Kodi i ri Doganor/ Rama: Mbyllim epokën kur biznesi trajtohej me pahir si burim të ardhurash

Kodi i ri Doganor, që do të hyjë në fuqi më 1 janar 2015, u cilësua nga kryeministri Edi Rama si qasja e re e shtetit ndaj sipërmarrjes.

“Falë këtij kodi, do kalohet nga një epokë ku biznesi është parë si burim të ardhurash të nxjerra medoemos, me hir e pa hir, në një epokë ku biznesi do trajtohet si partner strategjik”.

 Sipas Ramës “ky dokument vjen si produkt i njësimit të Kodit të Ri të Bashkimit Europian me Kodin Doganor të Shqipërisë, çka do të sjellë një teansformim rrënjësor, por që kërkon një sërë masash dhe politikash të reja në mënyrë që të bëhet e mundur që nga 1 janari i vitit të adhshëm, marrëdhënia e doganave me biznesin, të funksionojë mbi këtë kod”.

Në fjalën e mbajtur në ceremoninë e zhvilluar në Doganën e qytetit të Durrësit, ku u bë prezantimi i rregullatorit të ri të sistemit doganor, Rama ndërsa theksoi se doganat shqiptare janë në një proces transformimi rrënjësor, shtoi se lufta ndaj burokracisë, informalitetit dhe korrupsionit do të jenë në qendër të punës.

Në këtë kuadër, kryeministri ka kërkuar edhe ndihmën e qytetarëve, për të denoncuar sipas tij, rastet korruptive.

“Është një ditë e shënuar për marrëdhëniet mes shtetit dhe biznesit, doganave shqiptare, importuesve dhe eksportuesve. Ky moment shënon ndërmarrjen e një hapi të madh të përbashkët e të shumëpritur në drejtim të rritjes së sigurisë për eksportuesit dhe importuesit, në drejtim të futjes së inovacionit në funksion të luftës ndaj burokracisë dhe korrupsionit. Doganat shqiptare janë në një fazë transformimi rrënjësor, për të bërë ndryshim nga një epokë boshllëku të madh në marrëdhëniet mes shtetit dhe biznesit, në një epokë me një qasje të re ndaj biznesit. Më parë biznesi është parë si burim të ardhurash për t’u nxjerrë me hir e pahir, ndërsa ne do të ndërtojmë një marrëdhënie ku biznesi trajtohet si partner strategjik në rrugën e zhvillimit të qëndrueshëm. Tashmë dogana dhe tatimet janë krahët më të cilët shteti iu shërben njerëzve të biznesit”, theksoi Rama.

Në vijim, kryeministri shtoi se punonjësit e doganave dhe të gjitha drejtorive përkatëse do të trajnohen për të realizuar në mënyrë të përgjegjshme dhe efikase punën e tyre.

“Do të përgatitet administrata e doganave të Shqipërisë për të përballuar sfidat që sjell ky kod i ri, që në themel ka lehtësimin e skajshëm të të gjitha procedurave dhe ofrimin e shërbimeve ndaj qytetarit. Në themel të kodit është shërbimi ndaj biznesit. Nuk kanë munguar ligjet tek ne, por vullneti për aplikim. Me këtë kod, për ne sfida nuk është vullneti, pasi këtë e kemi, por kërkohet aftësimi i punonjësve në dogana në nivel europian, që të punojnë me standarde evropiane. Për këtë nevojitet një proces trajnimi”, tha Rama.

Në këtë kuadër, kryeministri u shpreh se doganierët do të punojnë ditën, dhe pasditeve apo natën do të ndjekin kurset e mësimit dhe në fund do të japin një provim për të testuar njohuritë apo dijet që kanë marrë nga ky trajnim.

“Do të trajnoheni në të gjitha drejtimet, që nga sjellja që duhet të keni. Unë e kam thënë edhe herë të tjera që faji i korrupsionit nuk janë njerëzit, por janë sistemet. Nëse sot 10 doganierë shqiptarë do të shkojnë dhe të punojnë në Gjermani, të jeni të bindur se brenda 1 muaji ato do të sillen njëlloj si gjermanët. Por nëse 10 doganierë gjermanë do të vijnë të punojnë në Shqipëri, për 1 muaj ato do të mësojnë ato praktika që ka sistemi shqiptar”, theksoi Rama.

Kreu i qeverisë nuk ka lënë mënjanë as batutat përballë problemeve që u ngritën në bashkëbisedim me përfaqësues të sipërmarrësve.

