Gimi i Puros ankohet tek Sandri për sallën VIP në Rinas

Gimi i Puros ka hasur në një incident, lidhur me sallën VIP në Rinas. Ministri i ri ka nxjerrë një urdhër, ku në zbatim të ligjit, në sallën VIP në aeroport do kalojnë vetëm personat që parasheh ligji për ceremonialin e protokollit të shtetit.

Incidenti i parë i ndodhi Gimit të Puros. Ai u paraqit tek salla VIP në pritje të avionit. Polici kontrolloi emrin dhe e pyeti me delikatesë se çfarë delegacioni ishte.

Gimi Puros u prezantua dhe i tha se ishte duke ikur në SHBA, se kishte një takim të rëndësishëm me komshiun e vet, i cili ka një vajzë të martuar në Uashington, bebisiterja e të cilës njeh senatorin Lugar dhe do ta pyesë për këto lëndët kimike të Qafë Mollës, që po rrezikojnë Shqipërinë.

-Më fal, i tha polici, por nuk e ke emrin tek ceremoniali i shtetit.

Gimi i Puros u prezantua dhe një herë tjetër si ish- diplomat, si ish- këshilltar dhe si ish- bllokmen.

Asnjëra nuk i piu ujë.

I nxehur me policin, mori në telefon Sandrin.

-Ka ndodhur një skandal i madh, i tha. Nuk më lënë më të hyj tek salla VIP. Po jo vetëm mua, po as ty, as Fevzon, as Gimen e Redbullit, as Irfanin… bile as Zenin dhe Gitën.

Sandri u nxeh dhe mori Fevzon. I tregoi si ishte situata.

-Duhet t’i biem fort këtij Bushatit, tha, se na e ka bë për inat.

-Duhet me bë pak kujdes, tha Fevzo, se në fakt nuk është ndonjë sallë klasi, është më i mirë aeroporti i ri.

-Po ça thu mo k…, pse me katunarët do rri në radhë unë andej, i tha Sandri.

-Mos e merr për keq o burrë, i tha Fevzo, se nuk të njeh njeri. Ça të bëj unë që dal çdo natë në TV.

Sandri i irrituar, merr Gimen e Redbullit.

-Na e paska ndalu ky shkërdhata të kalojmë nga salla VIP në Rinas, tha. Kushedi kush do jetë futë në vendin tonë.

-Po ç’më the o byrazer, i tha Gimja. Po pse o, njësoj me të tjerët do kalojmë ne o? Po ne nuk nxjerrkemi dot kokërr leku jashtë më. Po Ridvanin, dhe atë e kanë ndaluar o?

-Nuk e di, vetëm kur ka delegacione mund të kalojë më duket, i tha Sandri.

-T’ëmën, e lanë dhe atë me popullin. Ishallah ia ka nxjerrë Çimi lekët jashtë me kohë.

I mërzitur, Gimi i Redbullit merr Gimin e Puros.

-Pa më trego o byrazer, nuk të lanë të hyje fare?

-Nuk më la ai djali i Sul Bushatit, i tha Gimja i Puros. I vjen inat që unë kam thënë se ideator dhe vizionari i vetëm i politikës shqiptare për Ballkanin është Kaç islami. Nuk ma fal dhe ka bllokuar sallën VIP për të gjithë ne.

-Po me mua ç’ka bre, mirë me ty që i paske sharë politikën e jashtme, tha Gimja.

-Është anti-austriak, i tha Gimja i Puros, urren Red Bull-in.

-Mirë bre byrazer, mirë, po hajde futu në radhë tani me njerëzit.

-Superskandal, tha Gimi i Puros. U lidha tani me Uashingtonin, i thashë atij komshisë t’i thotë vajzës se ajo ka një bebisiter që ka afër senatorin Lugar dhe t’i thotë se çfarë skandali po bëhet në Shqipëri, po na ndalojnë në aeroporte pse jemi kundër lëndëve kimike.

-T’ëmën e s’ëmës, dhe ti o lako sa gjatë i bie, i tha Gimi i Redbullit. Unë s’e kam hallin tek salla VIP, po si t’ia bëj kur iki me Zenin në Vjenë. Do më shikojnë njerëzit duke bërë muhabet me të dhe do më bëjnë ndonjë gjëmë. Se aty tek VIP-at nuk na shihte njeri.

Kunati i Lulit ngatërron Kaçin dhe i thotë “JO” synetllëkut

20:46 Antena

Shënime nga Ditari i Doktorit: U tregoj meritat fallco të Edi Ramës

21:33 Antena

Shënime nga Ditari i Doktorit: Refleksione nga bulevardi për Horrin, Laviren dhe puçistët

20:18 Antena

Shënime nga Ditari i Doktorit: Si na dështuan përgatitjet për miting

21:34 Antena

Shënime nga Ditari i Doktorit: Një puç brenda partisë kundër meje dhe Lulit!

21:00 Antena

Shënime nga Ditari i Doktorit: Disa detaje nga plani i protestës

21:29 Antena

Shënime nga Ditari i Doktorit: Një detaj i thjeshtë nga Presidenti Nishani

21:21 Antena

Shënime nga Ditari i Doktorit: Emocionet e ditës së parë në protestë

21:00 Antena

Shënime nga Ditari i Doktorit: Si e gjykon Familja çështjen e plehrave

20:45 Antena

Shënime nga Ditari i Doktorit: Ja pse në vend është vendosur një diktaturë e egër

20:15 Antena