur me këtë. Armët janë futur në një frigorifer. Rregullorja e brendshme e burgjeve përcakton qartë sendet që mund të mbahen nga të dënuarit dhe ato që ndalohen kategorikisht. Lidhur me frigoriferët, rregullorja e lejon, por në mënyrë që t’i nënshtrohet procedurës përkatëse. Me 28 tetor kemi bërë kontrollin e të gjithë institucionit të burgut të Drenovës. Në kontrollin që kemi bërë, është arritur të gjenden rreth 6 celularë, një prej tyre i është gjetur Fran Marashit. Frigoriferi ishte i mirëmodifikuar, që e bënte të pamundur gjetjen e armëve, ato ishin fiksuar me një lëndë ngjitëse”, tha më tej Zoto.

Ndërkohë Panorama raporton se burgu i Drenovës u sulmua me mitraloz nga jashtë.

Në këtë pikë kanë ndihmuar dy prej bashkëpunëtorëve të të arratisurve, pikërisht të njohurit e 37-vjeçarit Admir Tafili. Sipas të dhënave, konfirmohet se Olsion Maçi, 20 vjeç dhe Albi Meçini, 19 vjeç, kanë qëlluar me armatim të rëndë drejt kullave të vrojtimit në burg, ku ndodheshin dy roje të armatosur.

Ata kanë përdorur një mitraloz për të mbuluar arratinë e të burgosurve, të cilët nga ana e tyre kanë qenë të armatosur dhe kanë mbajtur peng disa gardianë, deri në rrethimin e jashtëm. Mbështetur te hetimet dhe dëshmitë e dhëna prej tyre, Maçi dhe Meçini kanë vepruar nga jashtë burgut për t’u krijuar terrenin e përshtatshëm të arratisurve.

Rektori i universitetit të Elbasanit, në ndjekje penale

08:48 Politika

Tahiri në Shqip/ Shpjegime për rendin, betejat me paligjshmërinë, aksidentin e Olldashit dhe arratisjen e të burgosurve

22:55 Politika

Publikohet buletini mujor/ Tahiri: Vetëm 312 lekë/person ka kushtuar puna e Policisë së Shtetit

22:06 Politika

Flet drejtori i Panorama Airlines: Si do t’i kompensojmë pasagjerët e Belle Air

21:36 Politika

VIDEO/ Ja si u vra për 150 lekë fatorinoja 17-vjeçar

20:53 Politika

Taulant Balla: Sudja e Saliut ndërpret fluturimet, qeveria të garantojë qytetarët

20:27 Politika

Belle Air: Ka nisur mbrojtja e pasagjerëve. Udhëtimet me Blue Panorama Airlines

20:18 Politika 1 koment

Shoqërohet në polici pas një përleshje Altin Goxhaj. Bumçi: Arrestim politik

19:20 Politika

FOTO LAJM/ Jeta e luksit e të arratisurve në burg

19:19 Politika

Berisha: Rama u tërhoq nga ulja e TVSH-së për ushqimet e ilaçet. Braçe: Gënjen!

19:15 Politika