“Sa fëmijë keni, i keni bërë një nga një apo të tre me radhë. Keni të drejtë për kërkesat tuaja, por na jepni 9 muaj për t’i realizuar. Do t’i bëjmë të tre në të njëjtën kohë. Por duhet koha e nevojshme”, tha kryeministri Rama, duke iu përgjigjur shqetësimit të njërit prej sipërmarrësve në lidhje me procedurat burokratike të tejzgjatura.

Duke marrë fjalën në këtë takim, ministri i Financave, Shkëlqim Cani, ftoi biznesin të paraqesë projekt- drafte me ndryshimet e nevojshme në të gjitha aktet ligjore dhe nënligjore të paketës fiskale.

Cani tha se janë për t’u rishikuar aktet ligjore e nënligjore që lidhen me paketën fiskale në Shqipëri.

“Jemi të gatshëm të shohim të gjithë paketën. Ne kërkojmë që ju të jeni jo vetëm pjesëmarrës aktivë në debatet për paketën fiskale, por të merrni pjesën tuaj të kuadrit ligjor edhe nënligjor për të propozuar projekt-aktet konkrete”, theksoi ministri Cani.

Për këtë tha ai përgëzoi një pjesë të biznesit që tashmë po punon me Ministrinë e Financave.

Kreu i financave publike, vlerësoi edhe dy projektet e propozuara nga Drejtoria e Përgjithshme e Doganave.

“Ky kod shkon drejt standardeve të BE-së, realizon të gjitha standardet dhe prakatikat më të mira të BE-së duke shtuar siguri, inovacion, dhe progres si për biznesin dhe qeverinë, elementë këto të domosdoshme për punën e përbashkët në dobi të ekonomisë”, tha Cani.

Po ashtu ai vlerësoi pozitiv edhe ngritjen e një sporteli të vetëm doganor.

Drejtoresha e Doganave, Elisa Spiropali, duke prezantuar Kodin Doganor, tha se risitë do sjellin ndikim pozitiv në marrëdhëniet e doganës me bizneset si dhe nxisin tregtinë e ndershme.

Me këtë kod të ri, tha ajo, vendi do mbrohet nga tregtia e paligjshme, ndërsa bizneset do kursejnë kohë dhe para.

“Ky kod përmirëson rregullat dhe proceset doganore, thjeshtësohen procedurat doganore duke lehtësuar marrëdhëniet biznes-doganë”, nënvizoi Spiropali.

Synimi ynë, vijoi më tej ajo, është modernizimi i doganave.

“Për herë të parë përcaktohen objektivat e doganave në një linjë me të gjitha administratat e vendeve evropiane. Në këtë kod janë përfshirë operatorët ekonomikë të autorizuar. Një biznes që regjistrohet si operator ekonomik i autorizuar pastaj ka një sërë lehtësirash, siå është lëvizja e mallrave në kohën që janë në magazinim të përkohshëm”, tha Spiropali.

Sipas saj, kodi i ri mund të shfletohet tashmë online në faqen e Drejtorisë së Doganave.

Në fjalën e saj, Spiropali theksoi se kryeministri dhe qeveria kanë dhënë mbështetjen e plotë për funksionimin e këtij projekti.

Spiropali vlerësoi edhe projektin e një sporteli të vetëm doganor për biznesin. Sipas saj, ky sportel synon lehtësimin e mëtejshëm të tregtisë.

FMN dhe BB: Ja rreziqet e sistemit financiar në Shqipëri

19:39 Ekonomia

ARMO: Jemi të hapur të kontrollohet çdo produkt i yni

16:28 Ekonomia

Autoriteti i Konkurencës paraqet raportin vjetor në Kuvend

12:27 Ekonomia

Forumi i biznesit Shqipëri-Rumani/ Ahmetaj: Përmirësimi i klimës së biznesit, reforma më e rëndësishme

19:16 Ekonomia

Rama: Ka ikur koha e tallavasë me financat, duhet t`i përvishemi punës (VIDEO)

17:27 Ekonomia

Spiropali në Bruksel për Kodin e ri Doganor dhe paktin e një sporteli të vetëm

20:08 Ekonomia

Biznesi fason/ Rama prezanton lehtësirat: Të punësuarit e rinj pa taksa, TVSH zero për makineritë (VIDEO)

14:38 Ekonomia

Qeveria vendos pagimin e detyrimeve për energjinë elektrike

13:51 Ekonomia

Falja e gjobave/ Ahmetaj: Asnjë qeveri s'mund të luajë politikisht me biznesin

13:24 Ekonomia

Projektligji për energjinë e rinovueshme/ Gjiknuri: Të shtyhet hyrja në fuqi për në janar 2015

13:03 Ekonomia