Kosova nuk e fton Januzajn në 2 miqësore e radhës

Kosova i mban të hapura dyert për talentin Adnan Januzaj, por nuk do t’i bëjë një ftesë zyrtare për dy miqësoret e radhës kundër Turiqsë dhe Senegalit. Konfirmimi vjen nga trajneri i kombëtares, Albert Bunjaki, sipas të cilit, mesfushori 19-vjeçar mbetet në objektivin e federatës, por nuk do të thirret për dy ndeshjet e radhës pas refuzimit që i bëri Kosovës për miqësoren e parë, e cila u zhvillua në stadiumin “Adem Jashari” kundër Haitit.

Në një intervistë për të përditshmen kosovare “Express”, Bunjaki shton se Januzaj i ka të hapura dyert për kombëtaren e Kosovës dhe federata është në bisedime me të afërmit e talentit, por për të vendosur pikat mbi “I”, nevojitet një takim me lojtarin dhe të atin, që është edhe menaxheri i tij.

“Ftesa një lojtari i dërgohet kur puna është 90 për qind e kryer. Unë mund t’i dërgoj ftesë edhe Xherdan Shaqirit e Valon Behramit, por kjo nuk është e drejtë”, nënvizon trajneri kosovar, që shton gjithashtu se aktivizimi i mundshëm me Kosovën nuk përbën pengesë për Januzajn, pasi ai mund të luajë edhe për një kombëtare tjetër.

Ditët e fundit, çështja “Januzaj” është kthyer sërish në qendër të vëmendjes mediatike për shkak të rritjes së kuotave të Belgjikës për ta përfshirë në listën e kombëtares që do të udhëtojë drejt Botërorit të Brazilit.

Salzburgu kërkon Lorik Canën

13:59 Sport

Alban Meha gol si Ronaldo, zhbllokohet dhe Roshi

13:32 Sport

“Reali s’ka gisht në dënimin e Barcelonës”

14:43 Sport

Del Boske: Topi i Artë duhej të ishte fituar nga një spanjoll

13:56 Sport

Skolari: Barcelona po e keqtrajton Neimar

13:54 Sport

Një lajm i mirë, Michael Schumacher zgjohet nga koma

11:19 Sport

Senegalezi Kamara: Ndeshja me Kosovën, një shaka e madhe

13:59 Sport

Shkëlzen Gashi, kandidat për “Njeriu i muajit” në Zvicër

13:50 Sport

Berisha një “fiksim”, De Biazi e fton sërish

13:41 Sport

Schumi shfaq përmirësim, do dërgohet në një klinikë tjetër

10:58 Sport