Situata gripale/ Komiteti Ad Hoc: Prirje rritëse, tamiflu i pranishëm në çdo spital

Shqipëria vazhdon të përjetojë një gjendje me intensitet mesatar të qarkullimit të virusit të gripit dhe me prirje rritëse. Ky është konkluzioni i mbledhjes së dytë të Komitetit Ad-Hoc për Përgjigjen ndaj Gripit, i drejtuar nga ministri i Shëndetësisë Ilir Beqaj, dhe i përbërë nga specialistë të shëndetit publik dhe shërbimeve universitare.

Në mbledhjen e zhvilluar në Drejtorinë e QSUT “Nënë Tereza”, komiteti, pasi analizoi situatën aktuale të gripit në vend, masat e marra dhe përgjigjen e deritanishme ndaj rasteve të paraqitura dhe atyre të dyshuara me grip, si dhe bazuar në të dhënat e fundit të sistemit të survejancës epidemiologjike ALERT (Albanian Epidemiologic Report Tool) dhe virologjike SENTINEL, konkludoi se “Shqipëria karakterizohet këtë vit nga qarkullimi i virusit të tipit A (nëntipat A(H1) dhe A(H3)), në ndryshim nga viti i kaluar, kur ka qarkulluar edhe virusi i tipit B (zakonisht me virulencë më të ulët krahasuar me atë të tipit A), në një përqindje të konsiderueshme, gjë që shpjegon edhe paraqitjen e rasteve të rënda të komplikuara në shërbimet tona spitalore. Mostrat dërgohen për shqyrtim nga pikëpamja e mundësisë së ndryshimeve gjenetike dhe strukturore, në laboratorin e referencës së OBSH-së në Londër, dhe deri tani, nuk rezulton të kemi tipe apo nëntipë të reja virusi”.

Komiteti konstatoi zbatimin e plotë të masave të urdhëruara në mbledhjen e datës 26 shkurt për gatishmërinë e shërbimeve të laboratorëve dhe reanimacionit, si dhe shpërndarjen në sasi të mjaftueshme të barit antiviral TAMIFLU nga Instituti i Shëndetit Publik në spitalet universitare dhe rajonale dhe sigurimin e pajisjeve të tjera të mbrojtjes personale për personelin mjekësor, përfshirë dhe maskat e posaçme respiratore.

Komiteti Ad-Hoc kërkoi zbatimin me rigorozitet të sistemit të referimit të rasteve me SRRA (Sindromë të Rëndë Respiratore Akute) nga spitalet rajonale drejt atyre universitare, si dhe vlerësoi punën e deritanishme të mjekëve në qendrat shëndetësore dhe njësitë e tjera të kujdesit parësor, dhe kërkoi përdorimin e plotë të këtyre shërbimeve nga popullata. Ndërkohë, komiteti kërkoi intensifikimin e komunikimit me mjekët lidhur me udhëzimet më të fundit për përdorimin e barnave antiviralë dhe ngarkoi ISHP-në dhe specialistët e shërbimeve përkatëse të vazhdojnë më tej informimin në vijimësi të publikut për masat parandaluese dhe mbrojtëse ndaj gripit sezonal, veçanërisht: të moshuarit, të sëmurët kronikë dhe fëmijët.

Prej javës së 3-të të muajit tetorit 2013 deri më datën 28 Shkurt 2014 janë dërguar në ISHP 476 mostra nga persona të dyshuar për grip. Gjithsej, 72 (15%) mostra kanë rezultuar pozitive me viruset e gripit. 36 (50%) prej mostrave pozitive kanë rezultuar me virusin A(H3) dhe 36 (50%) mostrave pozitive me virusin A(H1)pdm09. Ndërkohë, numri i rasteve me SRRS (Sindromë të Rëndë Respiratore Akute) rezulton të jenë 134, prej të cilëve, 3 janë me A(H1) dhe 7 me A(H3).

FOTO LAJM/ Pas tetë vitesh e zbulon që paska mjerim...

09:52 Sociale

VIDEO/ Veliaj: Shqipëria do ta orientojë tregun e punës tek zanatet

20:15 Sociale

Sazani do të shndërrohet në një pikë turistike (VIDEO)

16:18 Sociale

VIDEO/ Haxhinasto: Ja zgjidhjet që kemi ofruar për të dalë nga situata

14:22 Sociale

VIDEO/ Shoferët e furgonave bllokojnë Tiranën: Ky është fillimi i protestave

13:44 Sociale

Shënohet viktima e parë nga ‘gripi i derrit’, humb jetën 30- vjeçarja shtatzënë (VIDEO)

11:43 Sociale

Mjekët ndjehen “të kërcënuar” nga gripi: S’kemi maska mbrojtëse

09:30 Sociale

Haxhinasto i kthen përgjigje furgonëve: S`ka kthim prapa, do garantojmë sigurinë rrugore (VIDEO)

11:55 Sociale

Situata gripale në vend/ Mblidhet komiteti ad-hoc: 5% më shumë raste se një vit më parë

14:20 Sociale

Rikthehet gripi i derrit në vendin tonë, 14 pacientë të shtruar në spital

10:34 Sociale