Kunati i Lulit harton ultimatumin për Enverin

Kunati i Lulit ka disa ditë që merret me hartimin e një ultimatumi kundër Edvin Ramës lidhur me shfaqjen e portretit të Enver Hoxhës në Varrezat e Dëshmorëve të Kombit më 29 Nëntor.

Ultimatumi bëhet i domosdoshëm sidomos pas skandaleve të zbuluara në drejtësi, ku opozita duhet të shprehet pro apo kundër tyre.

Siç dihet, Luli nuk flet dot kundër gjykatësve, pasi i kanë shpëtuar dy herë jetën, një herë me gjyqin e 220 milion dollarëve dhe një herë me 21 Janarin. Për këtë arsye, Kunatit i duhet të hartojë një ultimatum të fortë që të tërheqë vëmendjen për Enver Hoxhën.

E thirri Laurën në zyrë dhe filluan ta hartojnë bashkë.

-Duhet të demaskojmë me emër atë që ngriti portretin, i tha Kunati Laurës.

-Atë nuk e dënojmë dot shef, i tha Laura, se është i Partisë Komuniste dhe e kemi pasur në koalicion. Me votat e atij fitoi Luli në Tiranë.

-Ashtu, qenka punë dreqi, tha Kunati. Atëherë s’po e përmendim atë, po merremi me Edvin Ramën.

Shkruaj:

Edvin Rama, nëse për 1 javë nuk kërkon falje për portretin e Enver Hoxhës që është shfaqur në Varrezat e Dëshmorëve, do të ngremë një monument të Ahmet Zogut tek Nëna Shqipëri.

Edvin Rama, nëse nuk kërkon falje për portretin për dy javë, ne do ta veshim kryeministrinë me portrete të Enver Hoxhës që ta dinë gjithë shqiptarët kush jeni në të vërtetë.

Edvin Rama, nëse nuk kërkon falje për një muaj, do detyrohemi t’i bëjmë thirrje Sali Berishës të udhëheqë protestat kundër teje.

Edvin Rama, nëse nuk kërkon falje deri për Vit të Ri, ta dish që shqiptarët nuk kanë për të të lënë të festosh Vitin e Ri dhe do të hedhim shtyllat në erë.

Edvin Rama, nëse nuk kërkon falje deri në shkurt, do t’i bëjmë thirrje Tritan Shehut të shkojë të mobilizojë popullin e Lushnjës dhe të marshojë me presh drejt Tiranës.

Edvin Rama, nëse nuk kërkon falje deri në muajin mars, do t’i bëjmë thirrje Arben Imamit të marrë tanket dhe të nisë revoltën në jug kundër teje.

Edvin Rama, nëse nuk kërkon falje deri në prill, do t’i kërkojmë Genc Rulit të të spiunojnë në Perëndim si komunist.

Edvin Rama, nëse nuk kërkon falje deri në maj, revoltat popullore në Tiranë do bëhen të pandalshme dhe do t’i udhëheqë Aldo Bumçi.

Edvin Rama, nëse nuk kërkon falje deri në qershor, sheshi para PD-së do mbushet plot me njerëz që do përkujtojnë humbjen e Doktorit dhe duke qarë do t’i turren kryeministrisë.

Edvin Rama, nëse nuk kërkon falje deri në korrik, atëherë dije se ke kryeultimatumin: Do kesh punë me Lulzim Bashën. Ky do jetë fundi yt!

Kunati ia lexoi me patos të madh Laurës dhe e theksoi fjalinë e fundit. Laura u përpoq ta imitonte, por e kapi gazi.

-Çfarë ke, i tha Kunati.

-Se si më duket kjo që do ketë punë me Lulin, tha. Mos e teprojmë pak.

-Nuk e teprojmë aspak, i tha Kunati. Luli këtu nuk toleron. Nuk i dhimbset Edvin Ramës Enveri më shumë se Lulit, se gjaku nuk bëhet ujë, ndaj nuk ia fal këtë.

Kunati i Lulit, dyshime dhe bezdi për Ennon

21:16 Antena

Kunati i Lulit harton padinë për Gjykatën Kushtetuese

19:52 Antena

Kunati i Lulit feston përvjetorin e Tortës

18:22 Antena

Kunati i Lulit harton rekomandimet për skandalin e gjyqtarëve

21:33 Antena

Kunati i Lulit raporton tek Doktori për serverin e Tatimeve

20:41 Antena

Kunati i Lulit, i shqetësuar për Tinin

20:30 Antena

Kunati i Lulit mbledh informacion mbi grupet armiqësore

21:38 Antena

Kunati i Lulit mbledh teoritë konspirative mbi vdekjen e Olldashit

22:26 Antena

Gimi i Puros ankohet tek Sandri për sallën VIP në Rinas

20:00 Antena

Kunati i Lulit ngatërron Kaçin dhe i thotë “JO” synetllëkut

20:46 Antena