Kunati i Lulit bën dosjen për dorëheqjen e Zonjës së Parë

Kunati i Lulit sot ishte në mëdyshje se si duhet të silleshin me dorëheqjen e Zonjës së Parë. Deri sa Doktori ishte kryeministër, Zonjë e Parë quhej gruaja e tij. Pas 23 qershorit, kishte dëgjuar zëra se tani Zonjë e Parë duhet të quhet gruaja e presidentit. Kjo nuk i pëlqeu Kunatit, i cili në fakt kishte propozuar që Zonjë e Parë për PD duhet të jetë gruaja e kandidatit për kryeministër dhe jo e presidentit.

Ky ndryshim koncepti kishte ndarë palët dhe Kunatit nuk i pëlqenin përçarjet, kështu që e mbylli këtë debat.

Sot këtë debat e hapi Luli, duke i kujtuar se ç’do bënin me dorëheqjen e Zonjës së Parë.

Kunati tha se duhet të mbledhim disa fakte që të bëjmë një deklaratë të besueshme për ta mbrojtur.

Thirri Glorin dhe i kërkoi të pyeste kush ishte ende tek Ministria e Turizmit nga PD-ja, që të tregonte çfarë ka ndodhur.

-Të gjithë në punë janë shef, i tha Glori. Do t’i pyes dhe të bëj një raport.

Pas dy orësh Glori kishte gati raportin dhe ia la Kunatit në tavolinë.

Në të shkruhej:

“Zonja e Parë është ndeshur me një klimë terrori dhe fyerjesh në ministrinë ku punonte. Një sërë dëshmitarësh japin fakte kokëforta që tregojnë se ajo ka punuar në një klimë të tensionuar dhe tallëse nga të punësuarit e rinj.

Kështu, një ditë, ndërsa ajo po ngjitej për në zyrën e saj, ishte e lodhur nga rruga dhe po ecte ngadalë. Nga pas ka dëgjuar dikë që ka thënë, “po kjo ç’më ikën sikur ka burrin nga krahu”. Kjo e ka rënduar shumë gjendjen e saj shpirtërore dhe sapo ka mbërritur në zyrë, ka marrë në telefon shefin e kabinetit të burrit dhe i ka shprehur hidhërimin.

Një ditë tjetër, sipas një dëshmie, ajo është ndeshur në korridor me ministren e re, dhe ajo vetëm sa e ka përshëndetur “mirëmëngjes”. Zonja e Parë është tronditur shumë, pasi në praktikën e ministrisë është që Zonja e Parë duhet pritur nga ministrja në korridor, duhet të ftohet në zyrë për kafe, të konsultohet për punët e ministrisë dhe të pyetet kush do hiqet nga puna dhe kush do rrijë. Sa për dijeni, për shembull ministri Xhaferi shkonte një herë tek zyra e saj, pastaj fillonte mbledhjen e mëngjesit. Kurse Visari merrte gruan e tij dhe i shkonin të dy në zyrë. Kjo praktikë nuk po ndiqet më dhe ajo nuk ndjehet më e respektuar.

Ka dëshmitarë që pohojnë dhe situata tensioni në ministri. Për shembull, një ditë shefi i kabinetit të ministres i ka kërkuar Zonjës së Parë një material pune për detyrën që bënte. Zonja e Parë e ka parë e çuditur dhe i ka thënë nuk të kuptoj çfarë kërkon.

Ai i ka përsëritur se ministria kërkon një material nga ju për punën që po bëni.

Zonja e Parë është tronditur thellë dhe e ka marrë këtë si një provokim. Sipas saj, ministria kërkon ta implikojë atë si bashkëpunëtore në krim duke i kërkuar detyra me shkrim për punën që bën, me qëllim që t’ia përdorin në të ardhmen si bashkëpunëtore e socialistëve.

Ky ka qenë kulmi dhe Zonja e Parë nuk e ka pranuar këtë poshtërim.

-Nëse ju do vazhdoni të më kërkoni të punoj, unë ndjehem e fyer, e tensionuar dhe e parespektuar, i ka thënë ajo dhe ka dhënë dorëheqjen”.

Kunati e lexoi dhe iu duk shumë interesant.

-Kjo meriton të quhet Zonjë e Parë, tha, po ça të bëj që nuk kemi leverdi. Po e lëmë një herë për një herë reagimin. Të shikojmë si do reflektojë Bujari. Për ta respektuar meqë nuk lëviz dot, po i rekomandoj Lulit ta bëjë festën e PD-së në Pallat të Brigadave. Kështu që do të jemi më afër dhe ai nuk do lodhet.

Kunati i Lulit, dyshime serioze për lidhjen e prokurorisë me kundërshtarët e Lulit

20:07 Antena

Kunati shpik planin “Armë në Kishë” për cianurin tek uzina “Dajti”

22:16 Antena

Kunati Lulit, rezerva për zotin Moore

20:38 Antena

Kunati i Lulit shpjegon arsyet përse nuk bëhet analiza e humbjes

20:45 Antena

Kunati i Lulit, ankesë për konferencën e Doktorit

20:12 Antena

Kunati i Lulit ngrin punën në PD, merret me pallatin

19:53 Antena

Kunati i Lulit përgatit mitingun për foton e Enverit

20:47 Antena

Kunati i Lulit harton ultimatumin për Enverin

18:16 Antena

Kunati i Lulit, dyshime dhe bezdi për Ennon

21:16 Antena

Kunati i Lulit harton padinë për Gjykatën Kushtetuese

19:52 Antena