Mandati i Kryetarit të AMA/ Kuvendi: Ja procedura që kemi ndjekur

Kuvendi i Shqipërisë sqaron procedurën e ndjekur në rastin e anëtarëve të Autoritetit të Mediave Audiovizuale (AMA) pas debateve që ka shkaktuar kjo çështje mes pozitës dhe opozitës. Përmes një deklarate për mediat, Kuvendi sqaron se Shërbimi i Monitorimit të Institucioneve të Pavarura Kushtetuese dhe të krijuara me ligj që Raportojnë dhe Informojnë Kuvendin e Shqipërisë, ka përgatitur informacione, vlerësime, analiza ligjore, ndër të tjera edhe për kohëzgjatjen e mandateve të anëtarëve dhe titullarëve të institucioneve kushtetuese apo të krijuara me ligj, të cilët zgjidhen apo emërohen nga Kuvendi.

“Puna e këtij shërbimi bazohet në Manualin e Përshkrimit të Punës të Shërbimeve të Kuvendit, miratuar me vendim të Byrosë së Kuvendit. Shërbimi i monitorimit, sipas përcaktimeve në këtë Manual, raporton drejtpërdrejt tek titullari i institucionit dhe eprori direkt i tij. Kjo praktikë e përcjelljes së informacioneve dhe vlerësimeve të ndryshme për çështjet e sipërpërmendura është ndjekur sipas këtyre përcaktimeve që nga fillimi i funksionit të shërbimit, pra prej vitit 2007 e në vijim”, thuhet në sqarimin e Kuvendit.

Në vijim theksohet se “në memon e përgatitur në tetor të vitit 2013, është vlerësuar vetëm situata e mandateve të anëtarëve të institucionit të AMA-s. Në këtë memo nuk është bërë vlerësimi për Kryetarin dhe mandatin e tij si anëtar. Për shkak të vonesës në vendimmarrjen e Kuvendit, për plotësimin e vakancave të krijuara në këtë institucion, që u pasua me bllokimin institucional të funksionimit të AMA-s, Shërbimi i Monitorimit rivlerësoi situatën e krijuar”.

“Në memon e marsit 2014, u riparaqit vlerësimi për statusin ligjor të mandateve, vakancave të anëtarëve, duke u plotësuar edhe me vlerësimin e mandatit të kryetarit  si anëtar. Këtu, rezultoi  se mandati aktual i kryetares në detyrë të AMA-s është i pambuluar me mandat anëtari, sipas përcaktimit ligjor, që nga data 24.9.2012, datë kur i ka mbaruar mandati ligjor si anëtare. Theksojmë se vlerësimet e kryera nga Shërbimi i Monitorimit, por edhe nga Shërbimet e tjera të Kuvendit, përbëjnë dokumente tekniko-ligjore mbështetëse dhe orientuese për Kryetarin dhe anëtarët e Kuvendit. Sa më sipër, janë organet e Kuvendit që bëjnë vlerësimin dhe realizojnë vendimmarrjen përfundimtare në komisione dhe në seancë plenare”, thuhet në sqarimin e Kuvendit të Shqipërisë.

Prefektura përgënjeshtron Bashkinë e Tiranës për bulevardin e ri

14:28 Politika

Miratohen shpronësimet për varrezat e Tiranës dhe fondi për maternitetin e Preshevës (VIDEO)

14:18 Politika

Çmimet e telefonisë/ Nga 1 prilli nis ulja e tarifave

14:10 Politika

Agolli: Berisha të largohet nga drejtimi i PD dhe si deputet

13:48 Politika

Pollo: AMA, mazhoranca prishi konsensusin për interesa monopoliste

13:18 Politika

Ristani: Policia e Shtetit po trajtohet si plaçkë lufte

13:04 Politika

Thatësira, bie niveli i ujit në kaskadën e Drinit

12:40 Politika

Akuzat e PD-së/ Dorëhiqet drejtori i Zyrës së Punës në Kavajë dhe zyrtari i AKU

15:54 Politika

Hetimi ndaj SHISH, Braho:Jemi në pritje të certifikimit të kreut të SHISH

11:41 Politika

Moro: Statusi, fajin e ka politika shqiptare

11:06 Politika