Te fundit
Kunati harton fjalimin për themelimin e PD-së
12 Dhjetor 2013, 20:08Antena
TEMA
Kunati vendosi të merrej vetë me hartimin e fjalimit për themelimin e PD-së. Duhet të bënte një fjalim që t’u tregonte të gjithëve se tani Luli është kryetar i vërtetë i PD-së.
Në fillim vendosi të lavdërojë gjithë themeluesit dhe nisi të shkruajë për Azemin.
-Azem Hajdari, themeluesi i PD që nga momenti i parë deri sa dha jetën më 1998…
-Gramoz Pashko, themelues dhe udhëheqës i shquar i PD-së deri në momentin e fundit të jetës…
-Arben Imami, themelues i partisë nga dita e parë deri më sot…
-Sokol Oldashi, nga themelimi deri ditën e fundit…
-Punë dreqi, tha. Duket sikur i taks vdekjen dhe këtij.
Pasi fjalimi po i ngecte, vendosi ta konsultojë me Lulin. Ky i fundit i hodhi një sy dhe vendosi të pyesë Pollon si më i vjetër. Ia lexoi fjalinë në telefon.
-Këtë të Azemit ia keni futë kot, i tha Pollo. Nuk ka qenë deri në fund me PD. Më janar të 1997 e përjashtuam dhe e ngrimë dhe nga anëtarësia.
-Po s’ka gjë, tha Luli, se nuk e mban mend njeri, rast i shkëputur ishte.
-Nejse, zbute pak, tha Pollo, se mund të dalë ndonjë dhe na prish punë.
Edhe këtë të Pashkos ndryshoje.
-Pse, i tha Luli.
-Po ky vetëm një vit ka qenë në PD, pastaj iku u zu me Doktorin, bëri parti tjetër, pastaj punoi me qeverinë socialiste deri më 2005…
-S’e mbakam mend fare, tha Luli.
-Epo s’ke nga ta mbash se ti më 2005 ke ardhë, i Pollo.
Edhe këtë Imamin e ke gabim. Iku më 1992, erdhi më 2005. Këtij shënoi si rekord që ka qenë ministër me gjithë kryeministrat e Shqipërisë, me Nanon, Metën, Majkon, Berishën…
-Kështu më bie gjithë fjalimi, tha Luli, por po e rishikoj.
Mori përsëri Kunatin dhe i tha që i ka gabim ata themeluesit se paskan pasur probleme.
-S’ka problem, i ndryshoj unë, tha Kunati. Po për Doktorin çfarë të themi?
-Shkruaj, tha Luli, që demokracia dhe Doktori janë një çift i pangjashëm.
-Mos na e merr për ters i tha Kuanti se duket sikur themi që nuk ngjajnë me njëri- tjetrin.
-Jo, jo, tha Luli, se e kupton Doktori. D.m.th janë të veçantë si çift.
-Mirë, tha kunati. Tani thuajse e mbarova. Të themi dhe ndonjë gjë për këtë Bujar Nishanin?
-Shkruaj, i tha Luli, se ai ka pasur rol kryesor në vitin 1991, kur u bë protesta tek Shkolla e Bashkuar që mbrojti monumentin e shokut Enver. Ai gjest provokoi demokratët dhe ngriti peshë zemrat e tyre për luftë. Vonë e kuptuan dhe social-komunistët që ne e kishim infiltruar Nishanin mes oficerëve që ata të provokonin popullin dhe uji të shkonte në mullirin e PD-së.
-Kjo qenka interesante, tha Kunati. Po Bujari e ka ditur që ka qenë i infiltruar?
-Jo, i tha Luli, por i kemi treguar së fundmi dhe është gëzuar shumë.
4 komente në “Kunati harton fjalimin për themelimin e PD-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
U shkriva gazit sidomos me atë Bujar Nishanin.
Perla e Antena 12/12/2013:
“…-Kjo qenka interesante, tha Kunati. Po Bujari e ka ditur që ka qenë i infiltruar?
-Jo, i tha Luli, por i kemi treguar së fundmi dhe është gëzuar shumë.”
http://goo.gl/iSp24A
perle eshte thenia qe imami ka qene minister me nanon,majkon,meten, dhe sali qenin
Shume pikant gezimi i Jarit.