Te fundit
Sammer: Me Kaiserslautern, si një finale
15 Prill 2014, 16:20Sport
TEMA
Mattias Sammer paralajmëron Bayernin e Mynihut të bëjë kujdes dhe të mos e nënvlerësojë Kaiserslauternin në gjysmëfinalen e Kupës së Gjermanisë. Bavarezët dhe skuadra e kategorisë së dytë të Bundesligës do të përballen në Allianz Arena për një vend në finalen e madhe të Berlinit, ku kampionët e Gjermanisë do të kërkojnë mbrojtjen e titullit dhe nëse do t’ia dalin, kjo do të ishte hera e parë që prej 2005-ës dhe 2006-ës. Me Thiagon, Xherdan Shaqirin dhe Holger Badstuber që janë në pikëpyetje, drejtori sportiv i Bayernit u përpoq të karikojë skuadrën duke thënë se këtij takimi duhet t’i jepet rëndësia maksimale.
“Eshtë si një finale për ne. Djemtë e dinë shumë mirë se nuk duhet ta pësojmë si Leverkuseni që u eliminua pikërisht nga Kaiserslautern. I gjithë ekipi duhet të prodhojë një performancë më të mirë se në ndeshjen e fundit që kishim me Dortmundin”.
Për herë të parë që nga Nëntori i vitit 2011, bavarezët kanë humbur dy ndeshje radhazi në kampionat, pësuan fillimisht një disfatë shokuese ndaj Augsburgut e më pas u mundën edhe nga verdhezinjtë e Jurgen Klopp. Të njëjtin mesazh paralajmërues dha edhe shefi ekzekutiv i klubit. Ashtu si Sammer, Rummenigge nënvizoi se Kaiserslautern nuk duhet nënvlerësuar, pasi ka dhënë prova të qarta ndaj Leverkusenit për dëmet që mund të shkaktojë.
Lini një Përgjigje
Më të lexuarat
24 oret e fundit
Javen e fundit
Blog Tema
