Shoqata e transportit qytetas, letër Ramës: Indekso çmimin e biletës, jemi në krizë

Shoqata Kombëtare e Transportit Qytetas i kërkon kryeministrit Edi Rama që të bëjë indeksimin e biletës, plus kompensimin e personave që me ligj përfitojnë shërbimin urban falas.

Përmes një letre të hapur, shoqata e cilëson si një emergjencë indeksimin e biletës, ndërsa i bën apel Qeverisë që të mos kalojë topin drejt pushtetit vendor.

” Frika e marrjes mbi supe të një kostoje politike ju bëri që topin ta kaloni në anën tjetër të fushës, por kalimi i topit sa nga njëra anë në tjetrën do të zvarriste pa fund zgjidhjen e këtyre problemeve si dhe do të përkeqësonte më shumë gjendjen e transportit urban. Përkundrejt kësaj frike të humbjes së votave ju duhet të ndiheni krenar, sepse jeni pioneri i parë i ndryshimeve shumë të mëdha në sistemin urban, që e bëtë kryeqytetin, Tiranën, të radhitej i pari në listën e kryeqyteteve të Evropës Juglindore për moshën mesatare më të re të autobusëve urbanë si dhe hapët rrugën e zëvendësimit të atyre autobusëve të vjetër që lëviznin si baraka llamarine rrugëve të Tiranës, me autobusë të rinj me kilometrazh zero dhe me të gjitha standardet të Komunitetit Evropian”, thuhet në letrën drejtuar kryeministrit Rama.

Në vijim Shoqata Kombëtare e Transportit Qytetas thekson se transporti publik qytetas po kalon një periudhë shumë të vështirë ekonomike si pasojë e dyfishimit të çmimit të naftës, rritjes shumë të madhe të vlerave të investimeve të bëra në 3 vitet e fundit, mossubvencionimit të personave që përfitojnë sipas ligjeve aktuale shërbimin urban falas, si dhe mosindeksimit të çmimit të biletës prej një periudhe 5-vjeçare.

“Ju si Kryeministër i vendit, përtej kornizave politike, do të ndërmerrnit të gjitha hapat e nevojshëm për të zgjidhur problemet e sistemit urban, sistem për të cilin të gjithë qytetarët tanë, pa dallim vote majtas apo djathtas, e kanë të nevojshëm. Prej mëse 3 muajsh kemi vendosur nëpër autobusë numra telefoni për të marrë ankesat, mendimet dhe sugjerimet e qytetarëve për përmirësimin e cilësisë së shërbimit tonë. Është e vërtetë që kemi marrë shumë ankesa, sugjerime, madje deri edhe në ofendime, por nga ana tjetër kemi marrë edhe shumë falënderime. Kjo gjë nuk na ka bërë që të fluturojmë në qiell se kemi arritur më të mirën, por na ka motivuar që të punojmë akoma më shumë për t’u ofruar qytetarëve tanë një shërbim sa më cilësor, por që akoma nuk është ai shërbim që këta qytetarë meritojnë“, thuhet në letrën drejtuar Ramës.

INTERVISTA/ Igli Totozani: Pushteti i butë në një vend të ashpër

15:29 Sociale

Pastrimi i plehrave nga ushtria/ Prefekti: Është show mediatik, duhet strategji

10:07 Sociale

HIV në Shqipëri, kujdes nga grupet në rrezik

08:45 Sociale

Konkursi Ndërkombëtar për ‘Lungomare’, rekord aplikimesh

09:12 Sociale

FOTOT/ Ushtria nis pastrimin e territorit, fillimisht hiqen plehrat në pikat kufitare

17:51 Sociale

Zbulohet historia e dashurisë mes Ilva Tares dhe Eduard Selamit. Unazë diamanti në gishtin e gazetares

09:14 Sociale

Çmimet e ilaçeve do ulen 20%/ Farmacistët lajmërojnë protesta, qeveria ua pret shkurt

18:50 Sociale

Bozdo: Qeveria të marrë masa për mosrritje të çmimit të biletës

12:52 Sociale

Shpallet emergjenca mjedisore, zonat më të ndotura në vend

13:32 Sociale

Raporti i Sigurisë Rrugore/2075 aksidente,139 mjete, pa kontroll teknik

10:04 Sociale