Alban Meha gol si Ronaldo, zhbllokohet dhe Roshi

Mjeshtër, artist, magjistar…! Të gjitha epitetet që mund t’i shkojnë për shtat një futbollisti si Alban Meha, që dje realizoi një tjetër kryevepër në humbjen 2-1 të Paderbornit nga Fortuna Dyseldorf.

Mesfushori i Kombëtares shqiptare ka shënuar një tjetër gol spektakolar, teksa në minutën e 52-të barazoi rezultatin për vendësit që gjendeshin në disavantazhin minimal kundër Fortunas. Meha ekzekutoi një goditje dënimi në krahun e majtë të mesfushës dhe nga një distancë prej më shumë se 30 metrash gjuajti si Ronaldo, duke e dërguar topin në këndin ku portieri e kishte të pamundur ta kapte. Thjesht e mahnitshme! 28-vjeçari shënoi dje golin e gjashtë spektakolar në harkun e dy muajve të fundit, ndërkohë që ishte i 11-ti sezonal për futbollistin e Paderbornit. Ky është pa diskutim një ndër sezonet e tij më të mira.

Pas dy javëve, ku i kishte shkuar shumë pranë golit, por për shkak devijimesh apo mungese fati nuk i ishin quajtur Roshit, dje mesfushori kuqezi e ka dërguar më në fund topin në rrjetë, raporton Panorama Sport. Futbollisti fierak luajti që nga minuta e parë në ndeshjen që Frankfurti humbi 2-1 në transfertë kundër Alenit, ndërsa 23- vjeçari shqiptar arriti që të fitojë një vend titullari për të katërtën javë radhazi. Në minutën e 61-të, kur vendësit e Alenit ishin në avantazh 1- 0, Roshi merr një pasim nga shoku i tij Leki në afërsi të zonës dhe me një gjuajtje normale e dërgon topin në rrjetë. Kujtojmë që javën e kaluar mesfushori i Shqipërisë pati shënuar një gol të çuditshëm kundër Paderbornit, duke e devijuar topin me shpatull nga larg, por më pas Federata Gjermane e cilësoi autogol të lojtarit kundërshtar. Ky ishte goli i parë sezonal për Roshin, ndërkohë që deri tani është aktivizuar në 19 ndeshje dhe ka luajtur 612 minuta. Kapllani nuk ka qenë i grumbulluar për këtë ndeshje, për shkak të dëmtimit që pësoi javën e kaluar. Paderborni i Mehës renditet në vendin e tretë me 49 pikë në 29 takime, ndërsa FSV Frankfurti i Roshit dhe Kapllanit renditet në vendin e 13-të me 34 pikë në 29 ndeshje. Gjatë merkatos së verës nuk përjashtohet mundësia që tre shqiptarët e këtyre dy skuadrave të ndërrojnë ekip.

“Reali s’ka gisht në dënimin e Barcelonës”

14:43 Sport

Del Boske: Topi i Artë duhej të ishte fituar nga një spanjoll

13:56 Sport

Skolari: Barcelona po e keqtrajton Neimar

13:54 Sport

Një lajm i mirë, Michael Schumacher zgjohet nga koma

11:19 Sport

Senegalezi Kamara: Ndeshja me Kosovën, një shaka e madhe

13:59 Sport

Shkëlzen Gashi, kandidat për “Njeriu i muajit” në Zvicër

13:50 Sport

Berisha një “fiksim”, De Biazi e fton sërish

13:41 Sport

Schumi shfaq përmirësim, do dërgohet në një klinikë tjetër

10:58 Sport

Ish-lojtari i Zenit: Paguanim arbitrat për të fituar në Kupën UEFA

14:02 Sport

PSG, Kavanin dhe 10 milion euro për Pol Pogba

13:54 Sport