Naço: Do rrëzojmë barrierat që pengojnë aksesin e qytetarëve në drejtësi

“Aksesi në drejtësi është një faktor kyç për të siguruar mbrojtjen, promovimin dhe respektimin e të drejtave të njeriut”, deklaroi ministri i Drejtësisë Nasip Naço gjatë konferencës me temë “Aksesi në Drejtësi: Një fokus i ri për nenet 12 dhe 13 të Konventës së OKB-së për të drejtat e personave me aftësi të kufizuara”.

Naço theksoi se garantimi i aksesit në drejtësi, ndikon drejtpërdrejtë në rritjen dhe forcimin e transparencës, përgjegjshmërisë, paanësisë dhe efektivitetit të sistemit të drejtësisë, në mbështetje të rolit deçiziv të qytetarëve dhe të të gjithë aktorëve të tjerë të interesuar, me fokus të veçantë aksesin e personave me aftësi të kufizuar.

“Në kuadrin e të drejtës për një proces të rregullt ligjor, e drejta për t’iu drejtuar gjykatës, pra aksesi në gjykatë, konsiderohet si një e drejtë thelbësorë që duhet t’i sigurohet çdo individi pa asnjë lloj dallimi, e në veçanti atyre që janë me aftësi të kufizuar. Nëse nuk garantohet e drejta për t’iu drejtuar gjykatës atëherë cenohet dhe e drejta për të ngritur pretendime civile, apo për të kundërshtuar akuzën para një gjykate, apo edhe për të ekzekutuar vendimet gjyqësore”, u shpreh Naço.

Në vijim ai bëri me dije se përpjekjet e deritanishme kanë synuar adresimin e gjetjeve të Raport Progresit të Komisionit Europian për Shqipërinë për vitin 2013 dhe se një ndër problematikat shqetësuese dhe të vazhdueshme ndër vite, ka qenë pikërisht pengimi i aksesit në drejtësi për shkak të tarifave të larta në gjyqësor.

“Ne bëmë të mundur që në muajin nëntor 2013, të ndryshonte udhëzuesi për përcaktimin e tarifave të të gjitha shërbimeve të administratës gjyqësore, duke i reduktuar tarifat në masën 37 %- 50 %. Këto ndryshime bënë të mundur që më së fundi të rrëzohet një prej barrierave më të rënda të aksesit të qytetarëve në drejtësi. Gjithashtu përpara disa muajve kemi lancuar Portalin Online “Stop Korrupsionit në Drejtësi”, i cili bëri të mundur krijimin e një mënyre të re komunikimi të shqetësimeve dhe halleve të qytetarëve të shkaktuara nga veprimet e papërgjegjshme të zyrtarëve të shtetit. Ndërkohë është prezantuar në rrjetet sociale edhe faqja zyrtare e Ministrit të Drejtësisë, dhe konstatohet se kjo dritare e re ka shërbyer për përcjelljen e komenteve dhe sugjerimeve nga shumë qytetarë, të cilët ndër të tjera kanë përcjellë edhe shqetësime konkrete që lidhen me shkeljen e të drejtave të tyre. Të gjitha këto shqetësime janë bërë objekt i punës verifikuese nga strukturat përgjegjëse të Ministrisë së Drejtësisë me qëllim zgjidhjen e tyre”, tha Naço.

Ai u ndal edhe në masat e marra në drejtim të dixhitalizimit të plotë të sistemit gjyqësor duke theksuar se pas shtrirjes me sukses në gjykata, të projektit audio, Ministria e Drejtësisë në bashkëpunim me partnerët e huaj është duke hartuar projektin e radhës së dixhitalizimit që lidhet me shtrirjen e sistemit video nëpër gjykata. Naço vlerësoi se këto projekte do të kenë impakt pozitiv të padiskutuar në drejtim të rritjes së aksesit, transparencës dhe besimit të qytetarëve në sistemin gjyqësor.

Nënpunësi Civil/ Bregu: Shkelmohet prioriteti i parë që BE i ka përcaktuar Shqipërisë

16:26 Politika

Protesta e PD-së/ Grupi i PS vendos vijimin normal të punimeve të Kuvendit

19:08 Politika

REUTERS: Shqipëria dhe Kosova, sa larg ekonomikisht...

18:31 Politika

Lumi i drogës shqiptare, si pasojë e prodhimit të madh dy vitet e fundit

16:45 Politika

Basha: Mos na prisni për reformën, do jemi në shesh (VIDEO)

15:12 Politika

Lushnjë/ Vrasje për motive pronësie, 3 të ndaluar nga policia

14:30 Politika

Zbardhen financat e partive/ PS u zhyt në borxhe, PD doli me fitime në vitin 2013

11:51 Politika

Alarm fals për bombë pranë Ambasadës Amerikane: Ishte thjesht një çantë me ushqime e një studenti

11:45 Politika

Prerja e kangjellave/ Biçoku: Presidenti gaboi, garanti i ligjit e shkeli vetë atë

10:07 Politika

Hajdutet e varreve/ Policia: I përgjuam dy gratë

09:57 Politika