Nishani dekoron ministrin e Jashtëm arab: Mbështetët çështjen shqiptare

“Emiratet e Bashkuara Arabe kanë qenë mbështetës të spikatur të çështjes shqiptare në arenën ndërkombëtare duke dërguar trupa paqeruajtëse në Kosovë dhe ndihma për refugjatët kosovarë në qytetin e Kukësit. Pas shpalljes së Pavarësisë së Kosovës, Emiratet e Bashkuara Arabe ishin vendi i parë i Gjirit Persik, të cilët e njohën Republikën e Kosovës si shtet i pavarur, vendim që u pasua edhe nga njohje të tjera nga vendet e Gjirit”.

Kështu u shpreh Presidenti Bujar Nishani në ceremoninë e vecantë të organizuar në Presidencë ku vlerësoi kontributin e Sheikut Abdullah bin Zayed Al Nahyan me Dekoratën “Gjergj Kastrioti Skënderbeu” me motivacionin: “Për merita të veçanta në forcimin e marrëdhënieve ndërmjet Republikës së Shqipërisë dhe Emirateve të Bashkuara Arabe dhe mbështetjen që vendi i tij i ka dhënë  Shqipërisë dhe shqiptarëve”.

Në ceremoni ishin të pranishëm edhe ministri i Jashtëm, Ditmir Bushati, Kryebashkiaku i Tiranës Lulzim Basha. Duke shprehur përgëzimet e sinqerta si dhe mirënjohjen e thellë, në emër të qytetarëve shqiptarë, Presidenti Nishani vuri në dukje, ndërsa i dorëzonte Dekoratën e lartë Ministrit të Jashtëm të Emirateve të Bashkuara Arabe se “në të gjitha këto arritje të marrëdhënieve mes vendeve dhe popujve tanë, në forcimin e miqësisë mes tyre, prania dhe kontributi juaj janë të prekshme dhe evidente”.

Ministri i Jashtëm i Emirateve të Bashkuara Arabe, Sheiku Abdullah bin Zayed Al Nahyan duke falenderuar Presidentin Nishani u shpreh se ky është një privilegj, një kënaqësi e veçantë dhe një nder i jashtëzakonshëm që i bëhet.

“Kjo medalje nuk më adresohet vetëm mua si person, por Shtetit të Emirateve të Bashkuara Arabe në tërësi. Ju siguroj, se Emiratet e Bashkuara Arabe do të angazhohen maksimalisht dhe me rigorozitetin më të plotë për konsolidimin, zhvillimin dhe forcimin e marrëdhënieve bilaterale mes vendeve tona mike. Ky vlerësim do të më bëjë akoma më të lidhur me vendin tuaj duke dashur të shikoj më me seriozitet mundësitë dhe potencialet e mundshme që mund t’i ofroj Republikës së Shqipërisë”,  theksoi Sheiku Abdullah bin Zayed Al Nahyan.

Takimi PE- Shqipëri në Strasburg, votohet pjesërisht deklarata

16:50 Politika

“Arrest me burg” për 2 imamët nën kushte të rrepta sigurie/ Besimtarët bëjnë thirrje për protesta

15:54 Politika

Mazhoranca zyrtarizon nismën për të kontrolluar kupolën e SHISH

15:06 Politika

Rekrutimi në Siri/ Ministri arab: Mos bini pre. Bushati: Luftojmë terrorizmin

13:48 Politika

Vorpsi: Rama po detyron nxënësit të dalin në aktivitetet e tij politike. Xhaçka: Deklaratat e PD, mjerane

12:45 Politika

Avioni fluturoi edhe katër orë/ Hetuesit amerikanë: Mund të jetë rrëmbyer

12:01 Politika

Ukraina krijon Gardën Kombëtare përpara referendumit në Krime

11:42 Politika

Rama: Mbështetje për sipërmarrjet dhe fasonët. Në 1 muaj, zyrat e punës punësuan 1555 persona (VIDEO)

11:18 Politika

Ja çfarë ndodhte në “pavionin VIP” të burgut 313 në vitin 1997

10:47 Politika

Basha-Bel: Qeveria nuk reflektoi për mosdhënien e statusit (VIDEO)

10:50 Politika