Armët kimike/ Meta: Berisha, aktori më i keqkuptuar

Kreu i Kuvendit Ilir Meta e cilësoi ish-Kryeministrin Sali Berisha si aktorin më të keqkuptuar në situatën e krijuar për armët kimike. E ndërsa i referohej një bisede të zhvilluar me ish-Kryeministrin, Meta tha se “u krijua një situatë që nuk kishte asnjë lidhje me atë që po ndodhte. Opozita dhe vetë zoti Berisha ka qenë aktori më i keqkuptuar dhe me një bindje të verbër se gjithçka kishte mbaruar se vendimi ishte marrë sepse Kryeministri duhet të kthehej në vend”.

“Jam ulur pranë tij për ti thënë që nuk mund të merret dhe fjala juaj dhe e opozitës se vendimi do të merret në Parlament. Por ai tha se vendimi ishte marrë dhe më tha se as ti nuk di gjë!!! Opozita ishte e keqkuptuara e madhe e gjithë kësaj situate madje dhe “viktima” e këtij keqkuptimi, për fat të keq me atë dëshirën e vet për të konfrontuar qeverinë me popullin e vet”, tha Meta.

Lidhur me qëndrimin e Berishës, kreu i Kuvendit tha se “ai kishte një bindje se vendimi ishte marrë, se populli shqiptar do ishte viktimë. Mendoj se ishte dhe një dëshirë e tij, sepse nuk do të ishte keq që të vinin armët që ai të thoshte që ja kjo qeveri solli armët, do të vrasë bijtë e Shqipërisë, etj”.

E ndërsa shpjegon qëndrimin e tij të mbajtur në atë kohë se “Shqipëria do të marrë përsipër aq sa t’i mbajnë shpatullat”, Meta tha se është keqkuptuar gatishmëria e Kryeministrit Rama për të biseduar lidhur me këtë çështje, duke u menduar si një përgjigje pozitive.

“Kjo do të ishte një përgjegjësi që mund të mbahej, ku dhe vetë shqiptarët të bëheshin pjesë e saj. Ka disa rrugë për të vajtur tek e vërteta dhe kjo është një rrugë. Lidhur me këtë çështje dua të shpreh bindjen se themeli i gjithë këtij keqkuptimi dhe tensioni ka të bëjë pikërisht më faktin se gatishmëria e shprehur nga Kryeministri pas kërkesës, propozimit apo kontaktit për të kontribuuar është paraqitur, keqkuptuar si një përgjigje PO e mirë menduar e thelluar dhe e studiuar. Në këtë hapësirë mendoj se këtu lëviz e gjithë ngjarja. Për atë frazën e famshme, e thoja sepse as unë vetë nuk dija ç’të thoja, pra ishte një fjalë spontane. Në një klimë spekulimi ku po përpiqej të krijohej një fabul që Shqipëria donte të merrte në qafe jo vetëm veten, por dhe Greqinë dhe Italinë. Kam qenë i bindur se nëse Shqipëria do të merrte përsipër një përgjegjësi, kjo e fundit do të ishte një përgjegjësi që mund të mbahej, ku dhe vetë shqiptarët të bëheshin pjesë e saj”, u shpreh Meta.

Sipas tij, çdo vendim do të kalonte në mënyrë transparente dhe të gjitha rrethanat e bënë të qartë se vendimi ishte një vendim i madh dhe nuk do t’i përkiste as kryeministrit e as parlamentit por të gjithëve.

SHISH në “shtetrrethim”/ Ajazi izolon punonjësit, “sekuestron” telefonat

19:55 Politika

Armët kimike siriane/ Rama: I refuzuam jo nga protestat, por se nuk kishim kushtet

19:46 Politika

Rama me biznesin fason: Kemi gati paketën me 42 masa për industrinë tuaj (VIDEO)

18:12 Politika

Shehi: Protestat nuk sjellin asnjë përfitim për opozitën, nuk ka asnjë kauzë për rrëzimin e qeverisë

16:41 Politika

Arrestimet për terrorizëm, reagojnë besimtarët: Akuzat janë false. Po goditet Islami

15:27 Politika

Reforma Territoriale/ Fino: Ndryshime në Kushtetutë, kryetari i Qarkut të zgjidhet nga populli

13:29 Politika

Hëna Këlcyra rrëfen çastet e fundit të Eqerem Bej Vlorës

13:40 Politika

PABSEC/ Dokle: Bashkëpunim rajonal kundër krimit dhe korrupsionit

13:19 Politika

Zbardhet identiteti i udhëtarëve misteriozë, por sërish asnjë gjurmë nga avioni

12:27 Politika

Nishani: Këshilli i Sigurisë Kombëtare, mirëpres kontributin e Bashës (VIDEO)

11:02 Politika